بنت ام ولد اممم!!! - منتديات عروس

ا

الشيخة

مشرفة سابقة

28-04-2008 | 05:18 PM

السلام عليكم ورحمه الله وبركاته

هلا بالامهات وجميع البنات

الي حامل الله يثبت حملها
:sa23:
والي تنتظر الله يرزقها عاجلا غير اجل
:21_102:
والي ام الله يكون بعونك ويعينك على التربية
:21_210:

حبيت اطرح عليكم سؤال خفيف

لو كنتى حاملا .. طبعا راح تفكرين ووايد بجنس المولود
بنت او ولد

والاثنين من الله نعمة ورزق كريم
ونشكر الله على نعمة الدايمة علينا :87457: ربي لك الحمد كما يستحق لجلال وجهك الكريم

ولكن.. السؤال
هل ترغبين في معرفة جنس الجنين في فترة الحمل؟؟ او حين الولادة؟؟ ولماذا؟؟؟؟؟؟

:21_95:

وشكرا
:1_42:

.

..★شـــااانيل★..

مشرفة سابقة

28-04-2008 | 05:21 PM

اكيد قبل الولاده
لان الفضول ها يذبحني اذا تميت 9 شهور وما عرفت
الله يعين على تربيتهم ويحفظهم لنا

ا

ام سيد حسين

عروس جديدة

28-04-2008 | 05:33 PM

مرحبا
بصراحة في اول حمل لي تمللت من كثر ما لفيت وكله يقولون ليي ولد ماخليت مستشفى مارحت حتى في اخر الاشهر اذا الدكتورة تقول ليي تبين تعرفين اقول ليها لالالالا ما ابغي لكن هالمرة في حملي الثاني ماسويت وحبيت تكون مفاجأة والصراحة كانت احلى وخصوصا الكل يتشوق انه يعرف شنو بتجيبين واني كل من كان متوقع اجيب بنت بس الله رزقني ولد والحمدلله اهم شي سلامة البيبي ...بس كانت ليهم صدمة عالمية للجميع!

@

@نوووسه@

عروس برونزية

28-04-2008 | 05:40 PM

انا عن نفسي عرفت جنس البيبي

مو مره يعني لو قالت لي مو باين مو شرط

بس ماراح اقول لاهلي ولا لاهل زوجي ...

اباها مفاجاة .....

بس الاهم عندي انه ربي يرزقني بيبي سليم معافى ..

ويكون من الذريه الصـــــــــــــــــــــالحه ....

ر

رغـد

عروس مبدعة

28-04-2008 | 05:45 PM

الفضول عندي واااااصل حده ,,

هو أكيد احلى يكون مفاجأه وعارفه هالشي ,, لكن ماصبرت

بعدين منشان التجهيزات .. لازم نعرف جنس المولود ..

والله يكون بالعون ..

حلو موضوعك حبيبتي ^__^

أ

ألطاف

عروس برونزية

28-04-2008 | 05:46 PM

[GRADE="00BFFF FF1493 00BFFF FF1493"]بالنسبة لي أحب أعرف جنس الجنين خلال الحمل

السبب أولا فضول وحب معرفة الأمور قبل أوانها .. حاجة نفسية

وثانيا عشان تجهيزات الولادة .. أغراض المولود شوي تختلف لو بنت أو ولد

بس حتى لو خبروني راح أظل شاكه الى حين الولادة !![/GRADE]

ا

الليازي

عروس رائعة

28-04-2008 | 05:48 PM

انا بالبداية كنت متشوقه وسألت بس يوم خبرتني الدكتوره
باللي في بطني حسيتها تقولي بس ماكانت متأكده من ردها
لكن عقبها ماهتميت وأبغيها تكون مفاجأه لي قبل لاتكون للكل

ي

ينبعاويه2008

عروس مشاركة

28-04-2008 | 05:49 PM

اكيد قبل الولاده عشان نجهز أغراض البيبي حسب جنسه

يعطيك العافية

س

سمات

عروس مبدعة

28-04-2008 | 06:11 PM

ولكن.. السؤال
هل ترغبين في معرفة جنس الجنين في فترة الحمل؟؟ او حين الولادة؟؟ ولماذا؟؟؟؟؟؟

مراحب خيتوه : )

انا عادي عندي اعرف وانا حامل او وقت الولادة
بس اقول وانا حامل عشان حلو اجهز جنيني بالتجهيزات المناسبة
لو ماعرفت جنسه خلاص موش مشكلة ولابسوي لنفسي ربكة بخليها مفاجأة ليوم الولادة
وتصدقين عاد الاكتشاف يوم الولادة احلى بواجد من الحمل بتكون مفاجأة ولابتتعرضين لفشيلة انج قالوا لج في الحمل شي وطلع شي ثاني في الولادة

بس احنا يالحريم عندنا حب الفضول وهالشي انتقل لأزواجنا خخخخخ..

