هلا اختي
مبروك عليج الوظيفة
وانا اشوف توقيت دوامج جداً مناسب خصوصاً هالايام اللي معظم الدوامات لين 4 و 5 العصر
وبعدين انتي ولدج ماكمل السنة صح ...؟
عيل من حقج ساعة رضاعة
اطلعي بنص الدوام وتطمني على عيالج
او اذا تبين تتطمنين اكثر حطيهم عند امج اذا قريبه عليج او عند ام ريلج مع خدامتج بجي تطمنين اكثر عليهم
انا هذا رأيي ...
أما اذا ما تبين تداومين وتفضلين قعده البيت فهذا انتي ادرى فيه وأدرى بالأنسب
هلا اختي
مبرووووك على الوظيفة
والله يوفقج ان شاء الله
بس ليش ماتخلين اعيالج عند امج ووياهم الخدامة ..
عشان الخدامة تقوم بشغل البيت وامج تجود عيالج....
تحياتي: ام حمود وبرور
أ
أم طروقي وهنوفه
عروس فضية
29-04-2008 | 06:58 PM
مبروك على الوظيفه المرموقه .....
واذا انتي خايفه على اليهال من الخدامه ...ودي اليهال والخدامه عند احد من قريباتج ...احسن لج واحسن حق عيالج ...ماتدرين الخدم مامنهم امان .....بس اقترح عليج انج اتودينهم عند اي احد امج او ام زوجك او احد من خواتج ...ومعاهم الخدامه ..وايد امن لج ولهم...
مشكورين حبايبي على الردود وباذن الله بشتغل وبوديهم بيت امي
وبشيك ع الايميل والمنتدى من الدوام
*
*همس الحراير*
عروس برونزية
29-04-2008 | 09:22 PM
انا مع البنات وديهم عند امج مع الخدامة
ومبروووك الوظيفة الله يوفقج يارب
&
♥بنوته زايد UAE♥
عروس ماسية
29-04-2008 | 10:12 PM
نصيحه لا تخلينهم عند الخدامه ..
بقولج قصه قصيره مرخ بس بليييييز اهم شئ انج اتودينهم عند اهلج او اهله ،،
[COLOR="Red"]وحده من بنات جارتناا تشتغل وزوجهاا بعد يشتغل وكانت رايحه الدوام وعندهاا بنوته ماكملت سنه المهم ،، وعقب ساارت الدوام والخدامه ضربت ضرب حق الطفله لين ما البنت اخضرت ،، ونفس اليوم الام والاب شافوا ان بنتهم في حاله اتقطع القلب ،، وعقبهاا بعد فتره حاولت الام انهاا اتراقب الخدامه من بعيد وشافت الي يصير مع بنتهاا جدام عينهاا ،، سارت على طول دقت حق ريلهاا وقالت له تعال وشوف البلاوي ،، والاب على طول طلع من الدوام وشاف الي شافته زوجته ،، صار وضرب الخدامه ولبغ عليهاا الشرطه ..
يعني والله الخدم مامنهم امان ..
انتي اذا اتشوفين نفسج انج محتاجه اشتغلي ...
الله يكون بعونج ..[/COLOR]
أنا مع البنات،، وديهم عند أمج أو أمج زوجج مع الخادمة.. صج تعب وشيل وحط من الصبح بس الواحد يكون مرتاح باله.. أنا كنت أسوي هالشي من يوم ولدي صغير، وحتى الحين لما دخل الروضة ماخلي الشغالة بالبيت بروحها أنزلها بيت أمي الصبح وأخليها تساعد أمي في الطبخ لأن أحنا ناخذ غدانا من هناك..
ومبروك عليج الوظيفة، والله يوفقج يارب.
السلام عليكم ورحمة الله وبركاته حبيبتي..
سوي مثلي لما اروح الدوام عيالي عند الوالده ويوم اروح اكون مطمنه..
وغيري جو انتي محتاجه انج تغيرين جو..
وربي الموفق..
ام حمود وبرور;5870224:
هلا اختي
مبرووووك على الوظيفة
والله يوفقج ان شاء الله
بس ليش ماتخلين اعيالج عند امج ووياهم الخدامة ..
عشان الخدامة تقوم بشغل البيت وامج تجود عيالج....
تحياتي: ام حمود وبرور
هذا رايي بالضبط
وراح اسوي جذي اول ما انقبل في الوظيفة الجديدة
الف مبروك على الوظيفه
قولي الحمدالله انه دوامج دوام رسمي مب شراتي من الساعه 7 لين الساعه 3:30 بس انا كل يوم اوديه بيت اختي..اطلع من الفجر..
عندج اختيارين..
يأما تودينهم بيت حد من اهلج
او
ادخلينهم حضانه والحضانه من الساعه 7 لين 1 فا وايد زين وباص يدويدهم وايبهم