الحمد لله والصلاة والسلام على رسول الله
أهلين بنات
طبعا المرأه مخلوقه وهي تحب التزين والجمال وحلو إن المرأه تهتم بشكلها وما تهمل نفسها في حدود المعقول يعني ما يكون همها الشغل الشاغل لها
تحرص على أمور دينها أول تحرص إنها إذا كانت بتحط ميك أب إنها تكون على وضوء لأن البعض يأجل الصلاة الى ما يخرج وقت الصلاة عشان ما يغسل المكياج
وهذا شي حراااااام ما الفائده إني أكون حلوه قدام الناس وأنا مضيعه الصلاة
أيضا كريم الأساس الثقيل ممكن يمنع وصول الماء الى البشره والماسكرا المقاومه للماء يعني خلك على وضوء قبل المكياج
واللي تلبس نقاب وتطلع عيونها قدام الرجال الأجانب هذا لا يجوز وحرام وتبرج.
أيضا فيه نقطه أبغى أوضحه بنات كثير قالوا لي مكياجك لو على عينك بيكون أحلى من الورق
طبعا بيكون أحلى بس حرام إن الوحده تتساهل وتطلع صورتها بالنت
عشان كذا الرسم على ورق ممكن يؤدي الغرض ويوصل للخطوات اللي المفروض إننا نسويها
وأنصح كل البنات إنهم يتعلمون يسوون مكياجهم بأنفسهم مو معقوله إن الوحده كلما جاء زواج أو مناسبه تقول لزوجها ودني للمشغل أبغى أسوي مكياج
تحاول وتحاول الى ما تصل الى نتيجه وإن شاء الله بتتعلم
اليوم الألوان اللي سويتها لكم ألوان صارخه وفي كثير ناس يحبون الصارخ خاصة في الزواجات والمناسبات الكبيره
أحمر وأصفر وأزرق
هذي الرسمه اللي رح نتعلمها اليوم
وأرجو إنها تنال إعجابكم
أول شي رسمت عين على ورقه
طبعا راعوا إن الدرس على ورق وادمج مارح يكون بالشكل المطلوب
راعوا مسألة الدمج بالفرشه أو بالإصبع بخفه بحيث ما يكون فيه فاصل بين الألوان
طبعا بعد تجهيز البشره كالمعتاد نحط الكونسيلر على كامل الجفن من فوق وتحت عشان نخفي السواد
حطيت إضاءه صفراء تحت الجفن
حطيت لون شدو أصفر من بداية الجفن من عند مدمع العين الى منتصف الجفن
أيضا حطيت شدو أصفر تحت العين
حطيت شدو أحمر من تحت الإضاءه الى نهايةالحاجب
نزلت اللون الأحمر على تحت
حطيت شدو فيروزي بجانب اللون الأصفر الى نهاية اللون الأحمر
مديت اللون الفيروزي تحت العين
مديت الأحمر شوي تحت وحاولت أدمجه مع الفيروزي
كحلت العين باللون الأزرق المائي من كريولان وبالقلم الأزرق من جوا العين
مديت اللون الأزرق على فوق
حاولت أدمج اللون الأزرق المائي على اللون الأزرق الفيروزي
هذا دمج أوضح بس على الورق ما يساعد
حطيت جليتر ذهبي على اللون الأصفر الفاتح للي يحبون الجليتر
وهنا الماسكرا
وهذا للي يحبون العين المفتوحه
أتمنى يعجبكم
بالنسبه للي يسأل عن ماركة الشدو إذا تبغين ماركه غاليه عندك ماك وفور إيفر وكريولان وبن ناي
وإذا تبغين رخيص ويؤدي الغرض عندك بيل فيزاج
في إنتظار ردودكم
إدعوا لي إن الله يبارك لي ولكم ويفرج كربتي وكربتكم ويشفينا وجميع المسلمين
اللي تبغى الدرس الأول والثاني تحصلهم في توقيعي