السلام عليكم ورحمة الله وبركاته
كيفكم يا كروشات ان شاء الله بخير
صراحة راسي دايخ من كثر التفكير في تجهيزات البيبي أخاف بعد ما أولد أنصدم في الأشياء
إلي ماخذتها أخاف إنها ماتكفي ،، من ناحية التجهيزات بشكل عام ما شاء الله في مواضيع وايد
عن الأغراض إلي بيحتاجها البيبي بس عدد كل شيء هو أساس مشكلتي ما أعرف كم أوفرول آخذ
كم لفة آخذ و الأغراض الباقية أخاف أخذ وايد ويصغرن على البيبي أو آخذ اشوي و ما بعرف
أطلع إلين أخلص الأربعين . ياريت ياكروشات اتساعدوني في عدد كل غرض راح يحتاجه البيبي
في فترة النفاس.
يا عروسات ردوا علييه والله اني محتارة و مابقى وقت على والولادة
أصلا ظروفي ما تسمح اني أطلع أكثر من مرة في الأسبوع
حرام لا تطنشوني :(
هلا والله نبع منورة حبيبي
انا شريت من كل شي 6 بصراحه لان الياهل يكبر بسرعة وتكدرين بعدها تشتريله
اوفراول 6 - تبانات 6 - مهادات 6 -
واذا تحبين تشتريله قمصان النوم 6 وايد مريحة للطفل انا شريتهم من كريمي اللي في السوق القديم في الشارقة عند عطورات الحرمين والعربية السويسرية
انا بصراحه استخدمهم وايد وحتى بعيالي من قبل
ويارب يسهل علج وعلينا ونكوم بالسلامة انشالله
(f)(f)(f)(f)(f)
[FRAME="13 70"]مرحبا حبوبه
اولا الله يقومك بالسلامه يارب ... انا ما عندي خبره هذا اول حمل لي انا بعد بس الي اعرفه بكتبه عشان افيدك
انا الاهل خبروني انى ما اتشرى اغراض كثيره فتره الاربعين لان البيبي يكبر بسرعه والحمدلله
بالنسبه لعدد الاغراض ملابس البيبي من الاوفرول خذي مثلا 5 ويكون مقاس من 3 الي 6 اشهر دايما خذي مقاسات لعمر اكبر
من 0 الى 3 خذي حوالى 6
ومن 3 الي 6 خذي مجموعه اكثر بشويه
اتمنى الاخوات العزيزات يفيدوني انا بعد
بالنسبه لاستقبال المعازيم لازم تكوني جاهزه من كل شى يا حبوبه اذا في شى تحبي اساعدك فيه او فيدك انا حاضره
تحياتي لك
ثريا[/FRAME]
[GLOW="CCCC00"]اختي ابد لاتاخذين اشياء كثير ابد خذي الاشياء اللي تكفيك لفترة النفاس لان الطفل ماشاء الله يكبر لاتكثرين ملابس واذا ان شاء الله ولدتي بالسلامه وقربتي تطلعين من الاربعين اشتري لان يكون الطفل استصح وعرفتي حجمه كذا افضل[/GLOW]
هلا خواتي والله مستانسه بردودكم و فزعتكم لي
أختي لين
مشكورة حبيبتي شكلي بسير عند كريمي لأني بصراحة بولد في الصيف
والجو حار و لازم ملابس البيبي تكون خفيفة ومافي أخف من السبابيح حق البيبي
ربينا فيهم مشكورة الغالية
أختي
أنا لما فكرة آخذ 6 من الاوفرول قالولي لا تكثرين الجو حار و ان شاء الله يم بتطلعين من
الأربعين خذي بس أحس ان لو آخذ من الحين أحسن شكلي باخذ بعد 6 أوفرولات زيادة
بالنسبة للتوزيعات أفكر آخذ من بيت الشوكولاته توزيعاتهم جاهزة وحلوة و طبعا أي شي
مال اليهال دايما يطلع حلو و كيوت وإذا عندج أفكار خبريني (( ومنكم نستفيد))
مشكورة حبيبتي
أختي ركايز
صحيح كلامج وهذا إلي قالولي أسويه في البداية بس كان العدد مشكلتي يعني وايد كم يكون
وشوي كم يكون
مشكورة الغالية
أختي نبع الله يقومج بالسلامة يارب..
