الجزء الثالث من تطورات اخت زوجي

السلام عليكم ورحمه الله وبركاته..

بنات .. انا صحيح للحين مع اخت زوجي ,,بس الحين صارت تطورات وايد ,,, اول شي ام عبدالله ( اخت زوجي ) راحت المحكمه .. ومن دشت وزوجها ما تم كذبه ما كذبها على القاضي .. يقول انها تطلع من وراه وان يشك فيها وان كل في بيت امها .. وان ماتطيعه وانها تتخانق مع امه وانها تتطلب وايد ,, ماتم شي ماحطه فيها المسكينه .. .

وفوق هذا كله كذب بالراتب ... يقول ان راتبه ضعيف ,,,, وحكمت المحكمه الحين بمصروف بس 70 دينار 10 دينار كسوه العيد !! 10 لرمضان .. و 10 لعيد الاضحي ... والباقي مصروف الولد .... بالله مو حرام .. البنت مسكينه بغت تموت قهر .. وهي تدري ان معاشي اكثر شوي .. بتحاول تطلع كشف الراتب ماله من العمل ..من غير مايدري وتوديه معاها المحمكه..

الريال .. صار يشرب .. والمصيبه ان بيعرس .. بعد اسبوع من الحين .. طبعا من عشيقته .. والمصيبه العوده ان المحكمه احكمت ان الابو ياخذ الولد ساعتين عنده ويرجعه .... مرتين بالاسبوع .. مع ان الابو غير مؤهل ولا امه مؤهله ان يحتفظون فيه دقيقه وحده ,,وهو سكير ...

الله يفرج همها عورت قلبي ... ومافي يدي شي اسوي لها ... غير الدعاء واهون عليها

تحياتي
ام جنى