بنات البحريــن !( عبايه)
قد أكون أميرته !
22-04-2008
30 رد
4,469 مشاهدة
ق
قد أكون أميرته !
عروس جديدة
22-04-2008 | 11:53 PM
سلام عليكم ،،
شلونكم يا شعب البحرين الأبي :shiny:
بنوتــــــــــات
حدني محتارة ..
آبي آسوي لي عبايـة ومو عارفة شلون آسويها .. :schmoll::schmoll:
و إذا أحد يعرف أماكن تسوي مرتب وأسعارها تكون معقولة ..
:
.
فديتكم لا تطنشوني :BYE2: ..
عندج بالنسبة للاسعار المناسبة في حدود 40 الى 60
محل اسمه ريمية في المحرق ..
ت
تراجي ام الزين كله
عروس ماسية
23-04-2008 | 12:07 AM
هلا وغلا حبيبتي
اذا تبين اسعار بحدود 45 واكثر او اقل شوي
عندج سوق محرق من بدايته لي نهايته كلشي حلو بهالحدود والحين طحت على ذوق الاميرات يم بيطار المحرق شفت شغله عنده حلوه والحين دارجه لحد الان موضه يد علاء الدين وتلقينها مرتبه عند الجزيره
واذا الاسعار فوق تبينها بحدود محرق خبرج ماعدي هههههه
شيلاتي
الجنادريه
لمسه نور
عباياتي
اخر عبايه
الخدر
كرستال
آنه بعد واللي يعافيكم .. امبي افصل لييي للجامعه
امبي موديلات جديدة .. وتكون قريبة من المدينة و مدينة حمد
هلا بحبايبنا البحرينين فديتكم واالله
انا جهاز عرسي كان من عندكم تقريبا كل شي
واشتريت لي عبايات حلوووه من المحرق ومثل ما قالت الاخت الموضه دارجه اكمام علاد الدين ونقشه الورد بالمخمل وكرستال
وبعد حصلت في مدينه عيسى
اول محل من تدخلي لفه مكان العبايات فيه حرمه وهندي وهو كبير شوي حصلت ستايل الفراشه بس شكلها غريب وتطريز واجد ناعم وشيل حلوه ملونه
وبعد في السيف مووول
محل اسمه زمزم ولا شو ما اذكر المهم في حرمتين والمحل فخامته ملكيه وحتى تفصيلات الدفاف ملكيه شريت من عندهم عبايه من دون شيله بس غاااااااااااااااااااااالي لكن العبايات اللي عندهم شي شي شي شي مو طبيعي غير عن اللي تشوفينه
واتمنى افدتك وما كنت ثقيله الدم
الله يسعدك يارب
هلا اختي ...... اانا توني يوم الجمعه مفصله لي عبايه من محل اسمه القنديل في المحرق .. صوب سوق الذهب واذا تبين ادليج اياه انا حاضره ... سويت لي اليد تكون وسييييعه وايد وصاير في اليد تطريز بالذهبي بس مبطط يعني فيه فتحااات ووعليهم سوارافسكي حلوووه وراقيخ وناعمه وانا في المحل ماشااءلله تبارك الله ماااا يخلى من الزباين واوا مايدشون سيده يقلبوون فيهااا هههه والاسعااار وااااااايد مناسبه ... سواها لي 38 دينار بس مني ومناك رضى ب 35 ديناااار ..
أ
أم سلمان الحلو
عروس مبدعة
23-04-2008 | 11:50 AM
سلام .. أنا أحب دنيا إللي في الرفاع .. أسعاره معقولة و موديلاته حلوة و بسيطة و خياطهم مرتب
أختي عالية المقام إذا ماعليج أمر
توصفين ليي المحل وباين عليهاا من الشرح حلوة ..وسعرهاا معقول
ق
قد أكون أميرته !
عروس جديدة
23-04-2008 | 04:09 PM
سكر محلي
الترجية
مسك وعود
فديتكم حبايبي .. تسلمون ما تقصرون بس المحرق وايد بعيدة عني :schmoll:
ملاك الروح ،،
خيتو تقصدين مدينة عيسى يعني أو مدينة حمد
آنه مدينة عيسى تمام بيكون جريب حقي
فرحت البارحة افتريت في جد علي
ما ظل محل عبايات ما دخلته .. وما عجبني شي :tears:
قالوا لي عن دار العرب يصير يم مدخل سترة .. ما أدري أحد جربه ولا سمع عنه ! :icon9:
عالية المقام ..
أهلين بأهل المحرق :shiny:
كلكم من المحرق ما شاء الله شكلكم بتخلوني آطقها درب ليهناك :icon9:
أغريتيني باللي قلتيه .. على وصفج للعباية والله السعر تمام
اهو آنه ميح في شوارع المحرق .. يعني آدل شوي بس ما أعرف سوق المحرق يندخل من أي لفة
عموماً مثل ما قالت ملاك الروح إذا أمكن تشرحين لنا الدرب (a)
أم سلمان الحلو
تسلمين حبيبتي .. الرفاع موب بعيدة وايد عنا .. شكلي باجوف باخذ لي فرة على هناك :wink:
اختي الغاليه ....
