شسوي

حبيبتي شوفي سوي اللي اقول لج عليه بالضبط..
دام فيه زكام يعني اكيد عنده بلغم بالصدر..

شغلي الماس الساخن في الحمام تكرمين و دخلي مع البيبي في الحمام خل يتنفس البخار بس ها مو ماي حار حار لا ما ساخن بس و لا تنسين تحملين معاج ملحف عشان قبل لا تطلعين من الحمام تغطين البيبي زين عشانه راح يطلع من مستوى حراري لمستوى أخر و هذا مو زين عشانه ...

كنت اسوي حق ولدي جذي الين شريت جهاز البخار و شريت الادويه اللي تنحط فيه و عقب ارتحت..
بس ها ما ادري ولدج يتحمل او لا مو تسوين الطريقه غلط و لا قدر الله يصير شي و تقولين ام محمود قالت..
انا خالي دكتور و هو علمني الطريقه..

او استخدمي جهاز البخار و حطي في ماء سيلان او ماء عادي.. و في ادويه مخصصه بالمستشفيات يعطونج اياها اذا كان شديد الزكام..

اذا ما عندج الجهاز و تخافين من انج تدخلين بالبيبي الحمام و ما تثقين بهالطريقه تقدرين تروحين المستشفى تقولين لهم يحطون بخار على البيبي و هناك بعد احسن لج عندهم الرعايه الأفضل..

تحياتي
ام محمود

اذا انتي ترضعيه طبيعي امتنعي عن الحليب و مشتقاته .. لأنها تزيد من الافرازات المخاطية

و دليكي له صدره بزيت سمسم و قطريه لأنفه و فمه و أذنه .. و اذا الأنف مسدود سويله قطرة ماء و ملح بحري ..

الف سلامه على البيبي والله يشفيه
شوفي حبيبتي فيه روماثول بيبي روب نفس الفيكس بس للاطفال تلاقيه بالصيدليه مرسوم عليه بيبي صغير مكتوب عليه روماثول بيبي روب يساعد في تخفيف اعراض البرد واحتقان الانف

ادهنى للبيبي منطقه الرقبه والصدر والظهر دهان خفيف
وانصحك بجهاز البخار ايضا فيه نوع ييجي معاه قطعه صغيره تنفع تحطينها للبيبي بالانف
والله يشفيه (f)

ياقلبي عليه
الله يشافيه
ماعندي فكرة أختي بس أكيد بدعيله والله يعطيه العافية

مشكورين يا أخواتي تسلمون ما قصرتوا

قطرة ماي وملح
ودهني خشمه بحليب صدرك :)

مايشوف شر يارب

مشكورين
أدعوا الله أن يشافي أبني