اللي زوجها ما يتكلم وايد تدخل

ش

شمعة محبة

عروس برونزية

27-04-2008 | 06:56 PM

السلام عليكم ورحمة الله وبركاته
خواتي انا هالموضوع مضايقني في زوجي وهو انه ما يسولف وايد وياي ... ويوم نطلع بس ساعتين بالكثير ونرجع .... واذا طلع ويا ربعه عادي ياخذ 4 أو 5 ساعات ... أحس بالقهر والغيره بس ما أقوله ... والله صرت يوم أطلع أتم يالسه على أعصابي .. أخاف انه يقول في قلبه اني ممله ... بس هو يقول انه ما يحب يتكلم واايد ...
كيف تتصرفون ويا أزواجكم ياللي نفس حالتي ؟؟؟؟
أنا أعرف ان من طبع الريال السكوت والهدوء ...لكن أنا أبغيه يقولي كل شي ... بدون لا أسأله .... يعني أبغيه يكلمني منه ومن نفسه ... أنا ما حب اني أتدخل في شؤونه ...لاني أحترم خصوصيته ...

بس فيدوني شو أسوي ؟؟؟ مع العلم انه واايد يحبني ...
ولكم مني جزيل الشكر ...

ن

نوجا بالمكسرات

عروس فضية

27-04-2008 | 07:36 PM

السلام عليكم يا أختى
والله حالك من حالى وأنا متزوجة من 8 شهور بس وكان زوجى قبل الزواج كنا أصحاب وكان بيرغى ويحب يحكى كل حاجة من غير ما أسأله لكن بعد الزواج ونزوله الشغل بيرجع يقول أنا مرهق من الشغل ومحتاج أفضل ساكت .... فنصيحتى لكى أعملى زيى بشغل نفسى فى البيت بأى حاجة أو أدخل على النت طبعا بعد ما أعمل له أى حاجة عايزها علشان ما أكون قصرت معاه وهو لما بيلاحظ غيابى عنه بينادى عليا وبيفتح مواضيع بتكلمى مين , بتعملى ايه , كده يعنى المهم انك ما تسأليش واعملى نفسك مش واخده بالك أو انك اتعودتى على كده وبينى انك مشغولة شوية عنه ....... وربنا يهديهم كلهم .. ويتكلموووووووووووا

م

مريـم نور

عروس رائعة

27-04-2008 | 09:02 PM

كنت كتبت لك رد طويل .. بس لاقيت نفسي أسرد أشياء موجودة في كتاب .. و قدرت أنه من الأفضل أنك تقريه بنفسك

اسمه الرجال من المريخ النساء من الزهرة ..

و هو يدور حول فكرة أن الرجال و النساء يمتلكون طبيعتين مختلفتين تماماً و عدم ادراكهما لهذا يسبب المشاكل ..

هذا الرابط ان حبيتي تشتريه من النت ..

http://go.3roos.com/sSpGgP7CMeJ

ان كنت في السعودية تلاقيه في جرير .. أو في أي وكيل لها خارج المملكة ..

الكتاب خفيف و لطيف و ممكن تكمليه في يوم ..

الله يوفقك ..

ش

شمعة محبة

عروس برونزية

27-04-2008 | 10:50 PM

مشكورات خواتي noga ومريم نور على الردود ...
اختي noga بسوي بنصيحتج والله كريم ... ومشكوره مره ثانيه ....
اختي مريم نور ... تعرفين اني أنا هالكتاب قريته بس ما كملته.. قبل لا أتزوج ...بس حسيت انه ممل ...
لاني ما كنت أعرف عن الحياة والمشاكل الزوجيه وما كملته ... والحين تذكرته يزاج الله خير ... ان شاء الله برد أقراه من أول ...

ر

راوندا

عروس جديدة

28-04-2008 | 12:46 AM

يا أختي انا الأول إدا شفته ساكت أحسب انه زعلان أو انه متضايق..ومع الوقت عرفت انها طبيعة الرجل بوجه عام ومش بس زوجي..فأرتحت..

المهم انا ما صرت اتكلم معاه واجد ..ألا أدا حسيت انه يبغى يتكلم..أو على الأقل عنده أستعداد للكلام..فساعتها يبتدي يتكلم..و يضحك..

لكن إدا حسيت ما وده في الكلام أشغل نفسي بأي شي..

وبالعكس خلافاتنا صارت أقل..و أستجابته لي صارت أفضل عن اول..

.

...( هنوده )...

عروس ماسية

28-04-2008 | 06:06 PM

السلام عليكم ورحمة الله وبركاته

أختي الغاليه شمعة محبه

أنا أنصحج أنج تكلمينه عن الاشياء اللي هو يحبها شوفي شو هي إهتماماته وهوايته وأقري عنها وثقفي عمرجج فيها بعدين وانتي يالسه وياه كلميه عن هالاشياء بتشوفينه كيف بيبربر مثل البغبغاء ما بيسكت :JUMP:

اختك في الله هنوده

أ

أمانيـــز

مراقبة الأركان العامة ، رئيسة فريق التطوير بالمنتدى

28-04-2008 | 06:51 PM

السلام عليكم

كلنا في الهوى سوى..هاذي حالة شبه عامة..والله المستعان..

