وش اسووووووووووووووي اهئ بسرعه

والله انا مخطوبه للحين ما تزوجت
بس امبين بينكم حواجز كثيره
طيب جربتي تصارحيه انه مقصر معك ؟ وانك تبين منه اهتمام اكثر وحنان ؟
اجلسي معه قولي له مش انا مسويه لك كل الي تبيه وسعيد معي؟ اكيد بيجاوبك يس
قولي له انا احبك بس ابيك تحسسني بحبك شوي جيبلي هديه بالمناسبات حالي حال صديقاتي
طلعني كل خميس وجمعه حالي حال صديقاتي
وانتي عاد تشطري شوي زيدي الدلع والدلال تقربي منه دوم اجلسي بحظنه ولو غصب
يمكن هو خجول وما يبي يضايقك انتي بيني له انك تموتين بالرومنسيه
حاولي كل فتره تشعلين الشموع في غرفة النوم ونثرين الورد على السرير ما فيها شي ترى
ومش عيب
مازحيه دوم وسولفي معه دايم عن مشاعرك وامنياتك انك ودك يدخل عليك يوم بهديه
او يحجز لك في مطعم وتطلعون تتعشون
بعدين انتي اسألي صديقاتك عن اسماء مطاعم حلوه ورمنسيه واقترحي تروحون لها انتي وياه
وشوي شوي بيتعود على طبعك وبيحاول يسعدك
تحياتي

شاكره لك مرورك غلااتي وكلامك كلللللله صح وجدا حلو ماشاءالله عليك
المشكله بزوجي انه ماخليتي شي ماقلت له عن الرومنسيه واني انسانه تحب الاحساس والرومنسيه لكن هو بطلعت الروح وماتطلع اساسا
وماخليت شي ماسويته وكل ماقربت منه يقولي اووووووووه مو وقته بمعنى اصح كأنه يتصدد مني هذا اللي قاهرني
وش يبي بالضبط ماادري

الله يعينج بس ترى فارق السن الكبير يعتبر حاجز بين الزوجين

شاكره لمرورك لكن هو ترا بالثلاثين مو كبير بالمره انا اللي متزوجه بدري فهمتو اللحين
لكن مافيه وحده من البنات هنا فيه فرق بينها وبين زوجها بالعمر

اعتقد ان فارق السن مش المشكله .......الرومانسيه هى طبع بمعنى ان في شباب صغير ولا يعرف معنى الرومانسيه والعس صحيح
المهم على قد ما اعرف انك المفروض تتزيني ولكن لا تفرضي علية نفسك بمعنى هو الذي يقبل اولا ومن هنا يمكن ان تبثي له مشاعركي ......ثانيا الاعتدال بش تدلقي عليه قوى
بعدين ادعى ربنا انه يكون زوجك في الدنيا والاخرة

فارق السن ماله خص
بس طبيعة الريال .. في رياييل رومانسين وفي رياييل الله بالخير
مايدرون عن شي :(

مثل ما قالوا الخوات ..
فارق السن ماله دخل .. قد يكون سبب في اختلاف الآراء وتباعد الأفكار ولكن الرومنسية مالها صلة بالعمر (بعض الشباب رومنسيين .. ومعظمهم لا ما يهتمون بهالناحية)

انا برايي صح تعدلي له وكوني دايماً بأجمل شكل .. وتدلعي
بس لا تقطين روحج عليه ..
خليه يشوف جمالج ودلعج بتحركاتج, كلامج .......
وخليه هو اللي يشتاق لج ويحتاجج ويجي بنفسه يعبر لج
يمكن وقتها يتشجع ويعبر عن احساسه ..

أما عن الهدايا ..
هذي صعبة أحس تقولين له جيب لي هدية!!
ولكن بادري دايماً انتي بالشي ..
جيبي له هدايا بمناساباتكم المميزة "يمكن يحس شوي ويبادلج"

والطلعات ..
هم انتي بادري بالشي .. "خططي لها بشكل مسبق"
شوفي متى يكون فاضي .. وروحي له بدلع وقولي له انج عازمته بالمطعم الفلاني "انتي وهو بس" < قولي له هالجملة "أنا وأنت بس"
وشوفي شيصير معاج


بالتوفيق ..
والله يصلح وضعج ان شاء الله

السلام عليكم ورحمه الله وبركاته ..

اختي .. الكلام الي قالوه لج البنات هو الصح وعين العقل .. وانا بزيد عليه .. ..

زميلتي بالعمل .. زوجه اكبر منه بكم سنه .. بس .. ولا يحب شغلات الرومنسيه والدلع ,, والي اكثر من جذي ... ان لو جابت له هديه او شي .. يزعل .. يقول لها انا ياهل ولا مراهق تعطيني هديه !!

يعني يا اختي الناس اجناس وخوصوصا الريايل نادرا ما تحصلين ريال يحب يطلع مشاعره .. لكن بدل ما تغييرينه ...

ليش ما تناظرين الاشياء الحلوه الي يسويها .. اعتبري المصروف الي يعطيه لج .. هديه .. اعتبري الاغراض الي يشتريها لج هديه .. اعتبري العشا الي يجبه لج هديه ....

ومب غلط لو في خاطرج شي .. اطلبيه ...ومتأكده ان راح يجيبه لج ,, واعتبريه بعد هديه .. مب لازم تقولين له ابي هديه ...

عطيه في مناسبات وبدون مناسبات هدايا بسيطه .. عشوه حلوه .. شموع على السرير .. اشياء بسيطه يحبها ويقدرها ... حتى لو كان كتاب . قلم . دفتر ملاحظات لو هو من النوع الي يحب يكتب ..اهديه شي يستخدمه في كل وقت ..

الريال يحس بالمشاعر بس الاغلبيه صعب يطلعها بالعكس انتي كونج توج صغيره وتبين تتدلعين .. مخليج تحسين ان فارق السن .. هو الي مأثر عليج .. لكن ببالعكس انا ماشوف ان في مشكله ..

في شي دايما يقهرني:UP202: ليش تستحون من ريالكم .. ليش تتعاملون معاهم بالاشاره .. يمكن هو ما يفهم .. يمكن فهمه بلييييييييييد ... الريال يحب البنت تكون واضحه وصريحه وحركات اللف والدوران .. مب حلوه ترى ..

يعني تبين تطلعين قولي له بصريح العباره ... ابي اطلع معاك عشى بروحنا .. وبيفهم ...

ما حس من اول مره كلميه مره واثنين وثلاث ... بس عدال مو هواش ..

واي شغله ثانيه تضايقج كلميه فيه .. يمكن هو غافل عنها ... يمكن في حل لها .. يمكن يعطيج حل بديل ... لو ما يحبها .... احيانا المشكله ما تستلزم انج حتى تكتبينها هني ... لان كثير يعاني نفس المشكله ,, ومشاكل وايد مكككككككككررررره وما بعد من كثرها .. بس من يقرا ... للاسف محد ..

تحياتي
ام جنى

كل رجال يختلف عن الثاني

يمكن عشان فارق السن بينكم

ويمكن هو طبعه كذا