مب عارفة انا من

[QUOTE=ryame;5832462]مرحبا خواتي السلام عليكم ورحمة الله وبركاته اشحالكن
متن

هلا
اولا حسبي الله ونعم الوكيل في كل زوج ظالم لزوجته

الحين اختك كم صار لها متزوجه ، وانت تقولي بيومها ليه هو متزوج عليها ولا هي الثانيه ؟
المهم هي متعلمه معاها شهاده ؟؟؟
اذا هي متعلمه تشتغل اذا ماكانت تشتغل
واذا مادرست تاخذ كورسات ولا حتى تكمل تعليمها
ليه اقولك هذا الكلام
لان الزوج جزء من حياتك وليس كل حياتك
بنات هذي القاعده لو اتبعتها كل وحده مننا راح تعيش بسلام
مو شرط الزوج يكون نذل ولا يتزوج غيرك
بس ممكن لاقدر الله انه يتوفى يصير له حادث غيرها من الامور الي ممكن تفقيده، طيب وقتها راح تموتي بعده ولا بتكملي حياتك
اذا خيار الانفصال غير وارد في تفكيرك
اذا ابدء بعيش حياتك والاستمتاع بها وتركه فتره من الوقت
يعني تقليل الاهتمام الي تعود عليه منك
هو متاكد 100% انك مابتتركيه وانت تحبيه وبتعملي المستحيل له
بس مجرد مايبدء يلاحظ اهتمامك بامور اخرى غيره
بنفسك بثقافتك تعليمك حياتك الاجتماعيه نشاطات ، راح يبدء بالرجوع مره اخرى لك حتى يكتشف هذه الشخصيه الجديده فيك
ولازم كل وحده تترك جزء منها غامض بالنسبه للزوج
لاتكشفي كل اوراقك وكل عيوبك وكل نقاط ضعفك له ، انا مااقول تخفي عنه امور اساسيه لا
بس في امور تتعلق فيك انت بس ، هذي اللي احتفظي فيها لنفسك

الله يفرجها على اختك
ويسعدها واذا في شي ممكن اقدمه لها انا حاضره
وربي يوفقك مثل ماتخافي على اختك ويخليكم لبعض

مشاء الله عليك اختي رنو*
بعد كلام اختي ما اضن في شي زود عليه
ربي يوفقك

لله يكون بعونها ياااااااااارب

الله يعينها ويصبر قلبها عليه

حبيبتي الغاليه
زوج اختك من برج القوس وهو اصعب الناس يعني لا يحب الالتزام ابدا ويحب الفرفشه ولا يحب الضغط
بالطلبات يحب يسوي كلشي من نفسه ويتخبل من احد يطلب منه شي
بس صدقيني مواليد القوس مثاليين وطيبين جدا بس لازم اختك تعرف له شوي خلي تقرأ نبذه عن شخصيته
من خلال برجه وتعرف الاشياء الي يحبها والاشياء الي يكرها ولازم تلتزم الصمت حالين لا تطلب منه شي
بالعكس
خليها تعطيه بلا حدود وبدون اى مقابل خلي تتأنق له وتلبس وتتكشخ دوم وتكون مفرفشه وتضحك دائما
يعني خلي تخبي مشاعر الحزن والقهر وتحاول تحتضنه شوي بحنان وتبدأ معه من جديد وتنسى الماضي
خلي تحاول تدرس شخصيته وتعرف شنو بالضبط الي هو يحبه ولا تدخل اهلها بالموضوع لان هذا بيزيد
المشكله
عطيه حب وحنان واهتمام وكله بدون مقابل حالين وبتشوفين كيف بيتغير وهو من نفسه الي بيتمنى
تطلبين منه شي
الله يوفقك
تحياتي

فديتج هي صار لها معرسة من سنتين تقريبا والحمدلله هو مو معرس عليها اقصد في يومها ان يوم اجازته

