أول عيد ميلاد - سـنـ حلـوة ــة يا ماما

ام فاطمة ربنا يخليها لك يارب وكل سنة وهي طيبة
انا بصراحة مش عندي اي افكار انتي عارفة لسة لي بدري وهبقى اخد منك الافكار اللي هتعمليهاهههههههههه
وكل سنة وفطوم طيبة وعقبال 10000000000 سنة وان شاء الله تستانس بالحفلة وتكون مبسوطة

اختي برجعلك بالافكار ان شاء الله في بالي كم فكره بس خليني اجمع اكبر قدر وبرجعلك

السلام عليكم ورحمة الله وبركاته..
هلا ام فطوم بنت بتكمل سنة 25-6 وان شاء الله استفيد من خبراتك ..روحي قسم المناسبات والهدايا بتشوفين مواضيع ومن بينهم موضوعي اسال مثلك

ان شالله البنات يفيدونا

كل عام وفطوم بخير

اقترح تسويين العاب صغيرة وتطبعين عليها اسم او صورة فطوم وتوزعينها على الاطفال بالحفلة

او ميداليات صغيرة بداخلها صورة لها وهم توزعينها

وموفقة انشالله

...

كل عام وهي بألف خير مقدما


انا السنه اللي طافت سويت لبنتي حفله فديتها

جبت نطاطيه

وماكدونالدز تعاقدت وياه جاب وجبات للاطفال و2 مهرجين و2 حريم يسوون مسابقات لليهال تجنن اليهال انبسطوووووووووووووو وكيكه وكاميرا فيديو ماتتصورين اشلون سوى جوو
كان رهيب بصراحه والسعر كان ولاشي كل هذا لخمسين طفل ب 1500 تقريبا رووووووعه

وبوفيه للامهات

وجبت علب ملونه وحطيت فيها حلويات مشكله ولعبه وحطيت عليها بطاقه اهداء من بنتي للطفل..


وبعد بنتي كانت توها تمشي سويت لها حلويات ومكسرات مشكله مع فلوس وخليتها تمشي وسط الناس وكتيت فوق راسها طلع واااااو..


وسويت بطاقات دعوة لحفلتها بالكمبيوتر ملونه وفيها الاسماء ووزعتها,,


اتمنى مااكون قصرت

اولا اختي مبروك مقدماااا على البنوته وعقبال ما تشوفيها عروشه على الكوشه

اولا نبتداء بالبطاقات ......... هاتي صور بنتك على ثلاث مراحل يوم كانت صغيره وبعدين على عمر 6 اشهر وبعدين على عمر 12 شهر تروحي المكتبات وهم راح يسوها ............وطبعا اكتب بالدعوه
وهاذي البطاقات وزعيها على المقربين منك بس البقي اعطيهم بطاقات عاديه علشان صور بنتك ما تنتشر

الكيك تكون بنتك صور البطاقه تكون ثلاث طبقات كل وحده تحمل صوره .............
فكرة العيد ميلاد الي في بالي زي المهرجان تجيبي الفشار و الايسكريم اذا ما حصلتي المكنه الي تسوي الايسكريم البوضه هاتي انتي البسكوت وانواع الاطعم من الايسكريم
هاتي نافورة الشكولاته وحطي على اعواد الفراوله ودونات الصغيره و الماشاملوز
هذي الاشياء تكون موجود من البدايه .............وبعدين العشاء يكون بوفيه

هاتي الي يلون في الوجوه
هاتي الالعاب الهوائيه الي تتعباء هواء والاطفال ينطوا عليها
الاطفال الصغاريه هاتيلهم الي تكون فيها كور
المسابقات تجيبي صبوره مرسوم عليها حيوان وما يكون فيه ذيل والاطفال يغمضوا عيونهم ويروحوا يركبوا الذيل

هاتي كرتونه تكون من النوع الخفيف وعبيها حلويات والعاب وزينيهل من برع بشرايط وحركات بحاول احطلك الصوره الي في بالي .........وعلقيها على ارتفاع بسيط بحيث الاطفال يوصلوا ليها وهاتي عصى وكل طفل ليه ضربه وحده الة ان يكسروها وتطيح الحلويات
لا تنسي توزعي هدايا لالاطفال