س

سعودية مغتربة

عروس مشرقة

28-04-2008 | 06:53 PM

أنا كنت متحممممممممممسه في أول الشهور أعرف .. وكنت حاسه 100% انه ولد مدري ليه كذا من ربي خخخخخخ والكل يقول شكلك بتجيبين ولد مو لابق عليك بنت !!

بعدين بنهاية الرابع سويت ألتراساوند وقال الدكتور فيك بنت .. وسويت في مستشفى ثاني وقالوا لي بنت بعد .. ورجعت بموعد ثالث عند الدكتور الاول وقال برضوا بنت ..

بس أنا عن نفسي مخليتها على رب العالمين سبحانه .. يوم الولاده بالنسبه لي راح تصير مفاجـأه لأني ما أقتنعت مدري ليه !!!! بس يااااارب تصير بنووته (^__^)

ك

كنانة

عروس برونزية

28-04-2008 | 07:39 PM

الصراحة انا للحين ما شفت شنو جنس المولود
بس متشوقه موت ابي اعرف
وانا خاطري في بنت بجد

ح

حاملة القرنفل

عروس ماسية

28-04-2008 | 11:19 PM

أولاً .. الله يتمم على كل الحوامل ويرزق كل من يتمنى يا رب

طبعاً بالنسبة لي هذا أول مولود إن شاء الله وحابة أعرف جنس الجنين في الحمل علشان أعرف أجهز له لأن أحس روحي ضايعة،،، ومو مهم عندي ولد أو بنت أهم شي أن يكون سليم وبصحة وعافية ولو إن صاير خاطري إن أكون حامل ببنت خاصةً إن زوجي بعد خاطره في بنت :)

بس ما راح أخبر لا أهلي ولا أهل زوجي علشان يتشوقون وعلشان أشوف شنو توقعاتهم

ح

حبي الغالي

عروس ماسية

29-04-2008 | 12:38 AM

هلا أختي

والله أني كان عادي عندي أني أعرف أو ما أعرف

بس الكل كان يتحداني ويقول ليي فيج ولد

وأني خاطري في بنت وكنت كلا أعايهم وأقول لهم لا فيني بنت

المهم سويت سونار وقالوا ليي ولد

بس ماقلت لأحد

وكانوا يسألوني أكيد فيج ولد

أقول لهم لا مافيني ولد
هههههههههههههههههه

وودلت والحمدالله جبت حموود

الله يخليه ليي ولأبوه

وهذا أول مولود ليي

س

سفوريه

عروس مشرقة

29-04-2008 | 12:55 AM

الله يرزق الجميع الي يتمناه...وانا عن نفسي احب اعرف جنس البيبي وانا حامل ...لان هالشي بالنسبه لي مهم ...لاني انطر البنوته بفارغ الصبر ...ادعوا لي خواتي ان ربي يعطيني بنت...لان بتكون اخر حمله لي ...

ح

حكايه المطر

عروس فضية

29-04-2008 | 01:15 AM

hانا بصراحه لازم اعرف جنس الجنين واعرف بعد من بدايه الشهر الرابع ازن عليهم لين يعرفون وشو وعشان بعد اعرف وش بشترى اذا بنت او ولد؟؟:(
واالله يرزقك بالى تتمنينه ويسر امرك

ن

نووور العيون

عروس مبدعة

29-04-2008 | 01:27 AM

بصراحه موضوع شيق و حلو...
بس يا إختي الفضول ما يخليني أصبر لين الولاده لازم أعرف عشان أرتاح مع أني عندي ولد و بعده الفضول في حملي الحين أريد أعرف....هذا إحنا الحريم و أنصدم يوم أسمع وحده تقول ما صورت البيبي أقول كيف تصبر...

ر

ريماس3

عروس رائعة

29-04-2008 | 04:53 AM

كيفكم خواتي اما عن نفسي ودي صراحة اعرف جنس الجنين

أ

ألوان وردية

عروس رائعة

29-04-2008 | 06:29 AM

أنا للحين ماحللت ,, وودي اعرف وش اللي ببطني

بنت والا ولد ,,

وعشان اختار الاسم من الحين ,,

والله يوفقكم

ا

اريــــج

عروس فضية

29-04-2008 | 06:29 AM

مشكوره اخت موضوع حلو
بالنسبه لي احب اعرف جنس المولود ومن بداية الشهر الرابع احب اسميه واتخيله واشتر ملابسه وبالااخر اهم شئ السلامه والصحه مو مهم بنت او ولد
وبنتي عرفتها من الاسبوع ال 15 وتهيات نفسيا بقدومها ولو قالولي بعدها غير بنت كنت بانصدم لاني تعودت عليها سبحان الله
الله يرزق كل محرومه يارب

أ

أم لمااار

عروس ذهبية

29-04-2008 | 07:50 AM

أنا مستحيل أنتظر لين الولادة لأزم أعرف وأنا حامل عشان أجهز ونختار الأسم....