MYGUM

هلا أختى أم جنى،، يعني هو روضة ويكون التسجيل لمدة معينة.. او مركز انشطة وتقدرين تدفعين بالساعات اللي تروحين فيها؟؟
وفي وين موقعه؟؟ لأني ولا مرة سمعت عنه.... ومنكم نستفيد...

اختي ماي جم .. هو مب روضه .. هو .. مثل ما تقولين مكان تعليم للاطفال بس على شكل مركز رياضي يقع في ضاحيه السيف مقابل اجنحه السيف ... ويعطون الياهل اشياء وايد يتعلمها ..

مثل الطفل الي عمره من شهر إلى ست شهور يعلمونه الحركات .. ولهم طريقه .. ان يخلون ذكاء ولدج ينمو بطريقه مفيده وينمون عنده مهارات بس كله على شكل العاب رياضيه .. وعندهم بعد العاب وكور . ..وبعدين من عمر سبع شهور ورايح لين عمر 14 سنه ..
يعني هالمركز خلي عيالج وأمني


طبعا كل سن له شي معين ... وهي صاله العاب رياضيه مهيئه للاطفال فقط ..

طريقه الدفع غاليه شوي بس تستاهل ,, وهي على شكل كورسات .. يعن يالكورس 9 اسابيع على حسب عمر الطفل ..انا بنتي مثلا تحتاج يومين بالاسبوع ولمده 45 دقيقه ... طبعا اليهال الكبار تخليهم وترجعين لهم لمن يخلصون ويهال يحتاجون يكون الاهل او المربيه معاهم ...

الكورس لعمر بنتي قيمته 102 دينار ... لمده 3 شهور .. وفي حصص مجانيه تودي اولادك فيها عشان تجربين البرنامج ..

الصراحه انا احتاجه لان بنتي كلش مب اجتماعيه وفوضويه .. وتحتاج نوع من تفريغ الطاقه .. وللعلم هم على شهادات عاليه .. ولهم اكثر من 10 سنوات بالبحرين ... على حسب علمي ..

والمربيات من لندن وجدا حنونات .. ( بفلوسكم طبعا ) على اليهال ....

اتمنى افدتج اختي

تحياتي
ام جنى

او مرة اسمع عن هالمركز

اني بعد اول مرة اسمع عنه

بس شي حلووو..

Noor1979;5846557:
بنات من سمعت في MyGUM ... رحت له ابي اودي بنتي هناك .. طبعا هو مكان للاطفال وممتاز .. والصراحه ياخذون الاطفال يلعمونهم اشياء حلوه من عمر 6 شهور .. كل شي الحركات والعلاقات .. والاغاني .. والحركه وكل شي .. واهم شي ان اجتماعي ونظيف ومرتب .. ومربيات اعلى مستوى ..

احد سمع عنه .. انا افكر اودي بنتي هناك كورس ..

تحياتي
ام جنى

هلا أم جنى

أتوقع هالمكان مثل Play Group و أني أودي جهالي الصبح ...هني في بريطانيا..وطبعا كل يوم في مكان...مثلا الأثنين في المكتبه العامه و الثلاثاء و الخميس في الكنيسه و الأربعاء في المدرسه و الخميس و الجمعه في مدرسه ثانيه........

و عمر طفي سنتين و شهر حاليا ...بس كنت أوديه من كان عمره سنه و نص....و أنصدمت هناك أطفال صغار من عمر أربعه أو خمسة أشهر و يودونهم هالمكان ...وفيه ألعاب تعليميه و أنشطه وووو أشياء كثيره يلعب بها الطفل

و أتمنى يصير عدنه مثله في البحرين...................و الحمد لله أكو قلتين هالشي موجود و فرحت كثيرا لأنه أتمنى البحرين تغلب و تتفوق على هالدول الغربيه ...........

ان شالله بنات البحرين يفيدونج بس حبيت ارفع الموضوع

انا شفت هالخبر على قنااة الجزيره

ومنتشره هالمداارس في سنغفووره تقريبا 150 مدرسه او اكثر

ويطالبون هنداك بزياااااااااااااااده !!!!

وهالمداارس مخصصه للاطفال من الولاااده ويعلمووونهم بالالعااب والاصواات

تمنيت تكوون عندنا في الريااض مثل هالمدااارس

ماشاء الله في البحرين عندكم عقبال مايفتحون عندنا

أول مره أسمع عن هالمركز

عجبني شغله

انا بنتي عمرها سنتين وشهر ينفع أوديها ؟؟وكيف طريقة التسجيل؟

هل للمركز Web site ؟

السلام علكيم ورحمه الله وبركاته ..

مشكورين خواتي للي ردو ..

