مشكلة صغيـــرة

مرحبااااااا

شلونكم يا بنات عروووس

انا والله ترددت قبل لا احط هالموضوع بس اتشجعت لما شفت انه كل وحدة عندها مشكلة تجي اهني وتفضفض وانتو ما شاء الله عليم تبدون النصايح وتقدموها للي يحتاجها

فابي تعطوني لو شوي من نصايحكم ..

انا عندي مشكلة صغيرة او بالاحرى ما تتسمى مشكلة بس هي افكار توديني وتجيبني وماعرف شلون اشيلها من بالي وكل بين فترة افكر فيها ..

المهم سالفتي تتلخص اني طالبة وادرس بالكلية وباقي لي تقريبا سنة واخلص دراستي واتوظف ,, قبل كم شهر تعرفت على شاب بالمستشفى كان حزتها انا تدريب عملي عندي بالمستشفى وهو كان راقد بالمستشفى ..

المهم من اول يوم شافني فيه انعجب فيني وثاني يوم كلمني وقال وده يخطبني انا اهني انصدمت لانه وقتها ماكنت افكر بالزواج المهم قلت افكر وارد لك خبر ,, خبرت امي بالموضوع و انا فكرت ومادري شلون بسرعة صارت الموافقة عليه يعني وافقت عليه ..

المهم جه تقدم وتمت الموافقة وخطبني وملكنا وسوينا حفلة وكل شي وهذا كان قبل كم شهر ..

بعد الخطوبة حسيت نفسي اني تسرعت بالموافقة ومرات وايد افكر انفصل عنه ومابيه من غير اسباب مقنعة بس لانه افكر انه هو اقل مني مستوى يعني هو مو مكمل دراسته حده لثنوية غيره انه هو مريض مصاب بالسكلر (فقر الدم المنجلي) وغيره انه وظيفته على قده وراتبه على قده ..

بس والله وربي يشهد من خذاني ليومكم هذا وهو مغرقني حب وحنان يمووت فيني ويسوي المستحيل عشاني واي شي ابيه يسويه لي ويجيبه لي حتى لو كان غالي هذا غير انه اشوف من ارتبطنا وهو قاعد يتغير ويغير من نفسه بس عشاني يعني قاعد يطور من نفسه ووعدني انه يكمل دراسته وقريب بيكملها غير انه يدور له وظيفة احسن من الي هو فيها وبراتب احسن ..

ساعات احس نفسي جاهلة ومافكر الا بالمظاهر اذا فكرت جدي ,,و للعلم انا كل يوم احبه اكثر من الي قبله وا اموووت فيه والله بس مادري احس نفسي غبية ..

انتو شرايكم والله ماعرف شسوي افكار توديني وتجيبني ..