الفكره الثانيه تكون حفلة برنس يعني كل شي يكون تبع البرنسس من البطافات سوي بطافات على شكل تاج برنسس وتكون الدعوه ملكيه (تتشرف الاميره () بدعوتكن لحضور حفل ميلادها الاول في قصرها الكائن () )
هاتي كرسي او مرجوحه وزينيها على شكل كرسي اميرات سوي فيه مخمل وردي والريش والورد والقلوب
لبسي بنتك زي الاميرات فستان ابيض منقوش وتاج اميرات .......
زيني طاولات المعازيم بالشموع الورديه والورد الورديه و الريش الوردي
الهدايا الاطفال تكون في صناديق مربوطه بشرايط ورديه وداخله الهدايا تكون لاميره من شخصيات دزني
الكيكه تكون على ثلاث طبقات مو قوق بعض لا تكون جنب بعض ب برتفاعات مختلفه وتكون باشكال محتلفه يعني لاميرات دزني ..........ومحطوطين على طاوله تكون مزينه بالون الوردي والجلتر والريش
البالونات اهم شي تكون وردي وابيض وموزعه في كل مكان حتى على كرسي بنوتك ............

لو تقدري توفري ملابس لعدت شخصيات ديزني وتخلي البنات يلبسوها ويصوروا يعني مثل فكرة الاستديوا وبعدين ترسلي الصور لامهات البنات ......................هدايا لالمهات تكون عباره حلاوه مغلفه بالوردي ومكتوب على الشريط حلاوة الاميره (اسم بنتك)
لوتقدري تزيني المكان بالوان الوردي وبسترات اميرات دزني وصور القصور مالت دزني

هذا الي عندي الحين وبرجع ان شاء الله اكتب لك لانا بنتي تصيح الحين....

[GRADE="00008B FF6347 008000 4B0082"]انه بنتي عيد ميلادها 2/6
ومنكم نستفيد ومشكوره ام فاطمه على طرح الموضوع اللي بفيد امهات واااااااايد[/GRADE]

حبيبتي موضوع حلو اتمنى المشاركة من الجميع عشان الكل يستفاد

انا عيد ميلاد ولدي يوم 19 يونيو و راح اسوي يوم 21 يونيو

المهم من الافكار اللي ببالي

البطاقات

كنت ناوية اسوي بطاقات بصورة ولدي بعدين قلت ماكو داعي احط صورته و اوزعها على كل الناس و ما ادري وين يودونها بعدين فسويت كروت بايدي و لزقت عليها صور مالت بلونات و هالسوالف طلعت واااو

التوزيعات

جبت كياس قماش صغار عى شكل جواريب و راح امليها كاكاو و اوزعها بس للاطفال

الزينة

كل انواع زينة العيد ميلاد

البرنامج

راح اجيب وحدة ترسم على وجوه الاطفال و تسوي لهم عرض بالبلونات

الاكل

بوفيه مع حلى

الكيكة

راح تكون على شكل رقم واحد لان اللي عليها صور احسها مالت كبار ما تنفع للصغار

المكان

راح اسويه بقاعة عيد ميلاد صغيرة لان بيتي صغير



تقريبا هذا كل شي و هذا ذوقي مع احترامي الكبير لذوقكم كلكم

و طبعا كل خطوة راح اصورها و انزلها بالمنتدى

بالتوفيق

مرحبا أم فاطمه..

أنا سويت عيد ميلاد حق ولدي من كم شهر..

وهذا رابط الموضوع..

تقدرين تشوينه ..

http://www.3roos.com/forums/t300659.html

تحياتي..

أنا ما صار لي شيء تقريباً من سويت عيد ميلاد حمودي وكنت أتمنى أحط الصور بس زوجي رافض تماماً المهم هذي الأفكار اللي سويتها :

أول شيء كانت الحفلة يوم عيد الأم فشريت روز وصممت بطاقات مناسبة ووزعت الورد على الأمهات

سويت الهدايا اللي تتوزع أنواع الصغار كلش الجيسة المعتادة اللي فيها نفاخة وصفارة ونظارة ولعبة الفقاعات إلخ ، البنات الكبار شوي دفتر تلوين فتاة الفراولة مع الألوان وملصقات والأولاد نفسه سبايدرمان " من 5 دوائر بــ 200 فلس "

