بنات وربي تعبت ..ساعدوني بليز رايكم يهمني ..

حبيبتي اول شي ..... كل شي بها الدنيا قسمه ونصيب ......

وكلام الناس لا يودي ولا يجيب ومفروض وحده مثقفه ما شاء الله ومتعلمه ومتخرجه زيك ما تهتم لكلام فارغ ولا تشغل بالها بتوافه الامور .......

بعدين تعالي انتي مو من كبرك توك صغيره يعني لو كبرتي شوي وما تحسنت ضروف خطيبك عشان تتزوجون اش كنتي راح تسوين .......

اشغلي وقت باي شيء حتى لو منتي موضفه اشتغلي بالبيت ساعدي ناسك محتاجين لك اكيد في ناس يحتاجون كثييييييييير اذا تقدري تدخلي اعمال تطوعيه اذا عندكم ادخلي واشغلي وقت فراغك ......

حبيبتي مره ثانيه ارجع واقول حرام وحده مثلك مثقفه ومتعلمه تشغل بالها بشيء ما يستاهل
صدقيني حراااااام تتعبين تفكيرك ولو للحظه بشغله ماراح يجيك من وراها فايده ......

تحياتي لك وان شاء الله ربي يرزقك ......

اختي معليش من قال ان اللي مب متزوجه حياتها واقفه ومجرد رقم زايد !!!!!!!!!!

وبعدين اللي فهمته انج مخطوبه يعني عندج ريل واصلاً انتي صغيره للحين ليش مستعجله

ماورى الزواج غير عوار الراس

حبيبتي انتي للحين صغيره
ومخطوبه بعد
يعني ليش الضيقه
الي يسالك مره ثانيه سدي كل البيبان بوجهه وقولي كله بيد الله للحين الله ما كتب
وعندي اقتراح علشان تشغلين وقتك وتستفيدين بعد
ليش ما تسوين في بيتكم حلقات تدريس خصوصي لتلاميذ الابتدائيه؟
اول شي بتنشغلين بشغل محترم وحلو وتستفيدي ماديا وما بتلاقين وقت تفكرين بخرابيط الناس
تحياتي

اختي ترى الحاال من بعضه ووايد بنات جذيه

والناس اذا اشتغلتي بيقولون اشتغلت ووين اشتغلتي هم ماراح يخلونج بحالج واذا تزوجتي قالوا تزوجت وسوت وفعلت


كلام الناس ما يخلص اتركيهم عنج

حاولي تقضين وقتج بزيارة صديقاتج قريباتك عماتك خالاتك

تطوعي في الهلال الاحمر / الجمعيات الخيرية

وانتي ماعليك من الناس

انتي حبيبتي تحسين كذا لانك مالقيتي شغل وعشان ظروف زواجك

عادي ضيقتك

بس مو لدرجه تحسين انك غير الناس واالناس تتحرك الا انتي

هونيها وتهون دوري مره ومرتين وعشر وراح تلاقي انشالله

وعن زواك كل تأخيره فيها خيرة انشالله

والله يوفقك ويسهل امروك

"كل تأخيرة وفيها خيرة"

اختي عادي صح يمكن في قدج متزوجات أو يشتغلون ..
لكن في اللي أكبر منج .. ومو مخطوبات ولا يشتغلون حتى ..

بس حمدي ربج عاللي وصلتي له .. انتي فاهمة ودارسة .. وأكو شاغلة وقتج بالكتابة (غيرج ما عنده هالموهبة بعد)
والله رزقج بزوج وان كان زواجكم مؤجل .. الظروف بواايد أحيان تحتم علينا أشياء "مو بيدنا"
واللي مكتوب لج بيصير "ان كان اليوم ولا بعد سنين"

حاولي تبعدين عنج كلام الناس ..
ترى عن جد كلام الناس ما ينتهي ..
"الحين بيلاحقونج على زواجج وشغلج .. ويوم تشتغلين بيلاحقونج اووه قصرت في بيتها وتغيرت .. ويوم تتزوجين بيلاحقونج اووه صار لها هالقد وما حملت .............. والمشوار متواصل!"
كلام الناس لا يجيب ولا يودي .. مجرد كلام طاير في الهوا .. المفروض ما تخلينه ببالج لأنه بيأذيج عالفاضي ..

