سلطة فواكه

مرحبا اخيتي .....ولا يهمج خذي هذه الطريقه روعه
اولا المقادير:
مانجو
اناناس
رمان
كيوي
تفاح
موز
عنب صغير بدون بذر
برتقال
بابايا
في فاكهه لونها فوشي من الداخل لونها ابيض وبها حبوب سوداء طعمها مثل ماء الورد تعرفينها
اقولج شو اسمها ( دراغون فروت)
صدق هذا اسمها وهي لذييييذه مع الفروت سلات
التفاح تستخدمين نوعين الاصفر والاحمر
مشمش
الطريقه:

نجهزعصير برتقال طازج
تقطع كل الفاكهه قطع صغيره
ونصبه في وعاء كبير نضع الفواكه عليه
ونضع ملعقتان كبيرتان ماء ورد
__________
ممكن الاستغناء عن ماء الورد ووضع عصير برتقال طازج + علبه عصير مانجو لاكنور
ونوزع الفروت سلات في كؤوس جميله
هذه صورة الفاكهه الدراغون فروت

نسيت اقولج ان ممكن تضيفين شمام اصفر للمكونات او اي فاكهه تحبينها
نسيت اضيف الفراوله بعد اسمحيلي
ممكن توزيع الفروت سلات في قشر نصف برتقاله وتكونين مقطعه البرتقاله الى نصفين بطريقه مشرشره وتزيلين داخل البرتقاله وتضعين مظله صغيره على طرف ....

شو رايج بهذا ؟؟؟؟؟؟؟
حلو للضيوف

حبيبتى الغاليه حنين

طريقة سلطة الفواكه ما تبى شيء سهلة وحلوة ولذيذه بعد

بالنسبة للفواكه انت تختارين الفاكهة اللى تبينها بس لازم تقطعينها قطع صغيرة مب لازم تحطين كل الفواكه بس يوم تكون مشكلة تطلع حلوة والطرق كلها وحده ونفس ما قالتلج الاخت النجلا

المهم بعد ما تقطعين الفواكه كلها طبعاً تحطينها في وعاء وتخلطينها مع بعض وبعدين تصبين عليها عصير مانجو وبتطلع لج وااايد لذيذة

بالنسبة لماء الورد اللى قالته الاخت النجلا بصراحه انا مب مجربتنها بس انت جربي جزء بسيط منها واذا عيبتج حطي ماي ورد

اتمنىان اكون افدتج

تحياتى
المبدعة