في محل عباياته وايد حلوه وراقيه وايد وايد اسمه عبايات الهوانم في مدينة عيسى بتحصلينه يم مطعم محمد نور ,,,,, واسعاره معقوله ,, بصراحه انه فصلت لي عبايه عندهم خياطتهم وايد روعه واسعارهم 35 -40 -45 دينار
ب
بحرينيه وكلي فخر
عروس برونزية
07-05-2008 | 11:02 PM
انه افصل في محل عبايات في الخارطه
تطوفين عليه قبل طازج وماكذونالز ويم يم تري اذا كنتى يايه من عند المدينه يصير بعد الانوار
اسمه عبايات الفيروزه
عباياتهم عجيبه واسعاره على 50 و60 و70 و80 وطالع بس روعه عباياتهم انه سويت لي من فتره عندهم عبايه اب 70 دينار
وعندج عبايات الخدر بسوق واقف مدينه حمد عباياتهم روعه ونفس الشي العبايات الحلوه اسعارها 50 واكثر عندهم وعباياتها فخمه توصل لين 120
وعندج عبايات بعراد اسمه حلاتى فى عباتى يصير عند محطه بترول عراد عباياتها حلوه على 60 و70 واكثر بس روعه
وعندج عبايات السديم بالمحرق عندهم اشكال غريبه وحلوه اسعارهم بين 60 الى 100 وحلويييييين
وعندج عبايات المتحجبه بمجمع البحرين خياط مرتب ومضبوط 100% بس اسعارهم غاليه وايد ماكو عبايه اقل من 80 دينار وطالع لين 100 و200 دينار
وعندج الجوهره السوداء بمجمع الؤلؤ عندهم عبايات حلوه والحلوين اسعارهم بين 50 الى 90 دينار
خواتي ابغي استفسر عن احلى محلات العبايات بالبحرين يمدحون محلات الجزيرة وشيلاتي وايد عندكم ارقام هالمحلات خواتي ابغي احلى محلات تفصل عبايات بالبحرين:)
انا دفافي اغلبهم عند شيلاتي بس اللي اسويهم عندها ما البسهم وايد اكثر شي حق مناسبات
ومره سويت عند المتحجبه بس كلش غاليه
و القنديل حق حق الشغل اسوي لي لانه دفافه حلوه ورخيصه بنفس الوقت
واخر دفه عند ريميه واايد فن وحلووه جنها جلابيه
حدها راقيه سواها لي ب 55 بس اللي يجوفها يقول اغلى
وكانت اخر وحده بالمحل اما لباقي ما عجبوني
اختكم
بحرينيه
بصراحة احس احلى العبايات عبايات المحرق روعه جنان ما اعتقد في محلات احلى من المحلات الي في المحرق
بصراحه عبي المحرق لا يعلى عليها احسها احلى العبي وما في احلى عنها بصراحه وعلشان جذي اسئل عن طريقه التوصيل اذا فصلت عندهم
شنو آخر موضة للعبايات اللحين .. لأني من فترة بسيطة سويت ليي ذيي التطريز وحطوا ليي عليه مخمل وكان حلو بس حسيته وايد ثجيل في اللبس .. واللحين تعرفون صيف وحسيته يضايقني وايد في الجامعه وساعات ماعرف أكتب فييه
فإذا ماعليكم أمر .. أمبي موديل بسيط .. ويناسب الجامعه .. وعطوني بعد إسم المحل
بنات البحرين تقدرون تيبون لي ارقام محلات الجزيرة وشيلاتي وقنديل لمسة نور خواتي
أ
أم سلمان الحلو
عروس مبدعة
11-05-2008 | 01:45 PM
سلام ..
ملاك الروح كأني أشوف حالياً يسوون وايد التطريز إللي يكون فيه تخريم في النص .. إن شاء الله فهمتي قصدي .. إذا حق الجامعة بيكون وايد عملي و مناسب بإذن الله
هلا بنات شلونكم
صراحة احسن سوق سوق المحرق للعبايات تلاقين كل شي
فيه محلات وايد حلوه وحق المناسبات الكشخه مثل شيلاتي
بس هالمره انه طحت على محل يم مخبز دلمون تقريبا من بعد الدوار اسمه عبايات حلا
تطريزه وااااااااااااااااايد حلو واسعاره احلا ولانه المحل صاير بعيد شوي عن السوق من جذي اسعاره ارخص
بس كلش مرتب
سويت عنده موديل علاء الدين وفيه تطريز ورد بنفسجي واصفر
ب
بنت البدووووووو
عروس نشيطة
15-09-2008 | 12:14 AM
بنات البحرين حبيباتي :
ياريت تفيدونا أكثر عن محلاتكم واللي تسوي الشي الغريب وخصوصا للعيد ..
أنا مايهمني السعر أبي عباياتي تكون غريبه وحلوة وكشششششششششخه هذا أهم شي ..
أنا من قطر وابي شي راقي ..لاني ناويه أجيكم بإذن واحد أحد ..
والمشكلة أشوف مناطقكم بعيده عن بعض ..
اتمنى تعطونا اسماء المحلات وأين تقع .؟؟