شنهي ادوية ادرار الحليب ؟

a

alzanbaq

عروس جديدة

29-04-2008 | 12:31 PM

السلام عليكم ورحمة الله وبركاته

خواتي اللي تعرف اسماء ادويه انوصفت لها او لاحد تعرفه تساعد في ادرار الحليب لاتبخل

علي ..

لان حليبي صار ينشف وتوه ولدي مكمل شهرين وابي ارضعه طبيعي باذن الله ..

واللي تعرف وصفات تكثر الحليب تساعدني :( .. وادعوا لي الله يعيني وارضعه طبيعي وماينشف

الحليب .

أ

أم لمااار

عروس ذهبية

29-04-2008 | 12:45 PM

أشربي حلبة بالثوم أو بالحليب

وبعد أشربي السوب وكثري من السوائل

a

alzanbaq

عروس جديدة

29-04-2008 | 12:49 PM

مشكوره حبيبتي الغلااا .. بس ماتعرفين ادويه .. لاني مكثره من السوايل

ونفس الشي .. سمعت عن ادويه وحليب للمرضع بالصيدليه بس ابي اسماء

هالاشياء للي جربوها .. ومشكوره مره ثانيه ماقصرتي ..

ش

شمعة محبة

عروس برونزية

29-04-2008 | 02:19 PM

هلا اختي
تعرفين حلوى الرهش ؟؟؟؟
تحصلينها اذا عندكم محلات تصنيع الحلوى العمانيه .... بتحصلين عندهم رهش ... وااااااايد زين حق ادرار الحليب .... ويمكن بعد تحصلينه في المحامص ....
وبعد كثري من أكل السمك ...
والله يفرج عليج ..
وان شاء الله أكون أفدتج ..

Q

Qtr Girl

عروس ماسية

29-04-2008 | 04:07 PM

اشربي حليب مع حلبه واكلي رهش وشوفي فيضان الحليب اللي بيصير

ل

لــيــن

عروس جديدة

29-04-2008 | 05:46 PM

[CENTER]هلا الغالية
افضل شي مدر للحليب هو البكل او البقل (الكراث) هذا واااااااااااااااااااااايد زين يدر الحليب بشكل مو طبيعي يعني حاولي تاكلينه بكثرة مع الوجبات انا عن نفسي ما احبه وايد هو مثل البصل تقريبا بس كنت اكله في ولاداتي السابقة والحمدلله وايد نفعني وعليج بالباذنجان هو بعد مدر للحليب ومثل ما كالولج البنات حلوى الرهش زينة
انصحج تتجنبين الادوية رب العالمين وهبنا احسن ادوية طبيعية بس احنا متعلمين الا من الصيدليات
جربي هالوصفات وشوفي النتيجة
الله انشالله يفتحهل علينا وعليج

[/CENTER]

(

((خاطريه ونبضي بوعينيني))

عروس جديدة

30-04-2008 | 11:54 PM

صحيح احسن من الرهش مافيه
وكله رضعي البيبي علشان صدرج يعطف عليه
ويجيه الحليب...
الله يعينج

ن

نووور العيون

عروس مبدعة

01-05-2008 | 03:32 AM

إختي إذا إنتي من الإمارات راسليني ع الخاص...

ا

اريــــج

عروس فضية

01-05-2008 | 03:46 AM

بنات ايش الرهش؟؟؟؟؟؟

ن

نووور العيون

عروس مبدعة

01-05-2008 | 03:50 AM

الحلاوه البيضاء الي مثل الحلواني والنخله فيها مكسرات...

ا

اريــــج

عروس فضية

01-05-2008 | 03:58 AM

نووور العيون;5887763:
الحلاوه البيضاء الي مثل الحلواني والنخله فيها مكسرات...

جربتها وللاسف مافادتني بشئ وما رضعت بنتي طبيعي الا 10 ايام فقط بسبب جفاف الحليب من صدري
قلبي يعورني عليها:confused:

ن

نووور العيون

عروس مبدعة

01-05-2008 | 04:00 AM

الله يعوضج بالولاده الثانيه حتى أنا في ولدي ما رضعته واايد و كنت احس أني بصيح من الحزن و الحين في حملي هذا أدعي ربي دايماً في السجود اللهم أدر الحليب علي مدرارا...و الله على كل شي قدير...

ا

اريــــج

عروس فضية

01-05-2008 | 04:03 AM

نووور العيون;5887822:
الله يعوضج بالولاده الثانيه حتى أنا في ولدي ما رضعته واايد و كنت احس أني بصيح من الحزن و الحين في حملي هذا أدعي ربي دايماً في السجود اللهم أدر الحليب علي مدرارا...و الله على كل شي قدير...

تسلمين حبيبتي على الرد وربي يعوضنا بالولادات الثانيه يارب ويدر عليكي الحليب ويعوضك بذي الولاده

ن

نووور العيون

عروس مبدعة

01-05-2008 | 04:05 AM

جزاك الله خير...آمين يارب و ياكي إن شاء الله...

a

alzanbaq

عروس جديدة

03-05-2008 | 12:27 PM

شمعة محبه مشكوره اختي .. بس مشكلتي مااحب الرهش مستحيل آكله .. بس السمك زين

جزاج الله خير ..

قطر قيرل اي الحلبه صرت الحين اشربها مع اني اكرهها واكره ريحتها الله يعين.. بس الرهش

ماقدرت آكله .. مشكوره حبيبتي

لين .. مااعرف شنهو الكراث بس بسأل عنه .. ومشكوره فديتج ماقصرتي ..

خاطريه هذا اللي اسويه .. بس مشكلته اذا مسك صدري وحسه مافيه حليب قام يصيح ومارضى

يمسكه مره ثانيه .. مشكوره ماقصرتي ..

نوور العيون..... انا من قطر .. والله يعطيج العافيه..

a

alzanbaq

عروس جديدة

03-05-2008 | 12:29 PM

اريج خاشقجي ونور العيون

الله يعوضكم بالولادات الثانيه انه ع كل شي قدير .. وترى هذا ثالث بيبي لي واول مره ارضع

ويصير فيني حليب .. الله يكتب لكم الرضاعه ويهيأه لكم مثل ماكتبها لي ويتمها علي وعليكم ..

صدقووني اذا صار عندكم اصرار وتوكلتوا ع الله .. الله مايخيب ظن عبده فيه .. مشكورات حبيباتي ..

م

منوى

عروس ذهبية

03-05-2008 | 12:33 PM

الحلبة
السمسم
الحليب
الرشاد
البقل