معكرونة بالجبن و الكريمة و المشروم فظيعة من قلب جربوها و على ضمانتـي

الســــلام عليكم
هذي أول مشاركة لي بقسم الطبخ عبارة عن طبق انا جفته بمنتدى بحريني و جربته بعد تعديـل مني :wink: و طلع وااااااااااااااااااو فظيع من قلب (y) و الأحلى إنه سهل و ما يتعب :D .. و على فكـرة كـانت اول مـرة ادش فيهـا المطبخ بس استانست بالتجربـة يعني :o

ما طول عليكم حبايبي يلا نبتدي :D


المقاديــــــر

*معكرونه
*فلفل اسود, ملح, مشروم مقطع
*علبتيـن كريمه حامضه
*جبن كاسات كبير
*صدور دجاج
الطريقه:

*نفوح صدور الدجاج بعد تنظيفها
*انزين عقب ما فاحت الصدور ونضجت ..شيلوها وكتو المرق مالها وابتدو قطعو في الديايه
وبعدين
بنسوي الصلصة...ييبو جدر كبير وحطو الجبن كله فيه + الكريمه الحامضه وخلطوهم ويا بعض على نار هادية راح تلاحظون في البداية انها غلييييظة بس مع الوقت راح تبتدي تصير اخف و انتوا حركوها كل فترة لي ما تحسون ان قوامها تغير و صارت شبه سائلة...وبعدين ضيفوا عليها الفلفل الاسود+ اشويه ملح..
وبعدين فوحـوا المعكرونه وبعدين كتو الماي عنها وردوها للجدر مالها وخذوا صدور الدجاج حطوه على الصلصة مع المشروم و قلبوهم بالقفشة ( الملعقـة ) و كتوا الخليط هذي كله على المعكرونة
و عليكم بـــــألف عـافيـهـ :D

تدرون يا بنات لما سويتها قلت لأمي أخواني الصغار مراح ياكلون منها أدري بهم ما يحبون هالسوالف شكلنا بنطيح فيها انا و انتي لكن و الله العظيم يا بنات و ربي شاهد على كلامي أن أخوي أول ما كل منها قال الله شهالطبق العجيب من مسويه جان تقوله أمي أختك هههههه قال تسلم يد من سواه لذيذ من قلب و أخوي الاصغر منه فديته هم عجبه ووووووايد بس المشكلة محد مصدق انها صنعة ايديا و حياة عينيا :o
جربوها يا بنات تراها لذيييييييييييييييييييذة من قلب
و يلا شجعوني تراني أول مرة اطبخ و عقبال ما أصير طباخة و أنافس السفيرة ما شاء الله عليها :tongue: <<<< عاد هذي مالج أمل هههههههههههه :D