ما اعرف شو الحل معاه

السلام عليكم بنات

والله اتمنى من كل قلبي اني الاقي الحل وياكم وادعولي من كل قلبكم انه ريلي يرجع نفس قبل.....


انا متزوجه من اربع سنوات وعندي بنت بتكمل سنتين الشهر الياي والجين حامل في الشهر السابع ..........المشكله يا بنات زوجي فيه صفات حلوه لكن صفاته البايخه يخليني انعمي من صفاته الحلوه يعني هو طيب وكريم .......بس في نفس الوقت مزاجي وعنيد وكسول واعصابه بارده حتى في موضوع محتاجه واحد يتفاعل وياي ما الاقي........يعني لو كنت محتاجتنه في شغله وهو ما يريد ما بيساعدني .........يعني كل شي على مزاجه...

لو طلعنا مكان بيكون تقريبا نص الوقت ساكت او حتى كله احاول اسحب منه الكلام بس ما فيه فايده ما يضحك الا يوم يريد ما بيطبعنا الا يوم يريد ما بيجلس عندنا الا يوم يريد..

انا تعبت منه والله اول انه ملان مني ............غيرت في شكلي ___صبغت شعري محافظه على وزني مع اني حامل ..اشتريله الهدايا ..مغيره في الغرفه.. في لبسي وفي نومي وياه ..يعني في كل شي ..بس ما فيه فايده ..........تعبت والله عنده يقولي يوم اكون عند ربعي لا تتصلين فيني وايد انا ما عرف اكلمج وانا عند ربعي .......عيل كيف كان يرمسني ايام الملجه عادي عدال ربعه بس الحين لا لو ادق علشان شي ضروري ما بيرد الا يوم يريد...يقولي لا تساليني انت وين يوم اكون عند ربيعي يوم ارجع سالي الي تبينه؟؟؟؟ ويوم يرجع واساله يقول مب وقته هذا وقت رقاد؟؟؟؟؟واذا سالته في اليوم الثاني بيقول البارحه طاف ما في داعي نتكلم عنه...

يعني ما اعرف شو الحل.........

اشتكى مره اني ما البس قمصان نوم وايد...الحين يوم البس يرقد عندي بدون ما يغازلني او يقول كلمه حلوه.......

ما ينام وياي الا اذا هو ذايب مع اني والله اتعدل والبس بس يوم ما يرد خلاص ينام عني..ويتخذ قرارات في حياتنا وانا اخر من يعلم يقرر في امور وانا اخر من يعلم يسوي اشياء ويوم اكشفه يقول نسيت اقولج........زوجي بارد وما يتفاعل وياي في اي موضوع لو انه كبير ......واذا طلبت منه يساعدني في شي ما بيساعدني ....مثال اليوم بعد الغدا رحت ارتب البيت صح انه في خدامه بس مب كل الامور الخدامه تقدر تسويها وهي يديده يعني ما تعرف عربي وما عندها خبره...طلبت منه وياسلوب انه يساعدني في ترتيب اثاث البيت وكنت متاكده انه مرتاح وشبعان رقاد ومتغدي تخيلوا شو قال وانا حامل اذا فيج نشاط اشتغلي بروحج......حسيت اني بموت من القهر ......زحاولت مره ثانيه وثالثه عصبت وايد اخر شي قال انا مب خدام عندج؟؟؟
والله الدنيا دارت فيني ليش هذا الرد البايخ انته تشتغل في بيتك مب في بيت غريب وانت تساعد حرمت ما تاعد الجيران علشان تتحسس .........عصبت لانه وايد اتكلم وياه واتفاهم واصيح مراات وبموت من الصياح بس ما يرحم دموعي ولا حتى يسالني شو فيج........يعرف اني حساسه وايد وعصبيه بس مب قادر يتاقلم وياي وانا طيبه وحنونه وايد في نفس الوقت وما اعرف شو اسوي علشان اكسب ريلي من جديد والله اني احبه بس هو عنيد وما اعرف شو في راسه ؟؟؟؟

بليز لاتقولي عصبيتج هي السبب والله انا ما اعصب بدون سبب هو يستفزني وايد وفي نفس الوقت يقول انا احبج وهو ما يقصر وياي في الهدايا .....كل مناسبه لها هديتها.....

بنات والله انا اسفه اني طولت عليكم بس والله محتاجه لنصايح تعبت اشكلي لاهلي لانه ما فيه فايده وياه يانا كلموه بس ما فيه فايده عنييييييييييييييد


اي وحده ماره في تجربتي تنصحني وتخبرني شو الحل؟؟؟