احتاجكم احس بتوتر قبل الزواج بنات زواجي قريب احتاجكم جنبي

همـس الحـب;5858599:
اختي المميزة والله اني حاسة بشعورك ولو كنت مكانك اكيد راح اتوتر خصوصا انه شي يخص المستقبل لكن انا عندي لك سؤال قبل كل شي هو وشلون علاقته مع ربه من ناحية الصلاة ؟؟؟؟؟؟؟؟؟؟ وهل هو مدخن؟؟؟؟؟؟؟؟؟

ولماذا هو عاطل عن الوظيفة؟؟؟؟؟؟

ارجوك جاوبي على اسئلتي عشان اقدر اقيم هالانسان وارد عليك ولو بغيتي حبيبتي تردين لي على الخاص مافي اي مانع

منيرة قطر;5862516:
هذا الغلط من الاساس

اصلا غلط ان الخطيبين يشوفون بعضهم دوم

المفروض الخطيبه تحط نظام له بالشهر زياره هنا صدق يتولع الخطيب بالمره

مو كل يوم !!!!!

مادام انك ما حطيتي نظام من البدايه فتحملي نتايج خطأك اختي

وهذا عيب البنت اتصربع وتستعجل وتلاقي خطيبها يوميا

اصلا حلاتها بهالفتره مايشوف الخطيبه دوم

وكل شهر يجيها يحس انه يكتشفها بشوي شوي وتزيد لذة اكتشاف الشخصيات بأول ايام الزواج

يبدأ يتأمل فيها عدل باول ايام الزواج يدرس معالم وجهها وتعبيراته

وهي كذلك ،، ولا ننسى ان المكالمات ممكن تكون يوميه

ليش الاستعجال والمقابلات اليوميه !!!!

الله يعين كل بنت على نفسها ممن هم بهالطريقه هذي !!

دلوعةحناني;5865257:
والله انا تقهرني البنت او الولد الي يقررون اشياء هم مش قدها
ليه تقولين مانشوف بعض لمدة 3 اسابيع
اصلن شوفاتكم بتقل لحالها بسبب قرب الزواج وانشغالكم انتي معه بسوالف العرس
بعض الرجال عقلهم صغير ويعتبر هالشي اهانه او انه ثقيل عليك ما يفهم قصدك
بس عندي استفسار انتوا تحبون بعض؟
يعني متولعين ببعض وفري بينكم وله ايش بالضبط
لان انا لما اقرا بعض قصص البنات عن الخطبه وعلاقتهم ببعض استغرب كثير كانهم مش فاهمين بعض
ولا بينهم تفاهم وحب
الحمد الله انا عن نفسي خطيبي فاهمني اكثر من نفسي وكل ما نلزق في بعض نموت على بعض اكثر
تحياتي

Noor1979;5858622:
السلام عليكم ورحمه الله وبركاته

المثل يقول خبز خبزتيه اكليه ... وبدون زعل ... يعني كنتو على سمن وعسل , مثل ما يوقولن .. تروحين تخربينها وتقولين له مانبي نشوف بعض ثلاث اسابيع... على الاقل يومين .. قبل العرس مثل ما سويت مع زوجي ولو زوجي مارضى سويتها ...

يعني تصرفي طبيعي جدا ... يبي يقهرك وبس.. وبعدين قولي لي.. شلون بتاخذين واحد ما يشتغل .. يعني من الحين انتي الي بتصرفين ؟؟؟ ولا شنو الموضوع ..

تحياتي
ام جنى

عالية المقام;5858639:
انا بعد مخطوبه وناويه ماشوف خطيبي 3 اسااااااابيع .. الصراحه خوفتييييييني وايد ....

