عزوني ولا تجاملوني

ماعرف شو اقولج بس فيه ناس 10 20 سنه وحملوا خلي ايمانج بالله كبييير والله يرزقج ويرزق كل محرووم ..
ولو اقولج شو قصتي بتسغربين صارلي 3 شهور متزوجه......

مرحبا اختي ربي يرزقني وياج الذريه الصالحه

غناتي انصحج تروحين تسوين تحليل في العياده سوي تحليل دم لان احيانا يصير حمل وتنزل الدوره في وايد اللي يحملون ومايدورن انهم حمل لان تنزل عليهم الدوره

وبعدين كيف تقولين ان فيج عقم هالشي انتي ماتقدرين تحددينه روحي المستشفى وهم يسولج تحاليل وسونار ويخبرونج شو فيج يمكن فيج شي بسيط مأخر الحمل ويبيله علاج روحي لاتظيعين عمرج بتوقعات

والله نصيحه مني روحي ابدي علاج لان انا تاخرت في العلاج وكل مره اقول بروح اتعالج وما اروح واخر شي اكتشفت ان فيني تكيس واكياس

تقبلي مروري ودعواتج لي بالذريه الصالحه

حبيبتي قطعه مني تسلمين على مرورج وودي أحيي الأمل من يديد بس صج ضايق خلقي أحس اني قعد أحلم كل شوي أروح أشوف أقول يمكن ما تنزل يمكن هذا لازم ينزل دم متجمد وبس خلاص واذا رحت فحصت بشوف نفسي حامل
قعد أجذب على نفسي وأصدق جذبتي والله يا قطعه مني انه حدي متضايقه أبس أحمل وخايفه أروح الطبيب أدري انه مابيدكم شي بس تعودت اني أفضفض لكم لأن صج نفسيتي مرض حدي تعبانه
ولايعه جبدي

الله يرزقج ويرزق كل محروم قريبا عاجلا باذن الله.

أهلا أختي نونو ليه حبيبتي عاملة فنفسك الحالة دي لسه بدري أوي علشان تحكمي على نفسك بالعقم

استغفري الله وعمرك ما تقولي الكلمة دي ثاني.. انتي لسه عروس أختي أيوه لسه عروس ولسه بدري قبل تفكري فموضوع الحمل

جميع الأطباء بيأكدو انه لازم تمر على الأقل سنة على عدم الحمل هي دي المدة الطبيعية للبدء في التساؤلات
والتحليلات

أنا متأكدة انك لو رحتي لأي دكتورة حتقولك نفس كلامي.. أرجوكي ريحي بالك وهدي أعصابك لأن النفسية كمان بتلعب دور كبير في مسألة الحمل

نصيحتي لكي ودي نصيحة هااااااامة جدا ومجرية وهي التقرب من الله بالدعوات وقيام الليل وقراءة القرآن

لو التزمتي بالنصيحة دي ان شاء الله ربنا حيكرمك وحتلاقي نفسك حامل بعد مرور فترة بسيطة بس

آسفة حبيبتي طولت عليكي في الكلام بس حبيت أصلحلك بعض الأفكار الخاطئة وأطمنك وان شاء الله ما في الا كل خير

الغاليه قولي حمدلله
في غيرج اكثر من سنتين اولهم انا
بعدين ماتقدررين تحكمين على نفسج انج عقيم
ومثل ماقالن خواتي يمكن حامل
لان في منهم يحملون وتنزل الددوره

يا رب يارب يا رب أأأأأأأأأأأأأأأأاامين يارب العالمين
عسى الله يفرحكم ويرزقكم ويحميكم من كل شر
ويسخرلكم الذرية الصالحه بجاهه العلي الكريم
والله انكم تحييوون الأمل فيني من جديد
بعد ما كان فيني وفقدته يمكن أكون مكبره الموضوع بس لو اقولكم وناستي شلون كانت صدقوني وناسه ما تنوصف
لمن تأخرت علي الدوره كنت أحس بعوار ورا ظهري وماكنت أقدر اوقف وايد صج ولا أشتغل وايد
وكنت لمن اكل بسرعه احس بطني انترس حتى لو لقمة صغيره
وكنت وايد انام وكنت احس بشي أدري انه تو الناس عليه بس والله كنت أحس فيه
كنت أحس شي مثل دقات القلب بس ابطني وكان هالاحساس ايي لمن أكل
فكنت اضحك على نفسي واوهم نفسي انه داخل في شي ههههههههههههههههههههههههه
يالله ما عليه اللي الله سبحانه كاتبه بصير انشالله

