مليت ساعدوني

ربي يهديه ويتوب عليه من هالشيشة لا أختي ماانصحك تخلينه يروح مع أصحابه يشيش استعيني بالله سبحانه وتعالى والدعاء له دائماً ان ربي يتوب عليه منها ولابد مايجي يوم ويتركها ان شاء الله صدقيني فيه ناس كانوا يشيشون وربي هداهم وتركوها سبحان الله

الله يعينك

ما انصحك تتركيه

فهميه انك تخافي عليه موماتبغي الشيشه عشان ريحتها

هذا الي في بالي ان شاء الله البنات يفيدوكي

تقبلي مروري

عيون الفهد

الريال صعب عليه يودر هالسم .. سواء كان شيشه او زكاره او مدواخ ..

الله يعينج ..

اختي

لاتخلـين هذا الموضوع يفرق بينكم

يعنـي بالتفااهم تنحل الأموور

قولي له عشان صحتك

واذا تحبنـي اتركها عشاني

بس لاتخلين هذا الموضوع يأثر على علاقتكم

اولا ياختي هل زوجك يريد ان يتركها ولايستطيع في هذه الحاله امره اهون من اذا كان غير مقتنع بتركها ففي الحاله الاولى استعيني بالله وابدئ الامر ليس سهلا لكن مع العزم سيتيسر امرك بعون الله بالاستغفار فما اصابنا هم الا بمعصيه وبالدعاء ومحاوله تعويضه ببديل(((w) يقال ان عصير الطماطم يساعد على ترك الدخان فحاولي)) اوبالاستعانه بمن يقدرهم ويقدر ارائهم الرجال صعبي التفكير اعانك الله واحتسبي الاجر دعواتكم بالشفاء:15::15::15:

الغاليه ماشوف في داعي إنج اتسوين مشاكل سبت الشيشه.. انتي بيني إنج اتخافين على صحته بس لاتزعلينه ..حرام عليج اتخربين حياتج عشان شي تافه..صدقيني وخذيها نصيحه مني اذا اليوم ضاربتيه سبت الشيشه باجر بيتعود على زعلج...انتي كلميه بهداوه وسويله ليلة رومانسيه وحاولي انج اتناقشينه وقوليله انج اتخافين على صحته مب اكثر.. ترا العناد ما يحل المشاكل إلا يزيدها..وربي يهنيكم ويخليكم لبعض :)

حبيبتي لا تستعجلين
بكره بس تحملين الدكتوره بتمنعه يشيش بالبيت وشوي شوي بيتركها
او على الاقل يخصص له مكان مفتوح في البيت يشيش فيه
ونص شبابنا يدخنون ويشيشون يعني يطلقون حريمهم؟
حاولي تصغرين المشكله وبترتاحين والله هونيها وتهون
تحياتي

الله يعينك على ريحتها

انا اشوف ان يبيله فتره على ماتقتعيته ولازم يكون هو يبي يتركها وعنده عزيمه

عايشه مع زوجي سنين وهو يشيش وتعبت معاه وماشي فايده وتصدقين انه مرض وقال بخفف علشان أتركه ولين ألحين ما تركه قال انتي مالك شغل يوم بتركه من نفسي مو انتي تقوليلى فأنا صابره وأدعيله الله يهديه فلا تضيعين حياتك الزوجيه علشان هذا السبب لو كل مره تركت زوجها علشان هذا السبب بتخرب البيوت الله يهديهم ان شاء الله يارب

الدعاء ثم الدعاء ثم الدعاء ...

مشكوره يالغاليات على مروركم
الله يعطيكم العافيه
وانا أقول مافي حل الا الدعاء

أول شي السلاااااااااااااااااااااام على كل الموجودين
ثاني شي شلونكم شخباركم وشمسوين انشالله بخير وبصحه وعافيه ودوووووووووووم يارب
ثالث شي واهو اني بزف صاحبة الموضوع حبيبتي اعتبريني اختج وتبي مصلحتج لا تزعلين مني حبيبتي
انا لمن قريت رأس الموضوع حسبت انها مشكله كبيره وبليييييز (لا تفهمين كلامي تقليل من كلامج او تجاهل لمشكلتج لا حشى والله)
بس أنا اقصد انه شي مثل اللي قلتيه ما أحس انه يستاهل انج تخلقين مشكله ومعاتب مع زوجج
لأن اذا لهالشي بتزعلين منه بجذي بتعودينه عالزعل وبياخذها عاده وبتصير حياتكم رخيصه بنظره ورضاج أسهل وأرخص
فتوقعي اذا كان بسوي شي أكبر من الشيشه ماراح يحاتي زعلج لانه متعود عالزعل والمراضات
حبيبتي شي مثل هالشي صدقيني ما يضر ومايسوى أصلن تزعلين عليه
لأن مع الوقت اهو راح يمل ويقطع
وخاصه راح تشوفين هالشي لمن تحملين انشالله
وبكل مراجعة دكتور خليه معاج عشان يسمع بأذونه انه الدخان مضر لج وللجنين وبجذي شوي شوي بيقطع والله انشالله يفرحج ويريح بالج وسوري اذا كان كلامي في شي ضايقج
بس انتي طلبتي مساعده والمساعده من غير مجامله وهذا رأيي

والله ياختي حالج حالي

انا خطيبي بعد يدخن سيجارة وانا حاولت معاه من ارتبطنا يتركها وهو وعدني يقطعها بس قام يخفف شوي شوي مايشرب وايد لين يقطعها ..

