قصتي وهمي ارجوكم ادخلو وادعولي

(f)بسم الله الرحمن الرحيم(f)
بنات انا متزوجة من 3 سنوات و9 اشهر بعد سنة ونصف من زواجي حملت بس الفرحة ما تمت بعد 8 اسابيع قال لي الدكتور لازم تعملي عملية اجهاض لانه ما في نبض وعملتها بكل صبر ورضا بقضاء الله وقدره والحمد لله على كل حال لكن بعدها الى اليوم ما صار حمل , ما خليت اشي الا وعملته رحت عند وحده عملتلي تمليس للبطن وكاسات هوا للظهر بعدين رحت عند شيخ قالي فيك سحر واعطاني علاج بالقرآن وسافرت ورحت عند شيخ تاني اول ما قرأ علي قالي ما في سحر عليكم عين كتيرة برضو اخدت علاج بالقرآن وبالنسبة للطب والاطباء حدث ولا حرج كل ما اسمع عن دكتور شاطر اروح وجميع الدكاترة اجمعو انه الحمد لله وضعي ووضع زوجي طبيعي وتحاليلنا تمام , طبيب نصحنا نجرب عملية التلقيح الصناعي وفعلا عملتها مرتين لكن الحمد لله على كل حال لم تنجح , داومت على الاستغفار ودائما ادعو في سجودي ربي لا تذرني فردا وانت خير الروارثين وكل صباح اشغل cd على سورة البقرة وسورة مريم , ثم قررنا اللجوء للعلاج الطبيعي وبدأنا انا وزوجي بأخذ العسل مع حبوب اللقاح وغذاء الملكات والقزحة والمكسرات بدأنا من بداية دورتي الماضية والى الآن نأخذ منه وخالتي الآن في العمرة وتقول انها بتدعيلنا كل يوم ومع هيك مبارح اجتني الدورة المسا كنت قبلها طالعة مشوار مع اختي بالمناسبة اختي تزوجت معي بنفس اليوم والآن عندها بيبي تبارك الرحمن زي القمر ,المهم كان مشوارنا عند أقاربنا وكان الحديث كالعادة فلانة حملت فلانة ولدت مع نظرات الشفقة الي بحسها في عيون الناس والله بطلت احب اشوف حدا ونفسيتي تعبت ولما روحت كملت معي نزلت الدورة وكان زوجي في البيت ما قدرت امنع نفسي انفجرت في البكاء بصوت عالي وبحرقة كبيرة , وزوجي الله يجزيه الخير ما قصر حضني وواساني وخفف عني شويه , والله موش عارفة شو لازم اعمل نفسي يكون عندي ولاد يعبو بيتي ودنيتي .
معلش سامحوني طولت عليكم لكن حبيت تشاركوني همي وتدعولي , انا والله دايما بدعيلكم