انا وامايه..في مشاكل مالها اول ولا تالي :(

بوكاهانتيس;5849449:
فديتج والله يالغاليه حالتج تعور القلب وتكسر الخاطر بس شراة ماقلتي ماروم اقول الا الله يهديها ومهما كان اتم هاي امج وجنتج ونارج

انا نصيحتي لج لو كنت فمكانج بتم اتصل بها واسال عنها الغاليه حاولي تتقربين منها وتكسبينها
يعني مثلا زوريها وخذيلها معاج كل مره شي يعني مره اشتريلها عطر ولا بخور ومره جلابيه ( ترى الحريم يحبن هالسوالف)

يعني على اساس انها ماتقول انج مفشلتنها بالعكس بتحس انج تحاولين تكسبينها اكثر وتتقربين منها
يوم بتقولج شغله لاتردين عليها قولي لها ماعليه والاحسن اتمين ساكته عسب تحس انها حرقت يوفج وتحس بغلطتها شويه

وخلج دوم على اتصال معاها هذا اهم شي عسب تحس انج ماتقدرين تعيشين من دونها ولا تستغنين عنها

والغاليه فديتج لاتنسين تدعينلها الله يهديها فكل صلاه وفالاول والاخير ترى مالج حل الا رب العالمين اطلبي منه
انه يسخر لج امج ويحل لج المشكله معاها فكل صلاه وكثري من الادعيه وصلاة الفير اهم شي وقيام الليل

وعسى ربي ان شالله يوفقج وتنحل مشكلتج مع امايتج

السموحه الغاليه

أسرار 5;5849525:
ان شا الله بس تستفيدين من نصيحتي

بقولج شي مهم

حطي في بالج زين

لا تعبين عمرج بالتفكير وااااااااااااااااااااااايد

ولا تكونين مهمومه ومتضايجه

بالأول والأخير هاي أمج ... يعني لو حد ثاني بقولج قاطعيه لا ترمسينه لكنها امج ما اقدر اقولج قاطعيها

اووووووووووووووووكي

وصلنا خير



هذا طبع أمج من يوم ما كنتي صغيره لين ما كبرتي

هذا طبعها والله يهديها

حاولي تتجنبين كل هالأمور وكوني الأحسن دااااااااااااااااااايما

واذا عقت عليج رمسه تراج اتعودتي طنشي

يوم بترمسج اسكتي ولا جنه شي مستوي

وردي عااااااااااادي كلميها وسولفي واضحكي وياها وحبي راسها

لا تحطين في قلبج شي عليها


وادعي الله يهديها

الجوهرة;5849699:
حبيبتي هذا طبع مال اول

يمكن امك متعلمه ومب عوده وايد لكن أكيد تربيتها كانت جذي وأعتقد انها العوده من خواتها عشان جذي تعاملك بهالاسلوب

روحي اخذي لها عباة وعود ودهن العود وعطورات وكم كندورة مخوره ولفيهم لفه حلوة وقعدي معاها بهدوء وقولي لها : أمايه أنا أحبك واتضايق لي شفتك متضايقه وأنا أموت ولا انك تقولين لي كلمه أحس انك متضايقه مني

واذا انتِ زعلانه مني حقك علي

وحاولي تسئلين عنها كل يوم مرة ومرتين بالتلفون وزوريها مهما تكون هذي الجنة تحت ريولها

ياليت فديتك تنفذين اللي قلته لك وتقولين لي النتيجه

مهما يكون الطيب اهو اللي يغلب والأم أم مهما تسب وتهاوش

والله يكون في عونك ووالله أنا حاسه فيك

لأن أمي الله يرحمها كانت قاسيه معاي أكثر وحده ولكن يوم توفت سنه كامله كنت أشوفها يوميا وعلى فكره أنا قعدت مع الوالده مره قعدة مصارحه وتعدلت معاملتها لي وبعد سنتين توفت الله يرحمها ويرزقها الفردوس الأعلى ويجمعني بها

ولاحول ولاقوة الا بالله

بنت العز شامسيه;5850037:
والله قلبي عورني مالومج الغاليه ..الغريبه انج عرستي وبعدها المشاكل ماخفت بس انا اقول ممكن تزورينها بس مب دوم حتى باتصالاتج لاتكثرينها وهي السبب بصراحه انا ساعات اشوف امي تزعل من امها بس ماتحاول تزعلها واحيانا تلقى رمسه منها تعور القلب حتى انا اموت من القهر واقول شقا الام تقسى بهالطريقه بس امي من النوع الي ماترادد وتخلي امها تقول الي تقوله ترا امها مابتدخل الجنه الا برضاها ..انا بعد عانيت من كلام امي القاسي صح مانضربت بس احيانا الكلام يكون اقوى من الضرب تعبانه لين الحين وكل مااي ارقد احس بضيج معني احاول اتناسى بس الشي ايتم بالقلب والحمدلله ع كل حال ..حاولي تفهمينها ليش هي تعاملج بهالطريقه بس لاتلاسنينها وتقول الي تقوله واذا عندج خوات شوفي شقا تعاملهم وهم شويسون يمكن بعض تصرفاتج ماتعجبها ..حاولي الغاليه مابتخسرين شي وانا والله حاسه فيج بعض الامهات كبار فالسن والا صغار متعلمين والا لا تكون تصرفاتهم غلط ويا عيالهم وهذا جهل ..الله يهدي الجميع ويهدي سرج ياربي