السلام عليكم ورحمة الله وبركاته
اخواتي العرايس باركوا لي ملجتي كانت امس
واستلمت مهري وفلوس التجهيز وانا محتاره واااااااااايد كيف اقسمه واخص بهالطلب عرايس الامارات وخصه مع غلا العيشه والسلام عليكم ورحمه الله وبركاته
وينكن يا عرايس الامارات وين همتكن فمساعدتي
اسمحيلي والله ما اعرف شي عن المهر
جزاج الله خير
ومبروووك عليج ...منج المال ومنه العيال والله يسعدج ويحفظج ويوفقج
قولي آآمين
وعليج السلام ورحمة الله وبركاته ..
مبروك الف مبرووك عالملجة
وربنا يتمم لج على خير ان شاءالله
بالنسبة للمهر ..
حاولي انج ماتلعبين فيه واايد ..
أول خطوة ... خذي مبلغ معين وعطيه حق الوالد ..
خليه يتبرع فيه ولا يذبح ذبيحة ويوزعها عالفقرا ..
يقولون هالطريقة اتبارك لج وفمهرج ... انا ابوي جي سوى
ثانيا ... اسالي عمرج هالسؤال ..
بتسكنين عند اهله فبيتهم .. ولا بتسكنين ابروحج ..
اذا ابرووحج ... كثري من قمصان النوم .. والسوالف الحلوة حق ريلج ..
لانج بترومين تلبسينها طوول اليوم ... وخااصة انكم ابرووحكم .. ولا تنسين تاخذين جلابيات فخمة اذا حد زااركم ..
بس اذا مع اهله .. حاولي اتمكسين واكثرين الجلابيات الفخمة واللبس الحلو والشيل والخوار واللبس الساتر كم طويل ...
حطي مبلغ معين حق العبي .. وقسمي العبي والاسعار المتوقعه .. يعني مثلا ..
عبي مناسبات ... مبلغ معين واكيد بيكون غالي اشويه
عبي حق الدوام ..
عبي حق الطلعات ..
والذهب ......... اهم شي الذهب ...
اذا بتراوين الذهب بليلة الحنة ... او بالعرس ..
فانصحج انج تشترين اشويه اكثر عن اذا مابتعرضين ..
واهم شي من الاساسيات .. خواتم + حيوول ذهب ..
وبما انه الذهب غاالي ومرتفع ...
خذيلج حوالي 5 اطقم او 6 شراتي ...
حوالي انه مب كلهم يكونون دفشين ..
خلي طقم دفش حق الاعراس ..
والباقي اتقل درجات الشغل فيه ..
وامممممم
وحطي بعد مبلغ معين حق البدلات .. والقمصان .. والتنانير ...
مبلغ لــ... الشنط والنعوول ..
مبلغ لــ الميكب والعطور ..
مبلغ لــ البدي لوشنز والكريمات ..
مبلغ للأندرويرز ..
مبلغ لــ أكسسوريز .. لانج مب دايمن بتلبسين ذهب ...
والصراحةة هذا اللي اتذكره من زهبتي .. خخخ
والسموحة منج اختي .. واتمنى اني اكون افدتج
ان شاء الله البنات يساعدونج
وبالتوفيق يارب :)
ف
فلسطينيه واعتز
عروس جديدة
14-05-2008 | 06:06 PM
رتبــي تجهيــزاتك وقسمــي مهــرك ( مع بنت الغالــي)
جميــع قوائم واحتياجات العروس ( مع بنت الغالي)
هههههههههههههههههههههههههههههههههههههههههه
مرحبا اختي بنت العين
ما قصرن البنات ويااج وبالاخص الروابط اللي حطتها اختي snow flower
ولو بغيتي اي شي انا حااضره وما عليج غير انج اطرشيلي رساله على الخاص وبساعدج باللي اقدر عليه
تحياتي لج يالغلا
مشكورين بنات حتى انا استفدت