ههههههه فديتج والله

حبيبتي عيشي حياتج ولاتفكرين في سالفة الحمل روحي المستشفى واكشفي ولاتتحطمين اذا ماكان في حمل عادي انا عن نفسي صارلي 6 سنين وانا اسوي تحاليل حمل ومايطلع حمل والله ما اتضايق لان متاكده ان هذا خير من ربي
ولاتحطين في بالج انج عقيم بالعكس انتي الحين في احلى فترات عمرج بعدج عروس استانسي مع ريلج ولاحقه على العيال

انا بعد مثلج حسيت بدقات فيني وقلت اكيد حامل بس طلعت مب حامل مادري من شنو هالدقات

بس انتي توى الناس عليج اجل شتقولين عن اللي 10 واكثر هذول صابرين وللحين ما قالوا احنا عقيمات

صبري وروحي حللي شوفي يمكن في شئ بسيط أخر لك الحمال

الله يرزقنا جميعا يارب دا الشهر وانتي خلي ايمانك بالله قوي جدا

وانشالله ربي ماراح يخيب امل احد

يا اختي العزيزه ليش انعزيج استغفر الله وتقولين بعد عقم انتي عارفه معناة عقم اختي استهدي بالله وعيشي حياتك انتي بعدك عروس واستمتعي وتعرفي على زوجك اكثر وانسي سالفة الحمل عشان تصير وربي يرزقج بالقريب العاجل

ويه توه الناس عليج بس 4 اشهررررر بس شوفي إذا تبين تتطمنين على روحج سوي تحاليل شامله ... وشوفي شنو يصير معااااج وان شاء الله يقولون انه مافيج شي وكلشي تمام 100% بس اهي مسأله وقــــــــت والله يرزقج بالذريه الصالحه وتوه الناس عليج وايد لي صار لج سنه او سنتين قعدي ابجي ههههههههههه

هههههههههههههههههههههههههههههههههههههههه
انشالله يارب الله يرزقني ويرزق كل وحده تتمنى ياهل يارب
وتكون من الذريه الصالحه أمين يارب العالمين
الحمدالله على كل حال فديييت أحلى خوااااااااااات بالدنيا صج انه الله سبحانه ما رزق امي بنت ثانيه غيري وماصار عندي اخت بس عوضني فيكم يا خواااااااتي الغاااااااااليييين فديتكم وفديت روحكم الحلوه
والله انه احنا قعد نشيل بعض ونهون على بعض
في غيرنا مولاقي من يهون عليه
الله يخليكم يارب ويفرحكم ويسعدكم دااااايم
يله الحين خلوني أدورلكم على موضوع انما ايييه قنبلة

بيق سمايل فدييييييييييييييت شموعج والله ههههههههههههههههههه

تفديج العاااااافيه بنت ديرتي *_* مايغلون عليج

لا تقولين عقيم


مافي عقيم اللحين صارت قديمه .. اللحين العلم والطب تطور ..

وانتي توك بدري عليك يعني توك متزوجه ..

الله يصلحك لاتفاولين على نفسك ..

ومافي شي بعيد عن الله .. والله قااادر على كل شي

خلاص انسي كل اللي صار .. وسعي صدرك ولا تحطين مثل هالأمور براسك .. والشيطان يلعب فيك ..

والله يرزقني ويرزقك ويرزق كل محرومه ياحي ياقيوم

الله يرزقك ويرزق كل محروووووووووووووومه

يا بنت الحلال هدي أعصابك ولا تشيلين هم لسه توك قدامك العمر كله وبتطفشين بعدين من العيال أنصحك نصيحة عيشي حياتك ومتى ما الله كتب تحملين صدقيني والله راح تضيقين صدرك وصدر زوجك وأنتو توكم ع الهم المرأة ترى يبي لها تتهيأ نفسياً وجسدياً للحمل مب تضيق صدرها وتشيل هم عمرها ما راح تحمل كذا عيشي أيامك وأنسي شوي والله يرزقك عاجلاً غير آجل.

حبيبتي انت صارلك سنه بس يعني لسه عروس واذا مستعجله على الحمل لازم تروحي عند الطبيب انت وزوجك وتعملو فحوصات وتحاليل كامله وان شاء الله يارب تبشرينا بحملك عن قريب