طلبتكم يالنشاما ممكن تساعدوني ((ضررروري))

مانقدر نقولج ان توافقين او ترفضين......... على حسب انتي وشخصيتج وعلاقتج ببيت عمج هل هي زينة وميانة والا رسمية....فاذا هي ميانة تقدرين تتحملين وتجاملين لمن تطلعون شقة لحالكم....بس اذا هي رسمية بتتقيدين وماراح تاخذين راحتج وخصوصا بوجود الاولاد .......فانتي فكري وشاوري نفسج تقدرين تتحملين والا لا......والله يوفقج لما فيه الصالح

لجل عين تكرم مدينه

وش فيها اذا سكنتي معهم هاذا في بيت لحالي

وطفشت من الوحده واتمنى اني عند اهله ساكنه

وكل خواتي ساكنين مع اهل ازواجهم صح انه فيه شوية خلافات بس ممشين حياتهم

طبيعي ومفتكين من الاجارات والصرفيه وبعدين انتي تدرسين وشلون بتوفقين

بين الدراسه وشغل البيت والله تعب خليك معهم الين الله يفرجها عليكم

ولا تثقلين على زوجك وبالتوفيق

طيب ماايقدر يحط لك شقة مصغرة في بيت اهله
يعني مثلا يبني ملحق او ماشابه حتى يجمع فلووس
وبعدين يصير لك بيت لحالك دام هو مستعجل
وبعدين ماايقدر اصلا يوفر الحين ابدا
لانه توه متوظف غير ديون الزواج
يعني شوفي علاقتك باهله وعلى هذا الشئ حددي
الله يسهل لك عزيزتي

والله شي حلو اذا كانت علاقتكم اصلا حلوة يعني تسلين معاهم وجمعة حلوة لكن خليكي حركية يعني انتبهي على اشياءك اغراض زوجك اهم شي هوة غسيلة لاتخلين شي لكي او لزوجك على اهله هم الي يسونه بكذا راح يضايقون منك لانك انتي تدرسين يعني غسلي على نفسك على قولتهم ساعدي عمتك اهم شي والله يوفقك

والله احس من كلامك منتي مقتنعه بالسكن بغرفه
مافي الا تاجلين زواجك سنه كامله وتحججي بالدراسه علشان ما يزعل
انا بعد مخطوبه وخطيبي توه اشتغل وبصبر سنه لحد ما يقدر يفتحلي بيت
مع انه بيتهم قصر ومافي احد وانا بعد بيتنا قصر وانا اخر خواتي
بس مستحيل اقبل اسكن عند اهلي او اهله
بتحمل علشان استانس بعرسي وشقتي
ومن صبر ظفر
تحياتي

السلام عليكم ورحمة الله وبركاتة

حبيبتي انا ما اايد انك تعيشين ببيته لانةكلة رجال وهذا امر مرفوض وموقصة تحمل مسئولية لانه ما يصير بيتحول حبكم لمشاكل كل ما طلعتي ولا رحتي المطبخ تغطين تخيلي تبين تلبسين قميص حفر شي شورت تنحبسين ..
عطشتي اغطي واروح هذي مو عيشة اسمحيلي ولا هلش بيوافقو الواحدة تبي حريتها ببيتها ..

يبي يشتغل في ظايف ومليانة بكاشير بسوبرماركت او مطعم او مندوب فية ومو عيب

واذا البيت لهم ياخذ قرض من البنك بضمان الارض ويبني فوق وكذا كويس ويشتغل ويدرس اذا اصر علي الزواج الحين ورايي ممكن خطوبة الحين لين يتوظف يكون احسن وتكملين دراستش افضل وتشتغلين بعد انتي يكون زين ..

لانة يا حبيبتي الزواج اكبر من الحب واذا ما ارتحتو بتشتغل المشاكل وبلحظة بيطير الحب

انا اشوف تنتظري لحد مايتوفر معاه لان فعلا صعبه

والافضل بعد لو تخلصي كليتك

[QUOTE=سلام الكون;5863743]مانقدر نقولج ان توافقين او ترفضين......... على حسب انتي وشخصيتج وعلاقتج ببيت عمج هل هي زينة وميانة والا رسمية....فاذا هي ميانة تقدرين تتحملين وتجاملين لمن تطلعون شقة لحالكم....بس اذا هي رسمية بتتقيدين وماراح تاخذين راحتج وخصوصا بوجود الاولاد .......فانتي فكري وشاوري نفسج تقدرين تتحملين والا لا......والله يوفقج لما فيه الصالح[/QUOT


ان شاء الله بحاول افكر اكثر بكلامك والله يصبرني ويصبره لما فيه التوفيق
يعطيك العافيه حبيبتي وربي يسعدك وين ماتمشين

