قولولي رأيكو بالله عليكم!!!

السلام عليكم اخواتي في عروس انا اول مرة اشارك معاكو وحابة استشيركو في موضوع
انا متجوزة من حوالي سنتين و عندي ولد
من فترة عرفت الباسوورد بتاعة اية زوجي بالصدفة و قلت افتحه
و للاسف شفت رسالة في الرسائل المرسلة عنده باعتها لواحدة بيعتذر لها فيها عن الكلام اللي قايله في الرسالة و طالب نها انها متزعلش انه قال الكلام دة و الكلام دة عبارة عن انه كان على علاقة بواحدة و حصل بينهم (افهموا انتوا)
و بيعتذر للبنت اللي باعتلها الايمل انه قالها حاجة زي دي
الايميل دة تاريخه موجود و مبعوت من زمان بس للاسف مبعوت في فترة خطوبتنا
دي حاجة الحاجة التانية لقيتو باعت لواحدة عايز يتعرف عليها بس دة بقى للاسف برضه واحنا متجوزين بس انا كنت عند اهلي ايامها
بصراحة انا انهارت و جاتلي حالة مش قادرة اوصفها لكو
وواجهته قلتله انت بتخونني قاللي اقسم بالله ان الموضوع بتاع الايميل الاول دة كان طيش و البنت اللي بيعتذرلها دي كان مجرد بيتسلى علها و الحكاية اللي حكيهالها دي محصلتش هو مجرد كان بيشوف رد فعلها اية لما تسمع الكلام دة وخصوصا انه حاكي لها بالتفصيل
والايميل التاني قاللي انه مجرد كان بيتسلى و حاسس بالفراغ
انا طبعا قلتله اني خلاص فقدت الثقة فيه و مقدرش اعيش معاه
انهار اول ماسمع كدةو قعد يبكي بطريقة غريبة جدااا و يقسم على كتاب الله انه عمره ماخنني وانه بيعترف انه غلط لما عمل كدة وانه ايام الخطوبة كان حبه ليا عادي لان خطوبتنا كانت تقليدية انما هو دلوقتي ميقدرش يعيش من غيري وانا حياته دة كلامه طبعا ووعدني ان دة مش هايتتكرر بس لازم اثق فيه و اسامحه
انا قلتله انا هسامحك بس مش هاقدر انسى
انا طبعا رجعت معاه لطبيعتي و لا كأن حاجة حصلت بس من جوايا متأثرة و مش قادرة انسي
وهو اللي دايما يفتح الموضوع ويقوللي انه حاسس ان حصل شرخ في حياتنا و قلقان اني مكونش واثقة فيه
طبعا هو بيقوللي انه مغيرش الباسوورد وبيقوللي ادخلي الايميل في اي وقت شوفي
تفتكروا يكون صادق و فعلا ؟ولا كلام وخلاص وممكن يعمل كدة تاني
اسفة طولت عليكو