مشكله السفر مع طفل اقل من سنه ؟؟ اريد حلاً

هلا حبيبتي انا سافرت وبنتي عمرها 12 شهر مااقولك ماستمتعت استمتعت بس بنتي كانت تبكي لما تكون متضيقه من شيء او يوعانه حاولي يكون عندك العاب اوكل مثل بسكوت وماي طبعا

أختي...

بعد ما الأب و الأم يكون عندهم عيالهم...شيء أكيد ما بتكون حياتهم مثل ما كانت قبل مجيء الأطفال...

لذلك فكرة إنك تتركي طفلك عند أحد علشان إنتي تنبسطي...أحس فيها تخلي عن مسؤولياتك...

أنا سافرت و بنتي عمرها شهرين...و عادي تصرفت معاها مثل ما أتصرف معاها في البيت...

محتاجة بس تأمني موضوع أكله...و هو وقتها ممكن ياكل من أكلكم على خفيف...بطاطس مهروسة أو مسلوقة...و أرز...و أكله بتلاقيه متوفر...

إن شاء الله تنبسطوا...

والله حبيبتى انا بعد نقس حالتك خاطرى اسافر بس بنتى صغيره وبتيهذل معاها علاوه على ذلك عندى ولد عمره ثلاث سنوات يعنى انتى ارحم وانا ماابي الخدامه تروح معى تحبس حريتى وودى بعيالى ومدرى وش اسوي:(

انا سافرت اللعام مع ولدي و هو عمره 5 شهور و كانت سفرة ممتعة جدا ! كنت مع امي و بهالشهر بعد !

على الرغم انه كان دايما يصيح و بسرعة يتضايق و ما يبي امي تاخذه و معتمد على الرضاعة و يرفض الاكل .. لكن كانت السفرة احلى معاه .. و ان شاء الله لما تجربين بتذكرين كلامي !

المهم ،، انصحك تاخذين معاك اغذية جاهزة مثل السيريلاك لاوقات الضرورة ، و خضار مسلوقة و فواكه المعلبة !

و قبل كل طلعه لكم بالسفر أكليه حتى ما يجوع بسرعة و طبعا الرضاعة مالك غنى عنها و اخذي معاك بعد بسكويت بالشنطة و شيبس يتسلى فيهم و رحلة ممتعة ان شاء الله !

هلا يا قلبي

ولا مشكلة ولا شي .. آنه عيالي الله يحفظهم أسافربهم مرتين بالسنه والسفره ممكن تاخذ شهر أو أكثر والحمد لله مدبره أموري .. بعلمج شوية حيل تنفعج.

بالأول من تروحين ضبطي وحده من الي ينظفون الغرف تغسل ملابس البيبي لأنه بيكون متعود على صابون معين ما تضمنين بالمغاسل شيحطون بملابسه.
وودي معاج ملابسه القديمه لبسيه اياهم لبسه وحده وعطي أحد من الفقراء .

وأهم شي تودينه معاج معقمة المراضع مو بس لتعقيم المراضع آنه أجهز فيها أكل البيبي لا تستغربين. أكل المطاعم ما يصلح للبيبي ما تضمنين تعقيمهم. والأكل الجاهز استعملي بس الي يايبته معاج من بلادج لأن بعض البلدان ما عندهم تفتيش صحي والأكل يكون قديم أو متعرض لإشعاع.

خذي مصفاية صغيره حطي فيها خضار طازج مقصوص قطع صغار ولا تخلينه يلامس قاع المعقمه وشغليها بتشوفين الخضار نضجو هرسيهم بشوكه وحطيهم بعلبة أكله وأكليه منها لما تطلعين.
واذا ما عندج المعقمة تقدرين تلفين الخضار بألومنيوم وتنزلينه بغلاية الماي .

شفتي شلون من له حيلة فليحتال لأن بالفنادق الكبيرة مايرضون تنزلين مطبخهم فدبري عمرج بحيث تضمنين للبيبي أكل صحي بقدر الامكان.
ولا تنسين العربانه بتريحج حيل .

هذا الي ذكرته واذا عندج أي سؤال نسيت أكتب لج عنه دزيلي رساله عالخاص .

انا سافرت وابني عمره 3 شهور وسافرت مرة تانية وهو سنة و3 شهور .. لما كان 3 شهور الصدق كان ارحم لانه فقط يرضع واشيله احطة في العربية وخلاص .. اما وهو كبير يريد يمشي وحدة ولازم اكون اجري وراه
المهم ما علينا ....

- انا اخذت له كفايته من الحفاظ والسيريلاك والبسكويت والحليب ,,, لانني يمكن ما احصل هذي الاشياء في البلد اللي رايحه لها .. غير كدة ما شاء الله ابنك كبير .. ممكن ياكل من اكلكم ... ولا تقلقي بما ان المطعم نظيف وانتي تثقين فيه ممكن تاكليه من المطعم وما في مشكلة ..
هذي من وجهة نظري

- واذا كان عندك مطبخ ولو صغير في غرفتك يكون احسن علشان تقدري تحضري له بعض الوجبات الخفيفة ..

- غير انه الفواكه متوفرة في اي مكان ... الموز .. التفاح .. العنب .. المنجا هذي الفواكه ممكن تؤكل بدون طبخ الا التفاح طبعا بس يمكن استبداله بالكمثرى

- عندك الزبادي بالفواكه ودانيت (ابني يموت عليه ) اكيد باتلقيه في البلد المسافر له او تأخذيه معك ,, ممكن تعملي له زبادي مع البسكوت او السيريلاك ..

- العربية باتساعدك كثير اياك ان تنسيها ... وسام ابني عنده سرير يتعطف وينشال في شنطة ... شلته معي ... اريح لي واريح له ينام في سريره ولا تنسي غطاءه طبعا
- لا تنسي ترموس الماء الحامي ... رضاعات كافية .. فرشة الرضاعات
- كل الادوية اللي ممكن تحتاجيها مثل علاج للزكام .. مرهم لقرصات الحشرات .. شاش ومحلول معقم للجروح .. مرهم حساسية .. قطر للانف والاذن ... ادووووول (مهم) .. علاج للمغص
- ملعقة وصحن صغير
- قصاصة اظافر

اتنمى اني ما اكون طولت عليك .. اتمنى اني اكون افيدك ...

حبيبتي مثل ما قالت الاخت مرموم اللي يصير عنده طفل حياته تتغير

يعني اذا سافرتي مع طفل اكيد راح تتبهذلين معاه لان احنا اذا اخذناهم مشوار داخل البلد شو يسوون فينا شلون اذا غيروا البلد

عندك حلين يا اما تسافرين و تتحملين ولدك بصياحه و تغيير الجو عليه

يا اما تنكرين لحد ما يكبر شوي و السفر مو طاير

بالتوفيق

ماقصروا الأخوات معاك.. والله يسهل أمورك.. شوفي موضوع الأخت الدمشقية عن السفر مع الأطفال راح ينفعك كثير...

مشكوووووووووووووووووووووووووووووووووووووووووووووووووووووره