الحين قام ترك السيجاير وراح للشيشة كبديل للسيجارة وارد الحين اقنع فيه عشان يترك التدخين وهو يبي يتركهم بس مايقدر مرة وحدة شوي شوي ..

فحبيبتي اذا هو يبي يقطعها ووعدج بهالشي لا تحنين عليه وايد لانه صعب الريال يترك الدخان بالاخص اذا كان وايد يدخن ..

يعني شوي شوي يخفف الدخان الين يقطع نهائي ..

وفي طريقة انا قريتها بالنت تخلي المدخن يقطع التدخين ويكره شي اسمه تدخين و مايقرب صوبه كلش ..

الا وهي في اعشاب تبناع اعتقد عند الحواج تاخذينها تغلينها وبعدين تخلين ريلج يدخنها مثل كأنه قاعد يدخت شيشة بس هو قاعد يستنشق بخار هالاعشاب لمدة 10 ايام كل يوم مرة ..

خلال هالايام بتشوفين كله يطلع من بلعومه وصخ بلغم طبعا مايكون البلغم العادي لا يكون لونه ابيض اسود يعني ملون .. لاتخافين هذا كله عبارة عن الوصخ قاعد يطلع من صدره لانه صدره يتنظف بهالطريقة ..

وعقب 10 ايام راح يتخلص من الوصخ كامل وبيرجع مثل ما امه ولدتته ولا كأنه بعمره دخن ..

والطريقة الثانية بدل ماتغلين اعشاب اخذي ماي وحليب ,, واغليهم كل واحد بروحه واخذي الشيشة وحطي فيها الماي المغلي وشيليه على طول وردي حطي الحليب المغلي فيها راح يختلط بخار الماي مع بخار الحليب خلي ريلج يدخنهم يعني يستنشقهم من الشيشة << جنه قاعد يشيش ..

فهمتي علي .. انا زمان قلت بطبق هالطريقة لخطيبي حتى هو قال لي سويها عشان يتخلص من التدخين بس لحين ماسويتها ..

لازم يقتنع انه هالشي يضر ويأذي صحته وفلوسه

الله يهديه

عزيزتي

الله يهديه ويسخره لك

انا بقولك،، لما يروح للشيشه،، حاولي تجهزين له حمام بعد الشيشه وملابس جديده،، علشان بهالشكل ما تتأثرين وبالتالي تتعبين من الريحه

اما اذا هو يشيش في البيت،، فحاولي إنك تقنعيه كل ما يبي يشيش يروح الشيشه

الله يهديهم ما ادري شسالفتهم مع الشيشه

موفقه عزيزتي

حبيبتي لا تستعجلين
بكره بس تحملين الدكتوره بتمنعه يشيش بالبيت وشوي شوي بيتركها
او على الاقل يخصص له مكان مفتوح في البيت يشيش فيه
ونص شبابنا يدخنون ويشيشون يعني يطلقون حريمهم؟
حاولي تصغرين المشكله وبترتاحين والله هونيها وتهون
تحياتي
كلاااااااااااااااااااااااااااام اختي دلوعه حناني صووووووووووووح

شوفي اكبر غلط اتسويه الحرمه انها تحاول تغير الريال اتقبليه

و اذا يسوي شي يضايقج قوليله ان هالشي يضايقني بس لا تقولين له يغيره لانه يعاند و ما بيغيره

و اذا انتي مريضه و الشيشه تاثر عليج قوليله ما يشيش بالبيت و يتسبح قبل لا يقرب منج


بس لما اتقولين له هالاشياء لازم تكونين في قمة الرومنسيه و الدلع لانه يتقبل منج اي شي في هالحاله

[FONT="Ari]al"]:confused:[/FONT

تكفون تساعدوني انا مليت من طريقة الحياة الي انا عايشتة طول وقتي في البيت ماعندي صديقات نتزاور ولا جيران بس عندي اهل زوجي بس ومليت من طريقتهم بس حياتهم نوم واهلي موعندي في منطقة تبعد 700كيلو عنا مادري وش اسوي ذبحتن الوحدة وزيادة عندي ولد عمرة سنة دايم يبين قدامة وزوجي مايقعد بالبيت حاولت اوفرلة الجو المناسب لكن مافية فايدة دايم بالاستراحة مع اصدقاءة ويسهر باليل مايجي الا متأخر علشان ينام انا تعبت اتكلمت معاة اكثر من مرة لكن بدون جدوى

ام القبون اي شي تجربينه مع الزوج يباله فتره عشان تبين اثاره و الرجال يبالهم صبر لا تدخلين معاه في

جدال عقيم ابدا يحبون الدلوعه الناعمه و الكلام الحلو حتى و انتي في اشد حالات الغضب تعاتبين بدلع

صدقيني بيتغير بس اصبري عليه