ما شالله عليها رنو كلامها عين العقل

شفي غلاي الرجال انواع في هذي الدنيا
ولازم المره تعرف نوع ريلها صفاته عشان تعرف اشلون تتعامل معاه
خليها تدخل موضوعي تثقيف العرايس لما بعد الزواج شوفي الرابط موجود بالتوقيع

وخليها تقرى من الجزء الثاني وبعدين ترجع للاول وتقرى الكتاب اللي حطيت الرابط له بالموضوع

بهالشل بتعرف نوع ريلها وليش قاعد يتصرف معاها بهالطريقه

يمكن من طريقتها هي
يعني استغرب منها بصراحه يوم تتمنى ان ريلها يوديها الصالون عشان تصبغ شعرها؟؟

انزين هي وينها بهالموضوع؟
ليش حابه تكون مسيره ان ريلها يوديها تصبغ شعرها.!!
هي من نفسها المفروض تقرر اذا تبي تصبغ او لاء؟
ومتى هي اللي تحدد هي المفروض تقول حق ريلها ودني الصالون فخاطري اتحنى حق نفسي قبل لايكون له هو

هو شايفها نكديه لانها ميته على نفسها يعني قاعده على حالها وناطره زوجها هو اللي يقررلها متى تتحنى ومتى تصبغ شعرها!!!

هي المفروض تطور من نفسها من شكلها ومن دراستها تاخذ دورات وتشغل نفسها عشان يحسها مهمه ويحبها

يطريقتها هذي بتم طول عمرها هالشكل وهو راح يدور ربع يسافر معاهم

هو بهالطريقه حاس انها مب مهمه لانها مب مهتمه بنفسها
ما يبي يسافر معاها لانه حاس انها ممله وانه قاعد يسير وحدة معاه
الزوج يبي وحدة شخصيتها قويه هي تاخذ قرراتها

لازم اختج تتغير

وبعدين عن ريلها اتوقع انه من النوع اللي اذا شافها تبي الشي وحابته يحرمها منه

يعني هي تبي تطلع معاه فيومها صح؟
هو يحرمها

هي تبي تسافر معاه؟
هو يحرمها

اي شي تبيه يحرمها منه

خليها دايما تبين له انها مب ميته على الطلعه معاه
يعني لو طلعها اوكي
بس لو قالها مشغول تقول اوكي احسن انا عندي موضوع مهم على النت وابي اقراه
او عندي كتاب وخاطري احصل وقت اقراه ففيه
او ابي وقت احط فيه كريم حق شعري وابرد اضافري

يعني خليها تبين له انها تبي وقت حق نفسها

ryame;5837517:
فديتج هي صار لها معرسة من سنتين تقريبا والحمدلله هو مو معرس عليها اقصد في يومها ان يوم اجازته

هلا حياتي
طيب الحمد الله انه مو متزوج عليها:)
يوم اجازته بنظر الرجل هو يومه وهذا عند الاغلب يرى هذا اليوم على انه يوم راحته وممكن يطلع مع اصدقاءه و غيره من الامور لانه طبعا طول الاسبوع وهو يشتغل فيقول انه هذا اليوم له
متى يطلع الرجل مع زوجته في هذا اليوم ويستمتع هو ايضا اذا لم يشعر بان هذا واجب ومفروض عليه بمعنى اصح
اذا احس الرجل بان الزوجه تفرض عليه وبانه مقرر كل نهايه اسبوع تطلع هنا يبدء يتملل
اذا لازم يكون نهايه الاسبوع يوم مشترك وليس يوم مخصص لزوجه او الزوج
هو يوم للعائله كلها ويجب الاستمتاع به

الحين حياتي انت مارديتي عليا:ss: ، هي تدرس ولا تشتغل ولا ربه منزل ؟
ولاي مرحله تعليميه وصلت ؟؟عشان نقدر نساعدها باذن الله
بعدين هي صار لها سنتين بس
يعني لسه ببدايه الطريق ان شاءالله الامور تنحل (f)