من خبرتي بقولج .. شوفي تشترين 6 قماضات من إلي ينمضون عدل لما تلفينه ..
وتشترين بعد 6 نيوبورن دبدوب...وإذا حبيتي فيه نفسه قماضات"لفات" يعني كل بدلة دبدوب له طقم قماض..
وللنوم أحسن للبيبي الدبدوب علشان برد المكيف ..
و3 بدلات دبدوب من 0 ل3
وإذا تبين بدلتين أو 3 بدلات دلع 0 ل3
وتحتاجين ملابس داخلية 6 "الأفضل تاخذين إلي فيها فصم للبامبرز""
ورضعة صغيرة جدا للماي أو الأعشاب ..
ورضعة متوسطة للحليب إذا بتعطينه مرة في اليوم
والرضعات الأفضل تكون بلاستيك موش زجاج علشان ما تثقل عليه..
وطبعا البودرة ""إذ بنت لاتحطين لها بودرة أبدا في منطقة الحفاظ خطر"" وللولد عادي...
والشامبو .. وسائل الإستحمام .. وزيت ..للتدليك كل ليلة.. قبل النوم..مقص أظافر.. مشط هههه لازم يتمشط بعد
كريم الجسم..لبعد الحمام..
البااااااااامبرز.. قطن للتنظيف .. ولا تستخدمين وااايد المناديل المبللة إلا للسيارة..
وإذا تذكرت شي بقول لج ..
ها ممكن تشترين بعد شفاطة الحليب .. إذا تبين ..أنا اشتريتها لأن استخدمتها
وإن شاء الله أكون افدتج
مشكورة أختي حروف القلب
والله انج افدتيني من الخاطر ألحين بشيك على الأغراض إلي عندي وبقارن بالي كتبتيه
:eek:على فكرة أول مرة أعرف سالفة البودرة لأني فعلا كنت محتارة و مب عارفة شو البودرة إلي
أستخدمها خصوصا بعد ما انتشر انه منتجات جونسون مب زينة معأني شريت العلبة إلي يحطون
فيها البودرة.
طيب بغيت أعرف من وين آخذ طقم مقلم الأظافر و المشط و المقص و الأغراض إلي وياها
نبع الإبداع;5808208:
مشكورة أختي حروف القلب
والله انج افدتيني من الخاطر ألحين بشيك على الأغراض إلي عندي وبقارن بالي كتبتيه
:eek:على فكرة أول مرة أعرف سالفة البودرة لأني فعلا كنت محتارة و مب عارفة شو البودرة إلي
أستخدمها خصوصا بعد ما انتشر انه منتجات جونسون مب زينة معأني شريت العلبة إلي يحطون
فيها البودرة.
طيب بغيت أعرف من وين آخذ طقم مقلم الأظافر و المشط و المقص و الأغراض إلي وياها
أول حبيت أقولج العلبه ألي فيها مقلم الأظافر والمقص وميزان حرارة الطفل والمقص ....أخ بتحصلينه في اللبيبي شوب , وأشياء وايد حلوه عندهم.فيه منها الحجم الكبير وفي منها الحجم الصغير
:9_28:ألحين بقولج شو ألي شريته :
1-فنايل داخليه ألي بدون كم ولي أكمامها قصيره أتعرفين بينا الصيف أومابنحتاج حق الي يدهم طويله
2-جلابيات مع المهاد عاد خذتهم من نايف المسكين عليهم صور شخصيات الفريج, وشكال ثانيه يعني عددهم 7.
3-البس الكامل ( أعتقد أسمونها عفريته) أللي تسكر من تحت أسهل لتبديل البامبرز تقريبا 6من 0-3والباقي من3-6بعدمب وايد لأنه اكيد بعدين بتنزل تشكيله
جديده للصيف شريتهم قطنيات لأنه في الليل هوا المكيف بارد على الياهل .
4-قحفيه قطن ودلاغ قطن تقريبا 3أهم شي حق المستشفى
5-ملابس للخروج تقريبا 4أوبعد اللبسه الكامله في منهم ينفعون حق الطلعه غير عن ملابس الطلعه.
6-مدسه للبيبي 3طقم مع المفرش الي يوضع عليه البيبي لتغير البمبرز .
