مولود ولد و محتارة شنو تهدين ...... شاركوني

حبيت اليوم اشارك بموضوعي البسيط بصراحة اختي جابت مولود ولد و في افكار عجبتني من الهدايا الي جابوها اليها حبيت اقول الافكار او الهدايا الي صج ونستني و احس اذا كان عندي استقبال مولود ولد مره ثانية اهديها مثلها
1- الهدية الي صج صج عجبتني و اهيا من صديقة امي بسيطة و ما تكلف بس صج عجيبة و اهيا صندوق مبيت و داخلة دشداشة صغيرونة و بجامة نوم مخططة و نعال نجدية و بشت صغيرون و مسباح صغير مادري من وين يايبته و عقال صغير جنة سوار و قحفية و غترة و كاتبة انشاءلله نشوفه معرس قولو امييييين انشالله اشوفه معرس (والله احلا هدية كانت بمعناها و ما تكلف شي)
2-بما ان اغلب الهدايا ملابس بيبي و مكررة في من الهدايا الي ونستني و اهيا قميصين نوم ناعمين من لاسنزا حلووووو التغيييير
3- و هم ممكن عطور مثلا بدال الورد صندوق فية بخور و طيب و رشوش
والصرااحه ملينا من الهدايا المتكرره يا ملابس .او فلوس ..او اغراض بيبي ...والطرق اللي انقدم فيها هالهدايا صااارت اشوي يبغى لها تغير احس ام المولود تتونس اكثر






الي عندها فكره جديده تضيفها وانخلي الموضوع دليل الى افكار الهدايا



انشالله اكون فدتكم و جان زييين تشاركوني و تقولون افكار اكثر لان المولود الولد مضلووووووم مو نفس البنات كلشي حلوووو حقهم