بعدج صغيرة .. والدرب جدامج طويييل ..
ووقتج تقدرين تشغلينه بأي شي "أي هوايات تحبينها .. مساعدات أو أشغال "وان كانت خيرية" ......"

الله يوفقج ان شاء الله ..

تدرين ياحبيبتي ذكرتيني بنفسي والله .. ولو اقولج انا ظروفي اشلون كانت واشلون صارت اليوم ... يمكن نظرتج لنفسج ولظروفج تتغير ..

انا انخطبت اول ماخلصت الثانويه .. وظليت مخطوبه اربع سنوات الا شوي ..! طبعاً هاذي عندنا في قطر ماتصير الا نادر ومثلج عارف ..

والسبب طبعاً كانت الظرووووف ... تتوقعين الناس كانوا ساكتين في هالمده الطويله؟؟ طبعاً لأ ..

صبرنا

وتزوجنا ..

واستمر الكلام لاني ماحملت ...

تخرجت ..

واستمر الكلام لاني مالقيت وظيفه !!

صبرنا

وصبرنا ...

ومرت 3 سنوات بدون وظيفة ولا عيال ..!

زاد الاحباط ... وزاد الكلام ...

واللي كان قاهر الناس اني كنت عايشه حياتي انا وزوجي واحنا مبسوطين ..

ولا حد حس ان عندنا مشكله او ان في شي ناقصنا ..

سافرنا ورحنا وجينا .. وسوينا كل اللي بخاطرنا ..

والحال واقف ..

صديقاتي اللي انخطبوا بعدي .. تزوجوا .. وحملوا .. والله رزقهم بواحد واثنين .. الله يخليهم

وانا انتظر الفرج ..

وغير اللي توظفوا وترقوا ..

وانا مو ملاقيه فرصتي في التوظيف !!

وبعد 3 سنوات ونص ..

برق الامل ..

ولقيت الوظيفة اللي عوضتني عن كل ايام الانتظار ..!

ومن سخرية القدر ان الوظيفة جات ومعاها وظيفتين في نفس الوقت ..

يعني صرت محتاره بين 3 وظايف بعد ماكنت مو ملاقيه وظيفه وحده !!!

والحمدلله .. تعينت بسرعه .. ومشى الحال ..

وبعدها بكم شهر ..

وبعد مامر على زواجي 4 سنوات ...

جاني الفرج الاكبر ..

وحملت ...

ومااقدر اوصف لج شعوري والله ..

يعني لو اشكر ربي واحمده ليل نهار .. ماراح اشكره سبحانه بالقدر الكافي ..

اللي رزقني وعوض صبري خير ...

عشان جذي ياعزيزتي اقولج ..

عيشي حياتج ... واستمتعي بكل لحظه فيها ...

ولا تشيلين هم شي انتي وخطيبج ..

ترى ايام الخطوبه حلوه وماتتعوض ..

والايام اللي بتقضينها فالبيت بدون شغل هم حلوه اذا عرفتي اشلون تملينها بشي يسليج ..

فلا تضيعين هالايام في الهم والكدر .. والتفكير في كلام فلانه وعلانه ..

ترى عمر الانسان يخلص وكلام الناس عنه مايخلص !!

ادري طولت عليج بالحجي ..

بس والله لاني حاسه فيج .. لاني مريت بنفس اللي انتي قاعده تمرين فيه ويمكن اكثر ..

بس دوم توكلي على الله .. واحسني الظن باللي اخلقج بأن ماراح يتخلى عنج ويتركج بضيق ابد ..

وصدقيني .. بتفرج .. بتفرج ... بإذن الله :)

اذا أنتي تشكي من الفراغ .. و مش لاقيه شغل

ليش ما تجربي العمل التطوعي في أي جمعية خيرية ؟؟

خدمة الناس متعة و فيها أجر و خير ..

و تجلب راحة في النفس ..