واللهالعظيم ..تعبت ؟؟

أختي ..

ما في أحد يتغير بسبب الخطبة .. و اذا كان ما خاف على نفسه و على صحته كيف تتوقعي يتركه عشانك ؟!!

أيش تنتظري من شخص ما يخاف الله ويعمل معصية ظاهرة كهذه ؟!!

الدخان إدمان و الحياة مع شخص كهذا مضرة بصحتك .. لأنك بتكوني مدخن سلبي ..

طالما أنو لسا خطبة .. اتركيه وسيعوضك الله بأفضل منه .. في الدنيا و الآخرة

ولا تذرفي عليه دمعة واحدة ..

أخت مريم نور اشدعوه عاد سويتيها حرام انا مابي أفتي ولا أتكلم عن الحلال والحرام بس طريقتج وايد مكبره الموضوع اشدعوه
وبعدين ماكو مذهب من المذاهب حرم التدخين الا اذا كان مسكر او يخل بالعقل
أنا معاج انه التدخين مظر بالصحه بس مو حرام
والحديث ترا واضح وصريح قال المصطفى عليه الصلاة والسلام ما أسكر كثيره فقليله حرام
وهذا لا كثيره ولا قليله مسكر واصلن قليله غير مضر
استغفر الله لا تحرفين وحرام الواحد يحلل ويحرم على كيفه ما يجوز أختي
وسوري حبيبتي لا تزعلين من كلامي
وحبيبتي بلو بيري ليش متردده من الموافقه عشان يدخن؟ معقوله
واشفيها اذا دخن اهو حق نفسه مو شي قعد يسويه يضرج فيه
وبعدين انتي اللي عليج انج تنصحينه ما خذا بالنصيحه كيفه بس مو معنه هذا انج ترفضين عشان يدخن
حبيبتي لا توقفين نصيبج على اشياء صغيره وما تأثر
دام الولد مافيه عيب غير انه يدخن ترا هذا مو سبب انج ترفضينه
وبصراحه يدخن ولا انه يطلع سكير وراعي خمر وبلاوي
حبيبتي عيدي النظر بالموضوع وفكري بكلامي واتمنى ما تزعلين من ردي
بس لازم بعض الردود تكون جافه عشان الواحد يحس بالدنيا اللي اهو عايش فيها ويعرف افرق بين البلاوي والمشاكل والأشياء العاديه اللي المفروض ما انكبرها ونسويها مشكله كبيره دام انه سهل حلها حبيبتي الله يرضى عليج ويحميج ويوفقج ويسعدج بحياتج ويكتبلج ولد الحلال

حبيبتي
تقدرين تغيرين الرجال اذا صار وياش خلاص عشتين وياه
دام انش مرتاحه منه وموافقه عليه
بس هالشغله مضايقتنش
مع الوقت ان شاء الله راح يتغير ولا تخلين هالعقده معاش

لا تخلينها تسبب لش عقده

وبعدين اعرف بنية زوجها كان صايع وطايش وافقت عليه
والحين ماشاءا لله المسجد ما يتركه
فرق من مايدخل المسجد على مداوم عليه

بعض القرارات يستلمزك عمرك بأكمله لتنفيذها
وبعضها الآخر تحتاجين أنفاسك كلها لمجرد إتخاذها

عزيزتي

إذا إنتي تحسين إن هالموضوع بيعكر حياتكم وإنك بتكونين في دوامه من هالشي،، فإرفضيه واللي رزقك به بيرزقك بغيره ،،

لاكن إذا كان الموضوع نوعاً ما عادي بالنسبه لك ،، فماله داعي الإلزام على هالأمور

بعض العلماء حرمو التدخين والشيشه،، أنا معاك

بس ما تدرين يمكن على يدك الخير والهدايه،، لعل يتراجع عنها مع الوقت ومع النصح الطيب ،، والدعاء له،،


الله يجيب اللي فيه الخير،، ويوفقك ويسخر لك الطيب

موفقه

عادي ياكثر الرجال اللي يدخنون
بعد الزواج ان شاء الله تحايلي عليه يألف طريقه علشان يتركه شوي شوي مو مره وحده
الله يوفقك ويسعدك

يزاكم الله خير -ياخواتي

انا بس هاذا ألي مشتتني وهو ولله الحمد كل حد يشهد بأخلاقة ...وان يصلي ومرات يأخر.....؟
بس مرات ياخواتي احس اني مأقدر (الحياة صعبة) ومرات أقول أنه يباني على كلام خواتة وتصرفانة
ومرات أشك في كلام الناس ان هو حسن الخلق والدين :(

غناتي لا تحطين هذي القيود

دام انكم سألتون عنه وقالو لكم انه زين خلاص

الرسول قال صل الله عليه وآله<<= بما معنى ما اذكر الحديث بالضبط بس اذا كان الزوج صاحب خلق ودين فزوجوه صح

