طلبتكم احتاج مساعدنكم ودعائكم مالى حد غيركم ... اهلى ما يحبوني

السلام عليكم جميعا


خواتي اتمنى تدعوون لي من كل قلبكم جزاكم الله الف خيررر :(


عندي مشكله وهي.......


انه الحين عمري 22 ومادري اشفيني بيني وبين نفسي احس روووووووووحي كبيره وعيزت وانه محد يبيني لدرجه لين اكون بروحي اصيح على حظي واشمعنه انه جذي من بين كل بنات العائله الى بعمري


مشكله هي انه كانت علاقتى وايد قويه ببنات خالاتى واعمامى واعمامى الى بمثل عمري الفرق بيننا اشهر ولا سنه وسنتين اكبر ولا اصغر المهم

الحين كلنا اعمارنا 18 واكبر لين 23


وصار وكل بين فتره وحده منهم تنخطب وتروح عناا ما تقدر نشوفنا ونطلع معاها مثل قبل يعنى العلاقات تخف بيناا

كنا 7 وحدات

فيه منهم 2 اكبر منى و4 اصغر مني

بنات خالتى الى اكبر منى انخطبوا وتزوجوا وصاروا امهات واهما اكبر منى بسنه بس

وبنت خالتى اصغر مني بكم شهر انخطبت وتزوجت وبتصير ام بعد كم شهر واهى اصغر مني بالعكس ما احسدها بنت خالتى واحبهاا واتمنى لها كل خير

بس المشكله فى اهلى وخصوصا خالاتى!!!:confused: كل مره يحسسونى بانى كبيره وانى كبرت وللحين ما عرست وانه بناتهم الى بعمري واصغر مني عرسواا

وبنات خالتى الى اصغر مني بسنتين وحده تعرف واحد وبينهم علاقه وخطبعا وبعد كم شهر الملجه

وبنت خالتى الى اصغر السنه بثالثه ثانوي انخطبت من طرف وحده من الاهل بتكمل مدرسه وبتنخطب باجازه الصيف ... وخالتى الى اهى امها قامت تقول لي بنتى الى توها بثالث ثانوي خطوبتها بالصيف وانتى اشكبرج متى خطوبتج!!!!
:ss: :confused: :confused:

كل الى حولي وايد يحسسونى بانى كبيره وانه الى اصغر منى انخطبوا وانه للحين

وخصوصا بنات خالتى الى كنت كلا معاهم نطلع واروح واجي الحين راحوا تقريبا كلهم بقيت بروحي:(

وللعلم انه خطبوني كذا مره بس دائما امى ترفض اول مره لانه الصبي مستواهم المادى اقل مناا

وثانى مره لانه ما عنده شهاده جامعيه ويشتغل شغله بسيطه

وانه اهلى الحمد الله مو مقصريين معاي بحاجه


ادري طولت عليكم بس وربي ما عندى حد اشكي له همى والله ضايقه فيني الوسيعه

وكل ما ايلس بروحي اصيح على حالى واشمعنى انه غير عنهم فى شنو


دعواتكم لي بنات الله يرزقنى بالزواج الصالح عاجلأ غير اجل


وشنو برايكم اسوى مع اهلى والله تعبت لدرجه صرت ماحب اروح بيت الاهل واشوف خالاتى هناك

احاول قد ما اقدر ابتعد عنهم لانه من اشوفهم يذكروني ويفتحون لي هالموال :sad:


طلبتكم محتاجه شوركم ومساعدتكم

واهم شي دعائكم لا تنسونى بالدعاء


الله يرزقنى بالى فى بالى والى اهلى يرضون فيه عاجلا غير اجل