كيف تثبت اللون في مكياج العيون

روح_الروح 26-04-2008 11 رد 1,829 مشاهدة
ر
السلام عليكم
عندي استفسار واتمنى من الجميع الافاداه سواء خبيرات تجميل او غيره
انا عاده من اضع مكياج العين احسة خفيف مهما ركزت اللون بهالمنطقة بس من امزجة شوي يروح نصف اللون
واستغرب الخبيرات في الصالونات مكياجهم مركز مع انهم يستخدمون نفس الماركات اللي احنا نسويها واللي هي الماركات المعروفه كريولاين واف سان لوران ولانكوم وغيرها

فسائل هل في مادة معينة نضعها في الجفن لثبات اللون ,, ولا تقولون لي الفازلين لان ماحبة ولا يضبط معاي لو في شغلة ثانية ياريت تفيدوني فيها وبالتفصيل الممل

بانتظار آرائكم
U
حبيبتي اول شي لازم تحطين كريم ترطيب للبشرة بس ما يكون دهني، انا امووووت على كانابو، وعقب ما توزعينه عدل تحطين الفاونديشن السائل او الستيك قبل البودرة، يعني ما تحطين البودرة لحالها، واخر شي تحطين كونسيلر على جفنج وتوزعينه عدل وتتركينه دقايق لحتى ينشف عقب تبلشين مكياج، وجذي بيثبت عندج اللون لدرجة تقولين فيها "شنو هذا صبغ!!"
اتمنى أني أفدتج،، وانا هالطريقة دايما استخدمها
ا
اي والله ياليت تخبرونا شو المشكله لان انا بعد مهما اكثف من الايشدو نفس الشي احسه خفيف ولما ادمجه ينمسح ويدوب يبين
ر
Um.Abdullah;5840270:
حبيبتي اول شي لازم تحطين كريم ترطيب للبشرة بس ما يكون دهني، انا امووووت على كانابو، وعقب ما توزعينه عدل تحطين الفاونديشن السائل او الستيك قبل البودرة، يعني ما تحطين البودرة لحالها، واخر شي تحطين كونسيلر على جفنج وتوزعينه عدل وتتركينه دقايق لحتى ينشف عقب تبلشين مكياج، وجذي بيثبت عندج اللون لدرجة تقولين فيها "شنو هذا صبغ!!"
اتمنى أني أفدتج،، وانا هالطريقة دايما استخدمها


يابعد عمري على هالشرح الوافي والكافي ,, فعلا وفيتي وكفيتي ,, بس هذا لا يمنع ان نسمع اراء الكل
:wink:
عموما بحاول اجرب خطواتج خطوة خطوة وان شالله تضبط معاي واتفك من عقده المكياج الخفيف
ر
ابيك لغربتي ديره;5840282:
اي والله ياليت تخبرونا شو المشكله لان انا بعد مهما اكثف من الايشدو نفس الشي احسه خفيف ولما ادمجه ينمسح ويدوب يبين




مشكورة حبيبتي ع المروروانشالله تستفيدين من رد ام عبدالله :)
U
العفو حبيبتي واهلا وسهلا فيج في اي وقت
b
حبيبتي الأيشدو يباله بيس مخصوص علشان يثبت اللون ويكون واضح بعد ما ترطبين العيون تنتظرين على الأقل 5 دقايق بعدين تحطين البيس وتوزعينه على كامل الجفن بعدين تحطين اللون اللي تريدينه ومن أحسن أنواع بيس العيون أربن ديكاي المشهور تحصلينه في محلات فيسزز وبيس ماك عندهم كذا نوع ومتوفر في كل محلات ماك.
وأن شاء الله أكون أفدتج............
m
افادة جميلة جدا

شكرا لكى
ر
babyblue_ag;5841391:
حبيبتي الأيشدو يباله بيس مخصوص علشان يثبت اللون ويكون واضح بعد ما ترطبين العيون تنتظرين على الأقل 5 دقايق بعدين تحطين البيس وتوزعينه على كامل الجفن بعدين تحطين اللون اللي تريدينه ومن أحسن أنواع بيس العيون أربن ديكاي المشهور تحصلينه في محلات فيسزز وبيس ماك عندهم كذا نوع ومتوفر في كل محلات ماك.
وأن شاء الله أكون أفدتج............


مشكورة عزيزتي ع الشرح الاكثر من رائع بس سؤال هل نقدر نحط بعد البيس لوز بودر والا عادي بدونه:)
b
روح_الروح;5849857:
مشكورة عزيزتي ع الشرح الاكثر من رائع بس سؤال هل نقدر نحط بعد البيس لوز بودر والا عادي بدونه:)


لا حبيبتي ما في داعي تحطين خلي المكياج خفيف
ر
babyblue_ag;5851134:
لا حبيبتي ما في داعي تحطين خلي المكياج خفيف



:)
مشكورة الف شكر ع التوضيح
أ
مثل ماقالوا البنات
ممكن تستعملين كونسيلر
وممكن بيس مخصوص للشدو وتلاقين منه في ماركة اربان ديكاي
وفي ماك بعد البينت اللي صاير عصاره
ومكياجي بعد عندهم
وممكن تلاقينه في ماركة بنفت بس اللي عندهم يسوي الشدو ضد الماء
ومن ميك اب فورايفر يخلي الشدو يصير مثل الكحل السائل ويثبته اكثر

وعموما اي شي يكون كريمي شوي ممكن يصلح كبيس للشدو مثل الكونسيلر
X