لازم تتعودي..

ر

روحي حمود

عروس نشيطة

03-05-2008 | 03:12 AM

انا بعد جي

ريلي كله ساكت

واذا اقوله شو فيك ليش ساكت

يقول ماعندي شي اقوله

عادي تمر ساعات وهو ساكت

د

دقات قلبFي

مشرفة سابقة

03-05-2008 | 03:25 AM

يارب يصلحه لك بس زي ماقالوا البنات حاولي تهتمين بإهتماماته اكثر وعيشي وضعه والله يسعدكم يارب

د

دموع العراق10

عروس رائعة

03-05-2008 | 09:10 PM

والله اختي كلنا بلهواء سوى

Q

Qtr.82

عروس مبدعة

03-05-2008 | 10:59 PM

انا زوجي انا ابد اكلمه ودم اقول ليش دوم ساكت فيبدا يسولف شوي ويسكت.. واذا عند موضوع بيقوله وبيسكت بس هم الريايل عادتهم يحبون الهدوء فتلاقينهم بيتكلمون دقيقتين اما احنا النسوان ما تخلص سوالفنا انام وما تخلص سوالفنا

ش

شيخة الخليج

عروس متألقة

03-05-2008 | 11:28 PM

اوف هذا عن جد جيبلك القهر والغم لكن فكرة اني انشغل عنه لين مايناديني بروحه عجبتني انا الحين طالعة من غرفة النوم يقولي تعالي ندخل ننام ومن ندخل يعطيني ظهره حتى تصبحين على خير مافي

د

دلوعة حمد

عروس رائعة

05-05-2008 | 05:07 PM

يااختج الرجال غير عن الحريم
ييعني حنا نحب نسولف ونسولف وماتخلص سوالفنا بس هم لاء
وانا من النوع الي احب السوالف وااايد
بس زوجي عليه دقات احيانا يتحجى وااايد ويقول لي الي جاعد يصير وياه والمواقف الي يمر فيها

واحيانا يسكت ومايتحجى ويصير كلامه كلش قليل قبل كنت اتضايق بس الحين صرت اعرف طبعه

بس عادة لين طلعنا بروحنا يحب يسولف ويمزح والسفر وياه بالسيارة عجيب

بس عيبه انه لما يتعكر مزاجه من الدوام يجيب هالمزاج للبيت وهالشي انا مااحبه

بس احس انه يحاول عقب انه يعوض لي عن مزاجه الاقشر

حاولي تذكرينه بايام قبل
واذا شفتيه متضايق سأليه شنو فيه قولي له اذا ماتعملني الي فيك بتعلم منو
قولي له شنو صار وياج وتالي سأليه اشلون كان يومه واشلون كان الدوام

يعني ع الاقل بتخلينه يتحجى شوي

ا

الفزعه دائما

عروس نشيطة

05-05-2008 | 11:41 PM

فعلا مريم نووووووور الكتاب روععععععععععععععععه من اجمل الكتب اللي قريتها بحياتي يجنن يفيد الكل انصحكم فيييه ومن ناحية زوجك شوفي اهتماماته ولاتسألينه كأنه تحقيق بعضهم يعند ومايتكلم بيني انك مو مهتمه واسولفي انتي مواضيع عامه ولا عن نفسك صدقيني مصيره بيتكلم وبتقولين له اسكت

م

محبوبي1

عروس برونزية

06-05-2008 | 02:01 AM

لا تزعلي اغلبهم كذا

ا

ام عزوز^الكويت

عروس فضية

07-05-2008 | 03:45 AM

[GRADE="FF4500 4B0082 0000FF 000000 F4A460"]شوفي ياعزيزتي انا ريلي في البداية كان جذي انا صرت اسولف وياه وااااااااااايد عاد انا ياكثر قرقتي واحب افتحله مواضيع هو يحبها بحذي انحلت العقده شوي شوي والحين ان شافني ساكته كله يقولي اشفيج مريضه زعلانة انا ماتعودت اشوفج جذي قلت بقلبي الحمدالله قدرت اغيره،صدقيني انتي جربي وانشاء الله بيتغير مع الوقت ،الله يصلحه ويسخره لج حبوبة وتقبلي مروري[/GRADE]

ا

الى الابد

عروس جديدة

20-04-2013 | 10:19 PM

والله ندمت اني تزوجت زوجي كذا وانا لي شهر المشكله اني كنت في وضع حرمان قبل الزواج توقعت شي وانصدمت مره قلبي صار يوجعني

ع

عروس وقف التنفيذ

عروس جديدة

04-05-2013 | 08:23 PM

كلهم هيك