حبيبتي استخيري الله يوفقك
وانتي شوفي تحسين انه من النوع اللي يتقبل النصايح ولا لا
وقوليله ممكن تهد الدخان عشان خاطري انا ؟؟؟
وعشان خاطر صحتك لاني اخاف عليك من التخدين
وشوفي اذا من النوع اللي يتقبل وممكن يجي منه
واستخيري حبيبتي



اختك
روح

نونو كتكو نايس;5814939:
أخت مريم نور اشدعوه عاد سويتيها حرام انا مابي أفتي ولا أتكلم عن الحلال والحرام بس طريقتج وايد مكبره الموضوع اشدعوه
وبعدين ماكو مذهب من المذاهب حرم التدخين الا اذا كان مسكر او يخل بالعقل
أنا معاج انه التدخين مظر بالصحه بس مو حرام
والحديث ترا واضح وصريح قال المصطفى عليه الصلاة والسلام ما أسكر كثيره فقليله حرام
وهذا لا كثيره ولا قليله مسكر واصلن قليله غير مضر
استغفر الله لا تحرفين وحرام الواحد يحلل ويحرم على كيفه ما يجوز أختي
وسوري حبيبتي لا تزعلين من كلامي

أولا أنا مش زعلانة .. و اذا كنت زعلت فعليك ..

مشكلة لو أنك تظنين أن التدخين مش حرام .. و أن أي شي متعلق في محرمات الأكل لازم تكون مسكرة .. عجيب استشهادك بالحديث

و أنت قلت في بداية كلامك أنك لا تريدين الفتوى و بعدها مباشرة جبتي فتوى من نوع فتاوي القهاوي بأنه لا يوجد مذهب حرم التدخين .. فما معنى هذا ؟!!

ولا أدري من وين جبتي كلامك .. عن نفسي كلامي الذي قلته و أعتقده مش من كيسي .. انما قال به علماء أجلاء من أهل العلم و الفقه .. يعني لا أنا ولا أنتي لنا كلمة ..

و الله عز وجل قال (( و أطيعوا الله و أطيعوا الرسول و أولي الأمر منكم ))

و أولي الأمر هنا تشمل العلماء الربانيين

و قال تعالى : (( فاسألوا أهل الذكر إن كنتم لا تعلمون ))

و هم العلماء العالمين بما قال الله و قال رسوله .. مش الحوش رواد المواخير

و أنا متيقنة أنه لا يوجد عالم يخاف الله و يعلم دينه يقول بقولك .. أن الدخان مش حرام

و سبب التحريم تلاقيه هنا

http://go.3roos.com/ojpckmpllqiالسجائر

وهنا دليل من كتاب الله على تحريمه

http://go.3roos.com/NuiyAY5oa6i

وهنا رأي كل من :

الشيخ ابن باز رحمه الله

http://go.3roos.com/aKzPFP8Cugc

http://go.3roos.com/K5txmRB9tOu

الشيخ ابن عثيمين رحمه الله

http://go.3roos.com/SFusBcM8BmJ

http://go.3roos.com/45OI4S5auEU

الشيخ المنجد بارك الله في عمره و نفع به

http://go.3roos.com/7aljt2xift3التدخين

و هنا ماذا تفعل من اشترطت على زوجها ترك التدخين ولم ينفذ

http://go.3roos.com/4f6fmmthd9qالتدخين

http://go.3roos.com/6a2hpd6jx2vالتدخين

والآن بعد هذا كله من منا يحلل ويحرم على كيفه .. أنا أو أنت ؟!!

اذا ما عجبوك الآنفين الذكر قولي لي .. من هو العالم اللي جاي على بالك أجيب لك فتوى منه بأن التدخين حرام قولاً واحداً ؟!!

نصيحة .. لا تقولي في الدين بقولك و ما يوافق هواك خشية أن تهلكي .. دينك هو حياتك

وكمان اذا كان كلامك ممكن يشوش على الآخرين احتفظي فيه لنفسك و لاترميه على قارعة النت تفتني فيه عابري السبيل .. اتقي الله

بالنسبة للأخت مش حكاية تدخين .. انما حكاية مقارفة لمعصية ظاهرة .. يعني مجاهرة في وضح النهار .. لا يستحي و لا يخجل .. كيف تأمن على نفسها معه .. ان كان يعلم حرمتها ؟!! وطالما هي على البر أيش اللي يجبرها على الاستمرار معاه ؟!!

