طلب افكار من الاخوات

وين ردودكم اخواتي

قسم الاستفسار ومافيه ردود

اني بصراحة ماعندي فكرة عن السراميك بس عندي كم صورة يمكن تاخدي منهم كم فكرة في الصبغ والجبس

اختي انا استخدمت اسبني بس بلاط وما شاء الله وايد زين حتى في التنظيف وايد عجبني بس في الحمام صيني على ما يقولون بس ما عجبني وايد

عن الجبس في السقف تقدرين تخلين شي بسيط ما يكلفش وايد بس لمه تيين تصبغين صبغي الجبس والسقف بألوان مناسبه لصباغه الجدار وراح يطلع وايد حلو

واتمنى اكون افدتك

هلا اختي ربيعة عن الديزاينات الصينية فهي عن جد روعة وفخامة بس يقولون انها جودتها مب ممتازة بس الاكثرية عندنا في البحرين يستخدمونها ومافي اي مشاكل بس الايطاليا من ناحية الجودة هو الافضل

يعني عندك الترتيب : السيراميك الايطالي - السيراميك الاسباني - السيراميك الصيني وعندنا في البحرين محل اسمها ايلاميس بصراحة سيراميكهم روعة يجنن وهو ايطاليا بس اقل شي المتر عنده ب 13 دينار يعني 130 ريال للمتر بس روعة

مشكورين اخواتي جنى وعنوني وفاتي زيزي



ماقصرتو الله يعطيكم العافيه والي احسن منها الله يرحم والديكم

أني ما عندي خبرة بس ألحين في صدد تشطيبات شقه جديدة
بالنسبة للسيراميك أخذته من مكارم النخبة ( الملحم سابقا ) أسعارهم في منها الرخيص و المتوسط و الغالي
لما تروحي هناك اسألي الموظف ويش أحسن نوعيه الإيطالي او الأسباني أو الصيني
طبعاً الصيني أسوأ شئ فابتعدي عنه الناس تلجأ له لأنه رخيص
ليش ما تفكري تسوي الأرضيات خشب هي الدارجة هالفترة
غرفة أولادي حطيتها أرضيه خشب من وودن هاوس اللي في المجيدية أسعاره مرة حلوة و طلع مرة حلو
إن شاء الله إذا اكتملت الشقه و ما تكاسلت أصور لكم و أحطها هنا .
بالنسبة للصبغ ما حبيت أحط من الأشكال الجديدة ففضلت أني أصبغ بالبيج العادي مو البسكوت أريح للعين
فكرت أحط أوراق الجدران في غرفة أولادي و غرفة الألعاب بس غيرت رأيي و صبغتها
بالنسبة للجبس أني ما أحبه و حطيت شريط بسيط في السقف
بس زي ما قلتي الأسقف الخشبية هي الدارجة هالفترة .
إن شاء الله أكون أفدتك و لو بالشئ البسيط
سلام

الحين اخترت الى دورات المياة حقت اولادي اسباني الوان زاهيه حلو والينا ايطالي

والجبس بس بحط في المجلس والصاله والباقي بس حزام وبنصبغهم حسب الاصباغ

لكن الغرف شفت البرسلان وجرانيت حلو لكن خايفه ما يناسب الغرف

واخت راويه كنت بحط ارضيت الغرف خشب باليه لكن مانصحوني به مع الوقت يخف وما يصير يصيبه الماي يعني محافظه زياده

وقالو غرفتكم ايه الجهال لا

وفضلت الرخام الخشبي

وابغى اصبغ البيت مثل بيوت المسلسلات الكويتيه اني منزله موضوع عن الاصباغ تقريبا نفس الي اتمناه

لكن خايفه بعدين ما يركب الصبغ مع الرخام

حلو الديكور راقي

عزيزتي ربيعية الخشب في منه أنواع و له مميزات
بالعكس حلو راح أحط لك مميزات أرضيات وودن هاوس
1- أرضيات خشبية قوة ضغط HDF
2- مقاوم للخدش المياه الحريق الحشرات
3- غير قابل للتمدد و التقوس
4- سهل التركيب و الفك و نقله من مكان لآخر
5- يتم تركيبه بدون مواد لاصقة
6- يوجد لدينا أكثر من ملمس
7- مزود بطبقة شمعيه لمقاومة الرطوبة الزائدة
8- نهتم بخدمة ما بعد البيع
9- يوجد لدينا أكثر من 25 لون
10- ضمان من 10 - 15 سنة
بصراحة مرة حلو فكري فيه
في غرفة ألعاب أولادي حطيت زولية من اللي مرسوم عليها للأطفال مرة حلوة
بالنسبة للجبس اختيارك موفق أنك تحطيه فخم في الصالة و المجلس و كاد للديكور شغلهم حلو أخت جنى ما قصرت
بالنسبة للصبغ ليش ما تراويه قطعة السيراميك اللي اخترتيها و تخليه يسوي لك عينة إن عجبك اتكلي على الله أو شوفي لك حل ثاني إن ما عجبك
منزل مبارك بإذن الله
سلام

شكرا اختي راويه قلت الى زوجي وبكره بنشوف الارضيات والحين اني اقتنعت من كلامك 90 اشوفهم بكره وانشاء الله استقر عليه لغرف النوم

ومفكره اول نخلص الارضيات بعدين نصبغ لكن الي يخوفني ان يعجبني صبغ وما يركب على الارضيه

بس اكيد ما فيه حل لاني اتردد واجد وما احب اختار على طول لازم افكر اشوي ولما ارجع البيت استقر على شيء