البلغم والامساك عند الرضيع ؟؟؟

حبيبتي الحمدلله على سلامتك اولا ثانيا الامساك اعرف وحده كان عندها طفل كبر ولدك وعنده امساك حاد وكان عنده مراجعات فالمستشفى عشان الامساك المهم قامت واخذت صابونة لوكس حقت اليد وبشرتها بالمبشرة واخذت قطعة منها ودخلتها زي التحميلة تحلف بالله انه من وقتها تبرز براز كثير (اكرمك الله) وكنسلت مراجعاته في المستشفى بس شوفي حبيبتي انكانك ترضعين طبيعي بس ترى طبيعي يطول مايتبرز اي خدمة انا مستعدة

الله يسلمج حبيبتي

ايوه ارضعه طبيعي وهل مده 4 ايام طبيعيه ؟؟

بالنسبه للصابونه كلامك صحيح صديقتي تسوي هاي الحركه بس مع صابونه لايف بوي الحمرا :)

بس خايفه اجربها ..

هلا دايموند الله يشفي ولدج

قريت من فترة للاخت روكر باك تجمع امهات قطر تعرف طريقه للبلغم اسئليها

وعن امساك سوي ماي منقوع بتمر استمري عليه 3ايام ورا بعض وشوفي نتيجه

وطمنينااا

دلكي له بطنه بزيت سمسم عشان تشجعي حركة الأمعاء الغليظة .. و كذلك أسفل ظهره و فتحة الدبر ..

و اعطيه ملعقة صغيرة من هذا الزيت

اذا ما نفع ..

و بدل ما تستخدمي الصابون ..

جيبي ملفوفة .. من عند الراس جيبي سكينه و سوي شكل مخروطي لداخل الملفوفة بحيث يكون الراس هو الممسك والمخروط في الجهة الأخرى ..

وبعدين دخليه بشويش في فتحة دبر الطفل .. وراعي ما تخلي الطرف نحيف و مدبب خوفا من ينكسر في الداخل

حاولي تقللي من مسببات الامساك في أكلك ( اذا ترضعيه طبيعي ) و كلي تمر و عسل و ألياف

و ممكن يكون السبب من الحليب الصناعي ..

أما البلغم ( اذا كان بلغم ) فأفضل علاج له انك تمتنعي عن أي شي فيه منتجات حيوانية .. خصوصا الحليب و مشتقاته .. لأنها تساعد على تكون المواد المخاطية داخل الجسم .. و كمان دوري على جذور مجففة اسمها لوتس اغليها و اشربيها .. و سوي له في الرضاعة ماء دافي وشوية عسل طبيعي و شربيه كويس كمان للامساك

أسأل الله العظيم رب العرش العظيم أن يشفي طفلك

جزاكم الله خير ماقصرتوا

وزين قلتي لياوقف عن الحليب لاني اشربه اناارضعه طبيعي

وبخصوص الامساك وديته المسشفى وعطوني تحميله جليسرين والحمدلله تسهلت الامور

انا بنتي نفس عمر ولدك ثلاث اسابيع
وتعبت معاها من الامساك ومسكينه البنت تصيح بقوه وانا اصييح عليها ومعالامساك ينزل دم من تحت وقت خروج البراز لانه قوي جدا
سويت تحميله جلسرين ولا فادت تخرج مثل ماهي
وسويت مساج بالزيت ولا فاد بس تصيح
بالاخر عطيتها حليب صناعي مثل بيبلاك و سيميلاك خالي الدسم لان الحليب لو كان دسم يسوي امساك واعتقد ان حليب صدرك دسم فاعطيه حليب صناعي شوي وصدرك شوي
يعني رضعه حليب صناعي سيميلاك ورضعه خليه يرضع من صدرك انا كدا قالت لي الطبيبه والحمدلله بطنها احسن كثير
ولا تنسين شاي ميلوبا مع ماء غريب
لا تنسيني من دعائك ربي يخليلي بنتي

والله كانت نفس مشكلتى مع ابنى وذهبت به لكذا طبيب وكان عنده بلغم كنت بدفى صدره واعطيه العلاج اما الامساك قلولى على الصابون بصراحه لم استعمله واستعملت له اعواد منظف الاذن وبللت القطن بزيت الزيتون وكنت بدخله فى دبره بشويش واكرر ذلك يمكن خمس مرات مع ملين لى وبيروح له مع الرضاعة والحمد لله

الله يشفيه ويعافيه يا رب

اختي .. احسن شي خذيه للطبيب .. انا لما يصير مع بنتي امساك اعطيها يانسون و شويييييييه سكر ..
و الله يسهلها ..

انا ابنى حصله كده

ظل ست ايام بدون تبلرز واعطيته تحملية جلسرين تبرز بعدها ثم استمر ست ايام اخرى

ذهبت للطبيب قال ان حليبي غير كافي له وانه لا يتبرز لانه لا يشبع وكتبلي حليب صناعي

سلامته الغاليه بالنسبه للبلغم اشتريله مذيب مال البلغم من الصيدليه وسويله تمارين اطلعين البلغ الموجود عن طريق ضرب القفص الصدري بخفه بعد تقويس راحت اليد اما الامساك اما نعناع فرش اتفورينه في ماي وتحطين فيه سكر نبات وتشربينه اياه بعد ما يدفئ او الزبيب اغسليه ونقعيه في كلاس ماي من فليل والصبح شربيه اياه ومن غير الزبيب ايساعد على نمو ذكاء الطفل