! قصتي هذا الأسبوع وكلام عمتي !

السلام عليكم

شخباركم يا عرايس

يمكن البعض منكم ما يعرف معاناتي ويا الحمل
حالي حال غيري من الي كل شهر ينتظرون كلمة مبروك
ويدعون ربي ماتييهم الدوره الشهريه :confused:

سالفتي سالفة هالأسبوع حبيت شوي أفضفض لكم
عشان نواسي بعض

( على فكره عمتي قعدت 11 سنه ماجابت عيال واخر شيء جابت سمو الامير الي هو ريلي :) )

وحمدلله على نعمة الصحة ..أنا وريلي سليمين مافينا شيء

من خلصت علاج الابر وانا شهر تيني في موعدها بالضبط وشهر تتاخر يوم او يومين
بس قبلها صار لي اكثر من موقف تتاخر 10 ايام 8 ايام واسبوع وكنت كل مره اتفائل
واقول يارب حامل واخر شيء النتيجه سالب ( كرهت السالب :mad: )
قلت خلاص حتى لو تاخرت شهر ما بحط في بالي حمل وبوكل امري لله

الأسبوع الي طاف كان موعدها الخميس ..والخميس عند أهل ريلي عزيمه
وانا قبل موعدها تعبانه وحالتي لله وقبل لا اروح ممزهبه نفسي
وحاطه الحبوب بالشنطه :D وكنت حيل تعبانه حتى الكل يسالني اشفيج ما تتكلمين
وليش ويهج ذيلان ....

وفجاه صار البيت مليان يهال الله يحفظهم لاهلهم
وكل بنت الي تزوجوا معاي والي عرسوا بعدي ماسكه طفلها تلاعبها وفي بطنهم الثاني والثالث
انا الوحيده الي يايه بدون ما يكون في ايدي الا شنطتي :confused:
الي يلاعب بنت فلانه وعلانه وانا يالسه عالزاويه جني مسويه شيء غلط لاني كننت تعبانه
بس قعدت اضحك بعدين والعب مع اليهال عشان ما يحسون بشيء اني مقهوره او زعلانه

وبعدها بدت الاسئله المعتاده ها فلانه بشري سويتي شيء
وانا لا :) وابتسم
ويدعون لي....

رجعت البيت وانا منهاره من التعب اول مره الدوره تعذبني من بعد الزواج
رحت ومالقيت شيء ...اول ما رديت البيت
رجعت كاني حصان لا فيني شيء ولا يحزنون :ss:
اليوم الجمعه حمدلله بخير مافيني شيء
قلت مابي اتفائل عادي كالعاده تفرحني وعقب تيني
طنشتها (6)

المهم يوم السبت نفس الشيء كنت بخير
المغرب الساعه 7 دخلت علي عمتي الغرفه

وقعدت تسولف شوي ومن خلال طريقة كلامها حسيت عندها شيء
فجأه قالت لي ريمي أنتي حامل
أنا تفاجئت :eek: وبنفس الوقت ضحكت
قلت لها لا ليش ؟؟؟؟؟؟؟؟؟؟؟؟؟؟؟؟؟؟؟؟؟
قالت لي : تعرفين منو اتصل من شوي قلت لها لا منو قالت فلانه ( وحده تقرب لعمتي من بعيد )
واول ما اتصلت قالت لي مبروك قلت لها على شو قالت حرمة ولدج حامل ( الي هي انا )
عمتي تفاجئت كيف حامل ونا ما اعرف ؟
قالت لها منو قال لج ...قالت اعرف حتى روحي ساليها ....عمتي ضحكت قالت ما اعتقد لو حامل كان خبرتني ليش ماتقولي وعمتي بنفس الوقت مقهوره حسبالها اني حامل بس مو قايله لاحد

ضحكت من السالفه قلت لها معقوله احمل ولا حد يدري
بعد هالسنوات لو كنت حامل بسوي عرس :confused:
وهالحرمه شو الي خليها تتصل فجاه وتقول هالكلام

عمتي حست بتأنيب الضمير قالت حتى من أسبوع
الخدامه جتني وقالت لي انج حامل :ss:

قلت لها عمتي شو السالفه لايكون قاعدين يحلمون عني وانا ما اعرف
شهالاشاعات :ss: حتى الخدامه

قالت كلهم متفائلين انج هالشهر بتحمملين
وانا سرحت قلت ما احس باعراض الدوره الا يوم الخميس يوم واحد والحين متاخره 3 ايام
معقوله حامل وكنت احس باوجاع عالجانب الايسر مثل النغزات :eek:

وقعدت عمتي تدعيلي بعدين قالت لي سالفتها الي انصدمت منها

قالت لي يمكن ولدي طالع علي ،، قلت لها كيف يعني
قالت مو انا قعدت 11 سنه ما جبت عيال ....قلت لها ادري بس نحن فحصنا اكثر من مره
وحمدلله مافينا الا العافيه ....قالت عارفه وحتى انا كنت بخير بس اكتشفت بعدها
في وحده مسويت لي سحر ....انصدمت قلت لها لا والله ما كنت اعرف اتحسب كان فيج شيء
قال لا بعد ما رحت عند مطوع وفك السحر بعدها باسبوع حملت :eek:

وقالت لي ماتعرفين العين حق والسحر مذكور بالقران وخاصه بهالزمن
صاروا يحسدون الواحد على اي شيء تافهه

وبعدين راحت عني ...قلت معقوله سالفة الاشاعات بعدين سالفة السحر الي صار لعمتي
يمكن اتفاجىء بالحمل :D...الساعه 12 رحت حللت وطلع سالب
وباليوم الثاني ( يوم الاحد ) ..العصر شرفت الدوره كرهت حياتي مو عشان يتني لاني تعودت عليها
لانها هالمره تعبتني حيل لدرجه قعدت اصيح من الالم والتعب ,,,,
يتني عمتي وقلت لها مافي لا حمل ولا يحزنون يتني الدوره
هزت راسها بأسى وراحت عني :)

========

آسفه وايد طولت عليكم

بس حبيت أقول لكم قصتي هالاسبوع ...حبيت اقول للبنات الي دايما يزعلون
خلوا ايمانكم بالله قوي والله كنت مثلكم اصيح لما اشوف الدوره واتضايق
بس الحين عادي واطنش ...ثانيا انا كنت من زمان ابي اروح عند مطوع يقرا علي قران
مو مطوع الي يقرا وياخذ فلوس هذا يعتبر نصب ,,, لا مطوع يقرا علي لاني حاسه من زمان فيني شيء كله منحوسه ...ومن عرفت سالفة عمتي تشجعت بس انا مرات ما اومن بهالسوالف
والي مصبرني بهالدنيا ريلي واهلي فديتهم (f)

سموحه