شحالكم ياحلوووين
اليوم جبت لكم تطبيق طبخة مشرفتنا السفيره
بس مع تعديلات بسيطه مني:o
من صنع اديه وحيااة عنيه
وبالصور طبعاً
نبدا بالمقادير
حشوة اللحم
كيس لحم مفروم مجمد
بصله كبيره مفرومه
حبة باذنجان مقطعه مكعبات
4 حبات بطاطا كبيره
حبة فلفل اخضر مقطعه صغيره
جزرة مبشوره
حبتين طماطم مقطع صغير
ملح+بهارات
وللوجه
3 ملاعق كبيره مايونيز
6 ملاعق كبيره جبنة كاسات
الطريقه
نقطع البطاطا لقطع متوسطة الحجم ونسلقها في ماي مع ملح لين تلين وتجهز للهرس
وفي هذا الوقت
نبدا نسوي حشوة اللحم
ناخذ البصل نشوحه لين يذبل شوي ونحط عليه شوية زيت عشان يستوي ذهبي
وبعدين نظيف عليه الطماط ونتم نقلبه لين يذبل الطماط
وبعدها نحط الفلفل الاخضر والجزر والباذنجان
ونتم نقلبهم عدل لين يتجانس الحشوو زين ماازين
وبعدها نظيف اللحم ونحمسه عدل مع الحشووه ونحط عليه الملح والبهارات ونقلبه لين مايستوي اللحم ويتغير لونه من الوردي لين الرمادي
ونترك الحشوه على نار هاديه
ونجي الحين للبطاطا
ناخذ البطاطا بعد ماتجهز ونهرسها بالشوكه في قالب التقديم
ونسوي وجهها بملعقه كبيره عشان تتساوى من جميع الجهات
وبعد ذلك
نضع حشوة اللحم على البطاطا ونوزعها بالتساوي
ونبدا نجهز وجه الصنيه
نخلط 3ملاعق المايونيز
مع 6 ملاعق جبن كاسات ويفضل بوك لانها قليلة الملح وجامده شوي
ونخلطها عدل وبعدين نفردها على اللحم
ونحطها في الفرن لمدة 15 دقيقه او لين يحمر الوجه
ونتركها تبرد شوي عشان تتماسك وقت التقديم
وبالهنااااء والشفااااء
يم يم يم
مع تحيااات الشيف بسوومه بنت العذبه
يمنع النقل بدون ذكر المصدر