انا مشاركة جديدة
اريد اخبرك اختي الكريمة عن تجربة انه لن يتغير انا قلت عن زوجي كذا بس للأسف لحياة لمن تنادي
والسلام ختام

اولا بقولك على شي

احنا مانتزوج مدخنين بس اختي لما تزوجت اكتشفت ان زوجها يدخن وعادي كانت تنصحه بس عمرها ماسوت من الدخان مشكله والحمدلله والله العظيم زوجها ترك الدخان وصار له 4 سنين من تركه ولا عاد رجع له

يعني انا اشوف صح يضايق الدخان بس انصحيه


وللاخت الكريمه اللي تقول ان الدخان مو حرام الا هو حرام ياختي معقوله ماتعرفين عن هالشي

مو معناة ان دام الاغلبيه يدخنون انه مو حرام

بس نسأل الله الهدايه للحميع

ما اعتقد الدخان حرام او عيب شرعي يستوجب الترك او فسخ الخطوبه
انتي بس انصحيه انه يترك التدخين لانك تكرهينه وماتحبين ريحته واذا اصر اشرطي عليه ما يدخن
في البيت ابد وانشاء الله الله يسهل اموركم ويوفقكم
تحياتي

حبيبتـــــــــــــــي استخيري والله ماتلاقين الخير الا بإستخارة ربك عزوجل والله يوفقك ويرريح بالك يارب ويكتب لك اللي فيه خير لك يارب العالمين

بنات وين احنا صح انها ماله داعي تتركه عشان هالسبب

بس

لاتقولوا الدخان مو حرام مافيه دليل شرعي حرام عليكم انتم اساس مادورتوا على دليل شرعي عشان تحللون من كيفكم

اتقوا الله

لاتفتون بشي مالكم علم فيه

الله يعينج ..

وربي يهديه ..

يزاكم الله خير-ويوفق الجميع انشأالله
هو طيب -ومرة صار فيني شئ -جلب الدني ويلس يحاااتي كأن يعرفنيي ا ..ومر هذا الأمر على خير وفاجئني في أشيااااء واايد حلوة يوم أذكرها أقول انشأالله بيتغير ويمكن مجرد وقت والله بيفرجها بس يوم أذكر كلام أخوي أحزن واااايد وأحس اني لو رفضتة مابحصل غيرة في أخلاقة ودينة :'(

بنااااااااااااااااااااااااااااااااااااااااااااااااااااااااااااااااااااااااااااااااااااااااااات

خلكم في الموضوع نفسه ليش طلعتوا برع
فكروا في مشكله الاخت مب في فتوى التدخين هذا مب موضوعها مسكيينه


حبيبتي شوفي .. انا عن نفسي ما استحمل شي اسمه تدخيين بغض النظر عن نووعه .. شيشه ولا جقاره ولا مدواخ ولا غيره .. و عندي هذا اهم شي يعني اذا تقدملي واحد يدووخ ارفضه على طول و الله يسهل اموره و يهنييه مع غيري
بس اذا انتي عقدتج مب مثلي و تحسين انه ممكن تستحملين و هذا الشي ما بيأثر على حياتج معاه بعدين فشووفي الاشيا الثانيه مثلا اطباعه اسلوبه اخلاقه اذا هو زين استخيري و الله يجدملج اللي فيه الخير
وانتي بطريقتج بعدين تقدرين تخليينه ينسى التدخين ترى السالفه فيها صبر لانه مب سهل انه المدخنين يتركون العاده هاي في فتره قصيره لانه هالشي يتعبهم (مثل الصداع و دايما يكونون عصبيين و غيره من الاشيا اللي بتحسين انه هو متغير عليج لين ما يتعود يعيش حياته بدون التدخين) و اذا هو متفهم و واعي تقدرين تقنعينه يعالج نفسه لين فترة العرس

ارد و اقول استخيري و بشريييينا


دعواتج لي (الله ينوي اللي فبالي)

الله يعينج والله...

أنا ما دريت عن زوجي إنه يدخن إلا بعد الملجة، و محد قالي بصراحة لا أبوي ولا أخواني...

صح تضايقت بس و قلت له إني منزعجة، و قالي إن شاء الله بعد العرس باتركه على إيدج...

طبعاً الحين لنا 3 سنين متزوجين و للحين ماتركه... و كل ما فتحت الموضوع معاه يقول أنا عناد ماني تاركه... لا تحنين فوق راسي...

سكت، بس اتفقنا إنه ما يدخن عندي، يعني يروح يصك على روحه في المجلس أو يطلع برا... خصوصاً إن ولدي معاه ربو...

هو الحمد لله ملتزم، و أحسه مبتلى ما يقدر يتركه... بس إن شاء الله مع الوقت يعافه خصوصاً أن معاه حساسية و صدره تعبان منه...

و أنا أقولج لا تيأسين، أنا أبوي ترك الدخان بعد أكثر من 25 سنة تدخين، و الحين ينتقد المدخنين و يحمد الله ألف على إنه تركه...

و الله يصلح لنا رجالنا (f)

:)تقدر تغير زوجها

وبالدعاء مافي شئ عسييييييييييييييييييير