وسويت هدايا بعد للصبايا اللي في المدارس والجامعات ... مسابقة يا زعم طبعت بطاقات صغار كلش فيها اسماء وصورتين لحمود اللي يطلع له اسم حمود له هدية وهديتين أكبر يا زعم للي يطلع لهم الصور ... بس عشان محد يزعل كان في هدايا على عدد الجميع واللي طلع لهم اسم غير خليتهم في النهاية ياخذون بطاقة ثانية .. وكانت الهدايا بسيطة طبعاً ميداليات ، كردت أبو دينار إلخ

وطبعاً غير زينة المكان حطيت صور حمود على الرفوف من لما كان صغير لآخر صوره وقتها ، ومن غير ما أعرف اختي سوت بروجكت للصور " لمراحل حمادة " وعرضته على تلفزيون الصالة مع أغنية العيد ميلاد

أنا اللي فرح الصغار أكثر أن الحفلة كانت في حضانة براعم الحسين " بس مو الصبح العصر ومو لأطفال الحضانة ولدي مو في الحضانة " فطبعاً كان في ألعاب ومكان مفتوح يلعبون فيه ... أنتين ممكن تجهزين لهم حجرة ثانية تحطين فيها ألعاب بسيطة ينشغلون فيها

وأخذت الوجبات من الجميع " ما أذكر عدل بس كأن بيتزا + سمبوسة + ورق عنب + لبنة + سندويتش طعمية + سبرنق رول جبن اللي فوقه زعتر والسعر كان للوجبة 525 فلس " وبنت حماي سوت لي مكرونة ، والكيكة من أم حسام فروت أكبر حجم + كاكو أصغر حجم بــ 35 د.ب أو 37 ناسيه .

هذا اللي أذكره وأتمنى اكون افدتش

نسيت بعد :

في أرنوب في الأنوار بدينار اللي وياه صابون وينفخ ويطلع فقاعات بروحه ، هذا ما نستغني عنه في كل العيدميلادات واجد الصغار يفرحون عليه ويعطي جو

وعندنا بعد مكينة الفشار البيتية الصغيرة كلش " أختي ماخذتها من جيان من زمان " كأن بــ 4 ونص " يحبون الأطفال يطالعون الفشار وهو يستوي فيها يستانسون عليه وهو يتقافز خخخخخخ

السلام عليكم

انا سويت عيد ميلاد بنتي الأول الأسبوع الماضي وطبعا غير الزينة والبالونات واغاني الحفلات ...عملت الكيكة رقم واحد بالإنجلش كان لونها أبيض وبعدين زينتها في البيت بالحلاوة (م اند امز) طلعت رووعة
((أحاول أحط صور))
و عملت بطاقات صغيرة مربوطة بدبدوب صغير وزعتها على الحضور وكتبت عليها:
((ذكرى ميلادي ليست عيدي ..حبكم عيدي ونبض وريدي))مع خلفية صورة بنتي وتحت العبارة تاريخ الميلاد..
وعملتلها دفتر يكتبولها فيه كل الحضور ..
وكتبت عليه من برة (اكتبولي دعوة ..أو كلمة حلوة..تفضل مع الزمن ذكرى ..أقراها لما أكبر بكرة)
واشتريت لبنتي كمان لبس الفراشة ..طوق معلق معاه فراشتين وعصاية في نهايتها فراشة وفراشة ورا ضهرها ..كان مرررة حلو عليها ..
وسويت عرض باور بوينت لصور بنوتتي من وقت الولادة الى عمر السنة ...((ممكن يفضل شغال طول الحفل..))

وطبعا لازم جو الحفلات (بخاخات الثلج والأقنعة ..الخ)

وبالنسبة للبوفيه كان كله عمل بيتي ((اذا حابة اعطيكي المنيو بس قوليلي)) كانت أشياء بسيطة وتنفع للصغار والكبار ..