شمس الضحـى;5858735:
حبيبتي المميزه الظاهر هالشي طبيعي لأن الحال من بعضه عندي نفس الشي مع خطيبي لين ما صرت انا بنفسي اتصل بيه و اقوله انت ما صرت تحبني مثل الأول وما تعبرني و أكيد شايف لك شوفه ثانيه و و و... الخ تعرفي من القهر اللي فيني والله .. بس بعد فتره قلت والله لا أعامله مثل ما يعاملني و أطنششششششش على الآخر و قلبي يحترق من القهر ... المسكين رجع هو يتصل فيني و يسأل أول..
بس مو مشكله لا تتضايقي ولا شي مثل ما قلت لج الظاهر انه شي طبيعي معهم.. و حتى الأشياء اللي تفرحنا و تخلينا نستانس هم ما يفهمون عليها لا الفساتين ولا شي..


الله يجمعكم مع بعض و يبعد الزعل عنكم

عيون الفهد s;5858880:
امكن هوا فهم كلامك غلط ترى احيانا انتي تقولي شي وهوا يفهم شي تاااااااااااااااااااني

كلميه قوليلو انك تحبيه ومن دا الكلام بس عشان نشتاق لبعض حنعمل كدا

هوا يحبك ومن كثر مايحبك كل يوم يجيك شوي وتقوليلو مانبغى نشوف بعض 3 اسابيع اكيد حيتضايق

حطي نفسك مكانو اكيدحتزعلي كان المفروض تكلميه بأسلوب احسن من كذا

هذي وجهة نظري

تقبلي مروري

عيون الفهد

غرٍوٍب;5859480:
شوفي انتي متوتره بس عشان قرب الزواج

بس ترا اي واحد يقرب زواجه هو بعد يتوتر لاتقولي رجال عادي عنده لا تلاقيه يفكر بشغلات وداخل على مسؤليه

وكلهم قيل الزواج تفكري انه بيشتاق اكثر هو يشتاق بس ينشغل لان قرب الزواج

وبعدين نصيحه نصيحه
لاتدققي على تصرفاته استانسي وانبسطي وهيصي لانك راح تتعبي وماراح يتضايق غيرك

كبري راسك

والله يوفقك ويسعدك يارب

والف الف الف الف الف الف مبرووووووووووووووووووووك

شمعة محبة;5862404:

هلا اختي
أنا عن نفسي منعت ريلي من زيارتي قبل العرس ب3 أسابيع أو اسبوعين ما أتذكر ... وقبل العرس بعد يمكن ب3 أيام منعته من الاتصال .... والله لا زعل ولا شي بالعكس كان متخببببببببببل ويتريا بس انه يوقف عدالي عالكوشه ... بس بعد يختلف من ريال لآخر ... يمكن انتي ريلج من النوع الحساس وااايد ويمكن زياده عن اللزوم .... وصدقيني هو يتغلى ...وحد من الرياييل يكون شاطر في حرق قلب الحرمه ... مب لقصد انه يذلها ..لا ... بس عشان يشوف غلاته ...
المهم انتي بعد متوتره لان العرس وايد قريب وانا ما ألومج ...ويمكن حتى انتي تبالغين ... ما أقول جذيه عشان أغضبج لا والله .... بس أي وحده منا تكون وااااايد حساسه في ظروف معينه ... ومنها الايام اللي تكون قبل الزواج .... حاولي تهدين نفسج ... ولا تكلمينه مدة يومين ... بس طرشيله مسجات ... تخليه غصبا عنه يتوله عليج .... مثلا ( الله ما باقي شي ونجتمع أنا وانت تحت سقف واحد ) أو مثلا تقوليله بالمسجات طبعا ( أنا يالسه أتخيلك بالبشت وتوقف عدالي ) أو أي شي ...
ان شاء الله الله ايسر أمرج ويسخر لج ريلج ... وان شاء الله أكون أفدتج ..

امونه 2008;5862514:
لاتفهميه غلط
اكيد يتغلى عليك
ويبي بشوف من اللي يشتاق للثاني ويبين له انه مشتاق بما انك انتي اللي منعتي
واكيد هو مشتاق لك بس مايبي يبين لك
صدقيني