مهلبيه بالارانب;5863882:
لجل عين تكرم مدينه

وش فيها اذا سكنتي معهم هاذا في بيت لحالي

وطفشت من الوحده واتمنى اني عند اهله ساكنه

وكل خواتي ساكنين مع اهل ازواجهم صح انه فيه شوية خلافات بس ممشين حياتهم

طبيعي ومفتكين من الاجارات والصرفيه وبعدين انتي تدرسين وشلون بتوفقين

بين الدراسه وشغل البيت والله تعب خليك معهم الين الله يفرجها عليكم

ولا تثقلين على زوجك وبالتوفيق

ان شاء الله بحاول افكر بالكلام اللى قلتيه واشوف
وصحيح زي ماقلتي كيف بوفق بين الدراسه والزواج بس المشكله بيتهم كله اولاد

الله يعطيك العافيه حبيبتي والله يوسع صدرك دنيا واخره

آغاريد;5864052:
طيب ماايقدر يحط لك شقة مصغرة في بيت اهله
يعني مثلا يبني ملحق او ماشابه حتى يجمع فلووس
وبعدين يصير لك بيت لحالك دام هو مستعجل
وبعدين ماايقدر اصلا يوفر الحين ابدا
لانه توه متوظف غير ديون الزواج
يعني شوفي علاقتك باهله وعلى هذا الشئ حددي
الله يسهل لك عزيزتي

انا قلت له على كذا نسوي شقه مصغره بالبيت نفسه هو رفض على قولته مايبغى يخرب شكل البيت نصبر مره وحده
وعلاقتي بأهله الحمد الله كويسه

الله يعطيك العافيه ويوفقك دنيا واخره

sss_12;5864092:
والله شي حلو اذا كانت علاقتكم اصلا حلوة يعني تسلين معاهم وجمعة حلوة لكن خليكي حركية يعني انتبهي على اشياءك اغراض زوجك اهم شي هوة غسيلة لاتخلين شي لكي او لزوجك على اهله هم الي يسونه بكذا راح يضايقون منك لانك انتي تدرسين يعني غسلي على نفسك على قولتهم ساعدي عمتك اهم شي والله يوفقك

ان شاء الله انه بكون حريصه على زوجي بس لازم بيصير شغل بالبيت كله واخاف ماستحمل هالشي

الله يصبرني ويقنعني بما فيه الخير يااارب

الله يعطيك العافيه حبيبتي والله يوفقك

دلوعةحناني;5865161:
والله احس من كلامك منتي مقتنعه بالسكن بغرفه
مافي الا تاجلين زواجك سنه كامله وتحججي بالدراسه علشان ما يزعل
انا بعد مخطوبه وخطيبي توه اشتغل وبصبر سنه لحد ما يقدر يفتحلي بيت
مع انه بيتهم قصر ومافي احد وانا بعد بيتنا قصر وانا اخر خواتي
بس مستحيل اقبل اسكن عند اهلي او اهله
بتحمل علشان استانس بعرسي وشقتي
ومن صبر ظفر
تحياتي

الله يعين انا فكرت اني ااجله بس هو مستعجل على الزواج ويش اسوي له
الله يهدي الجميع

يعطيك العافيه حبيبتي والله يوفقك دنيا واخره

د.وضحى;5865219:
السلام عليكم ورحمة الله وبركاتة

حبيبتي انا ما اايد انك تعيشين ببيته لانةكلة رجال وهذا امر مرفوض وموقصة تحمل مسئولية لانه ما يصير بيتحول حبكم لمشاكل كل ما طلعتي ولا رحتي المطبخ تغطين تخيلي تبين تلبسين قميص حفر شي شورت تنحبسين ..
عطشتي اغطي واروح هذي مو عيشة اسمحيلي ولا هلش بيوافقو الواحدة تبي حريتها ببيتها ..

يبي يشتغل في ظايف ومليانة بكاشير بسوبرماركت او مطعم او مندوب فية ومو عيب

واذا البيت لهم ياخذ قرض من البنك بضمان الارض ويبني فوق وكذا كويس ويشتغل ويدرس اذا اصر علي الزواج الحين ورايي ممكن خطوبة الحين لين يتوظف يكون احسن وتكملين دراستش افضل وتشتغلين بعد انتي يكون زين ..

لانة يا حبيبتي الزواج اكبر من الحب واذا ما ارتحتو بتشتغل المشاكل وبلحظة بيطير الحب

انا قلت له كذا بس هو مومتفهم انه صعبه وبيتهك كله اولاد

السلام عليكم ورحمه الله وبركاته ...

اختي .. احط سماعه على اذونج واقولج .. تحملي تطيعينه وتسكنين بالغرفه .. انتي اعنبوج ما تشوفين البلاوي الي تصير والمشاكل ,, مع ان كل وحده عايشه بملحق معززه مكرمه . والمشاكل ما تخلص منها ....