المركز عنده موقع .. الكتروني بس انا في الشغل .. مايحضرني الاسم حاولت اشوفه في قوقل ما قدرت .. بس بكتبه لكم المره اليايه بس افضل تودون عيالكم اوقات المجان عشان تجربون المكان ..
وتشوفون البيئه ... وبترتاحون نفسيه اصلا لمن تشوفون المكان ..

امس وديت بنتي .. حتى رضع .. في مثل ما تفضلت نجمه الرضا وقالت .. هو بالضبط نفس المكان الي وصفته ... فعلا مفيد للاطفال .. خصوصا للاطفال الي مو اجتماعين وخوافين .. هالمكان يعلمهم شوي شوي .. يصيرون اجتماعين ..

حتى لو اتصلتو على البداله .. بيعطونكم رقمه ..بس نادرا ما يردون لانهم يهتمون باليهال ..

تحياتي
ام جنى

أم نونه .. ينفع من عمر شهر لين 14 سنه .....

للرفع

والله عجبتني الفكرة،، طيب هو الوقت مفتوح او لا،، يعني إذا محددين لج يوم الأربعء بس،، تقدرين تروحين بأي ساعة في يوم الأربعاء او وقت محدد؟؟

طبعا عبودي ماراح يتركني في البداية.. هل يسمحون للأم تكون معاه في الفترة الأولى؟؟

والله لو البرنامج زين راح آخذ ولدي لأنه لاصق فيني ومو إجتماعي بالمرة.. يادوب محيطه آنه وأمي وأبوه والروضة وبيت خالي الصغير فقط لاغير....

أختي إذا عندك الموقع طرشيه يكون بنات البحرين يستفيدون....

عجبني تمنيت عندنا مثله عشان اودي ولدي هناك

عجبتني الفكرةة وااجد ودخلت في راسي..
ياريت لو عندش الموقع اتطرشينة..

رانيا البحرينية;5878832:
والله عجبتني الفكرة،، طيب هو الوقت مفتوح او لا،، يعني إذا محددين لج يوم الأربعء بس،، تقدرين تروحين بأي ساعة في يوم الأربعاء او وقت محدد؟؟

طبعا عبودي ماراح يتركني في البداية.. هل يسمحون للأم تكون معاه في الفترة الأولى؟؟

والله لو البرنامج زين راح آخذ ولدي لأنه لاصق فيني ومو إجتماعي بالمرة.. يادوب محيطه آنه وأمي وأبوه والروضة وبيت خالي الصغير فقط لاغير....

أختي إذا عندك الموقع طرشيه يكون بنات البحرين يستفيدون....

السلام عليكم ورحمه الله وبركاته ..

اختي اول شي حصلت لكم الرابط وهو

http://go.3roos.com/PvnvwuCgvjh

ثنايا اختي ... اصلا لازم احد من الاهل يكون موجود بس من بعيد يعني تراقبينه من بعيد , واول يوم ما بتعود مثل بنتي وما تبي المربيه تلمسها ابدا ولا حتى اليهالو ......

واذا تعود ولدج بعدين تقدرين تخلين بس الخدامه معاه حق احتياجات الحمام وغيره والاكل .

بالنسبه للفترات ..ما راح ينفعج الموقع وايد ,,, لازم زياره واوقات الزيارات المجانيه وطبعا ما يكون فيها حصص بس تتعرفين على المكان وتخلين ولدج يختلط مع اليهال وتشوفين شلون ياخذ على المكان ..

الزيارات المجانيه هي يوم الاحد من الساعه 5:46 إلى الساعه 6:45 مساءا

والاربعاء من 4:30 إلى 5:30 مساءا .......

وطبعا كل عمر له ايام محدده في الاسبوع وما يخلطون اليهال يعني كل فئه عمريه من اليهال يخلونهم مع بعض ...وصدقيني يعلمونهم . الترتيب والتنظيم . واشياء وايد .. غير التمارين الرياضيه الي تساعد حتى الي ولدها متين ... يضعف والي يعطي لياقه ونشاط للطفل وينام على طووووووووووووووووووووووول ... الساعه ثمان بالليل ..

اي معلومات ممكن افيدكم ,,, لان فعلا مكان يستحق الزياره

تحياتي
ام جنى

مشكورة أم نور ماقصرتي.. خلنا نشوف الموقع وناخذ لنا زيارة وإن شاء الله نشرك عيالنا...

واااااااااو عجبني المكان

صار خاطري اودي صدوقي كورس واحد قبل لا يروح الروضة

لانة صدوقي محتاج لجدي عن قعدة البيت بروحه

بس مو جنى واجد غاااااااالي

بغيت اسال في الساعة المجانية نروح عادي ويخلون ولدي يدخل واني اكون وياه؟؟؟

وبعدين لو ما عجب ولدي الوضع وما سجلته عاااااادي؟؟؟