تعباااانه حدي ومتضايقه،، ابيكم!

السلام عليكم ورحمة الله وبركاته

عزيزاتي

الموضوع،، إن قبل سنتين تعرفت على وحده خليجيه متزوجه قطري وأنجبت بنت قمر،، المهم،، اهل زوجها الله يهديهم ما وراهم الا المشاكل، الأم متطلقه ومتزوجه من واحد ثاني والأبو نفس الشي،،

وهالحرمه قررت إنها تشتغل وكان عمر بنتها سبع شهور،، إشتغلت وصارت تحط بنتها في الحضانه،، والله يا بنات إن في الحضانه محد يغير لها البمبرز وكأنها بنت مالها أم ولا أب،،

الأم تقول إنها ترد من الدوام متأخر وتعبانه وزوجها من النوع اللي يلزق فيها ولا يهدها ،، قامت امي تبرعت وقالت أنا بربي البنت وبخليها عندي الصبح بدل الحضانه

وياليتنا ما سوينا هالشكل ،، بتقولون ليش؟

اقولكم،، اولاً لان حزتها ما كان عندنا يهال،، خواتي عادهم ما تزوجو وإخواني نفس الشي،، يعني نفتقد اليهال،، صارت البنت تنام عندنا بالإسبوع يا بنات والأم ما تدري عنها حنا اللي نتصل لها ونسلم عليها ونطمنها على بنتها :( أدري مستغربين بس والله هذا اللي حصل


كبرت البنت وصار عمرها سنتين ونص ،، وطول هالفتره تجينا وتروح لأمها بس معظم الوقت معانا لدرجة إن هلي وجيرانا يفكرونها تقرب لنا ،،

قلوبنا تعلقت فيها ،، والله يا بنات الله عطاها عقل وعطاها فهم وعطاها ذكاء مب طبيعي،، تبارك الله عليها،، المهم عقب هالفتره فجأه طلعو عماتهااااا

تفاجأنا من وين هالعمات وينهم من قبل وليش ما سألو عنها طول هالفتره

طبعاً البنت كبرت وصارو ياخذونها وللأسف هالعمات محتاجين الرجوع لله،، مابي أتكلم عن أحد بس واجد اوبن وبايعين الدنيا،،

ما قدرنا نتأقلم معاهم ولا قدرنا ندخل ونتعارف ،، فتخلينا عن البنت ،، والبنت تمووووووووت فينا وكله تصيح وما تبيهم،،

وأنا كلمة عمتها وقلت لها لا عاد تجينا ولا تجيبينها تدرون ليش:
لأن لما تجي تعور قلوبنا كله تصيح ماتبي تعود لهم ،، وقلوبنا رهيفه تقطع عليها
ولأن مانبي عمتها تكثر الجيه علينا

فقلت لها خلاص نقطع العلاقه

بعد مرور 4 شهور،، جات أمها وجابتها لنا،، حنا صعقنا والله يا بنات وكأنا كنا ظميانين وجانا الفرج وبنرتوي،،

أنا تعبت نفسياً لأن البنت طبعاً كبرت ولنا فتره ما شفناها فتغيرت،، يا بنات صارت عظام،،

محد يأكلها وأمها الله يهديها جابت وراها طفلين :eek: فمالها بارض حق أحد وتحب زوجها وكله لازقه فيه وطالعه وياه من ديره لديره،، ولا إهتمت حق عيالها،،

وبعدها نفس الشي غابت شهور

واليوم يا بنات جاتنا

تدرون إنصدمت،، وين اللي نعرفها،، يا بناااااااااااااااااااااااااااااااااااات

البنت بتمووووت،، مافي عنايه،،

هي عمرها الحين 3 سنوات ونص

ضعيفه

ومحتاجه عنايه،، وحب وحنااااااااااااااان

يا بنات قسم بالله ،، تتعاملين معاها كأنها مره كبيره وفاهمه :confused:

ما عاشت طفوله،، كله تنطق وحتى لما تتكلم كأنها عيوز بحكم إنها كله مع عماتها الله يهديهم اللي من عرس لعرس ولا لهم الا الطلعات والوناسه

يا بنات تعبت نفسيتي،، قعدت أبكي عليها

اول ما دخلت بيتنا قالت خاطري في حليب

قلنا لها ليش،، قالت عماتي يقولون انتي كبيره ما تشربين حليب :confused::confused:


انا مت بكييييييييييييييييت وانا الحين قاعده ابكي

شسوي؟

شاللي اقدر اساعدها فيه؟؟؟

أمها ما تفهم ، ولا مقدره النعمه اللي هي فيها

لا تقولون كلمي أمها ما تفهم ما همها الا زوجها وبس

عماتها ما اكلمهم لأني ما احبهم ولا ابي اتقرب منهم


بس قلت لخوااااتي خلاااااااص مانبي نشوفها لأن كلنا نتأثر ونقعد نبكي

حتى إختي توها مربيه وعندها بنت عمرها 6 شهور تهد بنتها وتعتني بهالبنت

نصيح ويا بعض عليها


وانا حدي حساااااااااااااااااااااااااااااسه ،، امها الحين جات تاخذها صاحت وقامت تصكر الباب بالمفتاح قالت مابي أروح وإنتم باجر ما عندكم دوام خلني أنام عندكم


بكيييييييييييييييييييييت خلاص خلاص خلاص

شسوي ياربي،،

الله يفرجها


اسفه على إزعاجكم بس إنتم أخواتي وحبيت أفضفض لكم

دمتم بكل الود