اختي لينة انا عيد ميلاد بنتي بكرة.. ممكن تقوليلي المنيو الي سويتيها

وكمان عيزة اعرف ازاي عملتي الكيكة على شكل نمبر وان.. ممكن تديني مقادير الطريقة والخطوات والطريقة بس بلييز تردي علية ابل نهاية دوامي الساعة 3 لأن معنديش وقت خلاص

كل سنه والعسووله باالف صحه وسلامه

عقبااال 100 سنه ياررب

بس احتي انا مو حاابه انكد فرحتك في بنووتتك الله يخليها لك ,,,

بس احنا في المنتدى هاذا اغلبنا متعلمات وعاارفين ان عيد الميلاد غير جاائز شرعا ,,صح ولالا

انا اقترح عليكي اقتراح من كل قلبي واعتبر بنوتتك زي بنتي ,,,بالفلوس الي راح تحطيها على الحفله ,,,

اعملي شي لبنتك تتذكره طوول عمرها وتستفيد منه حتى بعد مماتها الله يطوول في عمرها ياارب

مثلا ابني مسجد في احد الدول الفقيره واكتبيه بااسمها ,,,اكفلي يتيم بااسم بنتك ,,,

اتقبلي مروري اختي

تحيااتي

**ام يارا**;5818455:
كل سنه والعسووله باالف صحه وسلامه

عقبااال 100 سنه ياررب

بس احتي انا مو حاابه انكد فرحتك في بنووتتك الله يخليها لك ,,,

بس احنا في المنتدى هاذا اغلبنا متعلمات وعاارفين ان عيد الميلاد غير جاائز شرعا ,,صح ولالا

انا اقترح عليكي اقتراح من كل قلبي واعتبر بنوتتك زي بنتي ,,,بالفلوس الي راح تحطيها على الحفله ,,,

اعملي شي لبنتك تتذكره طوول عمرها وتستفيد منه حتى بعد مماتها الله يطوول في عمرها ياارب

مثلا ابني مسجد في احد الدول الفقيره واكتبيه بااسمها ,,,اكفلي يتيم بااسم بنتك ,,,

اتقبلي مروري اختي

تحيااتي

جزاك الله خير كلامك صح 100% بس انا بالنسبة لي ما سويت قعدة مباركة لمن ولدت صارت مشاكل و زوجي لغى الحفلة و لمن طهرته ما سويتت بعد لان هو كان تعبان و انا كنت مريضة فقلت ابي اعوضه بيوم ميلاده بس و الله النية هيه جمعة صديقاتي بمناسبة تخص ولدي لان دايما يعتبون علي

و شكرا لك على التنبيه

هلا خواتي ،، شكرا وما قصرتون ،، عجبتني أفكاركم وااجد ،،

رقم كنت ناوية اسوي لها الكيكة من عند أم حسام لأنها كيكها يجنن بس هي تسوي كيكة على شكل رقم واحد ؟؟

أم يارا ،، إذا بسوي حفلة لبنتي مو حق إني اقلد شي أو أقصد شي معين ،، فكرة عيد الميلاد عندنا إن نجمع الأهل ببعضها والأطفال يلعبون ويستانسون ولا نسرف في ترتيبات الحفلة ولا نسوي شي يغضب رب العالمين ،،
بالعكس تكون جلستنا على أناشيد إسلامية ومسابقات أسئلة ثقافية للأطفال >> هذا اللي معتادة عليه عايلتنا في أعياد ميلاد أولادهم ،، وفطوم ما احتفلنا بولادتها وااجد لأني تعبت وااجد ،، وحابة أعوض ،، وحابة أخلي فطوم تستانس ،، مع احترامي لآرائكم ،،

وشكرا على ردودكم الحلوة ،،

ان شاء الله لي رجعة لاني ارتب لولدي صح ما بسويله حفله بس مرتبة هدايا الاطفال اخر هلاسبوع يوم ميلادة بصور كلشي

اختي ام فااطمه ...صدقيني انا والله العظيم حااسه فيكي انو تبغي تعووضي بنتك وتفرحيها ,,,

حتى انا نفسي اسووي عيد ميلاد لبنتي ,,,بس انا عاارفه انو ماايجوز عشان كذا فكرة انو اوول ماتدخل الروضه

هاعمل لها حفله كبيره ,,,وحعزم كل اهلي وحبايبي ,,,ان شاء الله ياارب

وحااخذ افكار الحفله من عندك ممكن ؟؟؟

هلا أختي أم فطومه الحلوه أولشي مبروك مقدماً على فطوم
مثلاً تشترين ألعاب للأطفال حلوه أو تسوين أشياء وتخلين صورة فطوم وتجيبين زلحانيه وهالسوالف وتجيبين الحمار الصغير (البوني) على ماأظن أو تسوين بركة سباحه حلو بعد وتسوين العيد ميلاد في البركة ومسابقات وأشياء جذي
هاي فكرتي