وبتقعدين بغرفه ... ليش عمره اذا يحبج ويبيج يصبر ,,,, الي صبره هالفتره يصبره سنه .. هو يقول بعد سنه يقدر يسوي شقه او اي مشكله .. خلاص يصبر هالسنه .. اختي الريال بعد الزواج ما يحقق اي شي وكل مره بيقول ماعندي ,, ومفلس ... وانتي ايش الله حادك ...

قلنا ونعيد ونزيد ..... الحـــــــــــــــــــــــــــــــــب لا يكفي شوفي قصه اخت زوجي .. مو ولد خالتها مو تحبه ويحبها .. مو ضحت بدراستها .. وعاشت معاه بغرفه ... وحشره بالبيت .... شنو النتيجه مشاكل وبلاوي محد يدري فيها الا هي وهكي تطلقت .. ومع ولد ..

اختي أوعي حق نفسج وفكري ان شهادتج بتنفعج وبتشيلج وبتفتح البيت وبتساعدكم ماديا معلش تبين ترضينه .. على عينا وراسنا بس اختي .. لا تسوين شي انتي ما تحسينه صح ..

والي تقول وش فيها تسكنين ببيت زوجك الافيها وفيها وفيها ونص .. بعد . وخصوصا بيت متروس ريايل .. . كم بنت وبنت تقول ما تقدر تاخذ خصوصيتها (......) وانتو فاهمين عدل ..مع زوجها والسبب ان هي عايشه بغرفه نسيتو اليهال نسيتو اللبس والحركه والراحه ما يطلع الا والباب لازم يتسكر هذا داش وهذا طاق الباب عليهم وهذا يصارخ وهذا مادري ايش يسوي ...

اختي .. خلي الحب على صوب ,, ,فكري زين .... والاول الاخير حياتكم كأزواج ...

تحياتي
ام جنى

انا انصحج انج ترفضين وضع البنت وسط بيوت العايله صعب خصوصا اذا عاشته

ممكن تتخيلينه سهل بس عيشي ساعه وشوفي المراره

اختي اذا الامر صعب خليه يبني ملحق بالبيت يخصك

مو شرط شقه وبيت خارجي وفيلا

عادي اذا تحبينه سكني مع اهله انا كنت نفسج ادرس وعشت معاه بغرفه ومشيت حياتي عاديه لين ربج فرجها وسكنت بروحي بس احس ان قبل لما كنت ساكنه فى بيت عمي افضل من الحين الأن الحين اعاني من الوحده علي الأقل قبل كنت اجلس معاهم لما اهو يكون بدوام والحين محد لي فأظل بروحي فى البيت فأذا تحبينه ضحي له وهذا شيء فى صالحج تري عشان تكبرين فى عينه ويحبج اكثر والله يسعدكم.

حبيبتي فكري زين وشوفي راح تقدري تستحملي انك تعيشي مع اهل زوجك وعاد انتي اعرف بهم

وإذا قادرة تعيشي معهم قوليلة بس بشرط تسكني ببيت لوحدي بعد السنة عشان انت وعدتني

وإذا حسيتي إنك موقادرة وماراح تقدري تستحملي وتصبري قوليلة انا ابي اكمل دراستي ولا شفت إنك قادر

تعيشني ببيت بروحي ذيك الساعة اوافق وقوليلة بهدوء وبسلوب حلو عشان مايزعل وقوليلة كمان ذا اشي

احسن ليا ولك والله يوفقك حبيبتي

ترى مو شرط احيانا القصد بالمشاكل خناقات وضرب وسحر ومن هالامور لا

احيانا في امور صغيره تصير تربك وتوتر اكثر من المشاكل الكبيره اللي ذكرتها

يعني على سبيل المثال (( زوجتك ما طبخت اليوم ؟ ،،، زوجتك ماطلعت من غرفتها ؟ ليش كله منعزله ؟ ليش متكبره .؟ ليش مب عاجبينها احنا ؟. عندنا ضيوف خلها تطلع تضيفهم ،،،،ممكن يدخلون غرفتك احد من هله ويلمح لك بشغلات تنرفز ،، لو طلعتي للسوق واشتريتي اغراض ممكن يفتحون عينهم على اغراضك المقصد كله مافيه خصوصيه ابد !! طلعتي،، فلانه وين طلعت ؟ ليش تاخرت ؟ ومن هالامور المتوقعه والاكره اذا كانت هالاشياء بعدم تقدير ظروفك الخاصه او وضعك او اطباعك الشخصيه من خجل والى اخره

وانا احكي لك من واقع تجارب كذا انسانه في حياتي