7-برنوص واحد للضروره +لحافين أصغار + طقمين لسرير البيبي لأنه أذا أتوصخ واحد أكون عندي الثاني أحتياط.
مع واحد من هالأطقم خذت نفس الشكل شنطه صغيره ومثل السله يحمل فيه الطفل .
8-شنطه كبيره أوشنطه وسط.
9-كبت خاص للطفل يوضع في الغرفه .توضع عليه غلايت الماي والدله الخاصه للبيبي والحليب والمراضيع وفي داخله البامبرز والقطن ولوازم السباحه بس الأفضل وضع الأغراض الخاصه لستحمام البيبي في سله خاصه مثل الشامبو وصابمن الجسم والليفه والمحفظه صغيره اللي فيها مقلم الأظافر والمقص والمشط بشرط أكون ناعم ثم توضع السله في الكبت وقطن لتنظيف السر وقطن عادي للغسيل المناطق الحساسه بس أنصحج لانستعملين البودر لأنه أحيانن جسم الطفل مايستحمل البودره بس إذا أحتجتي أستعملي الفازلين بس خفيف
10_سله لملابس الغسيل
11-مرضاعتين صغار أو وحده كبيره زجاج لأن البلاستك فيها ماده ضاره للطفل أضع فيها الماي المغلي ليبرد يمكن أضيفه على الماي الحار إذا كنت مستعجله لعمل الرضعه.
12_خذت سريرين واحد لستقبال الضيوف يوضع قي الصاله والثاني الكبير في غرفت النوم.
13-وعملت التجهيزات أبنفسي بحاول إنشالله أنزلها لكم عشان أسمع رايكم في شغلي..
وسمحي لي إذا نسيت شي..
هلا أختي غرقانه أبهمي
مشكووووورة الغالية على اللستة وماشاء الله عليج الله يهنيكم بالبيبي و يهني البيبي بأغراضة يارب
و يسهل عليي و عليج و يتمم لنا على خير آميييين
حروف القلب;5803126:
ممكن تشترين بعد شفاطة الحليب .. إذا تبين ..أنا اشتريتها لأن استخدمتها
وإن شاء الله أكون افدتج
الغاليه شو الشفاطه الاحسن عن تجربتج
بصراحه بالنسبة لتجهيزاتي اخذت شي بسيط
لانه بتجيني هدايا وااااجد ولا احتاج اخذ اكثرررر
وبصرااحه خواتي مجهزين لي كلللل شي هههههههه ونااسه
بس الحين ادعي ربي يسهل الولادة طفششششت من الانتظار
أم ريم1;5818518:
بصراحه بالنسبة لتجهيزاتي اخذت شي بسيط
لانه بتجيني هدايا وااااجد ولا احتاج اخذ اكثرررر
وبصرااحه خواتي مجهزين لي كلللل شي هههههههه ونااسه
بس الحين ادعي ربي يسهل الولادة طفششششت من الانتظار
ماشاء الله على خواتج أحسن شيء يسوونه
أنا عندي أختين متزوجات وأقولهم لاتيبون هدايا إلين أقولكم شو إلي ناقصني
وهذا أحلا شي وعشان ماتتكرر الهدايا عندي و أستفيد من كل هدية تيني
بس للأسف معظم ربيعاتي و قرايبنا بيسافرون قبل لا أخلص الشهر التاسع
اتعرفين الكل يسافر فالصيف بس أتمنى أولد قبل نصف الشهر عشان أحس انه الكل
فرحان فيني خصوصا انه هذا أول حمل لي :wink:هههههه ( من مايحب اللمة)
نبع الإبداع;5818094:
هلا أختي غرقانه أبهمي
مشكووووورة الغالية على اللستة وماشاء الله عليج الله يهنيكم بالبيبي و يهني البيبي بأغراضة يارب
و يسهل عليي و عليج و يتمم لنا على خير آميييين
تسلمين أختي نبع الأبداع وأنشاالله تولدين بالسلامه أو ربي أسلم كل حامل وإنشاالله أنقوم بالسلامه ... :888345:
والله وانا مثلك طلعت اليوم لبيبي شوب صدع راسي معرف شو ااااااخذ
وقلت لنفسي انو بدري ,, ومسكت الباب هههههههههه
الله يقومك بالسلامه
البنات ماقصرو ,,
بالنسبة للتجهيزات:
أخذي 6فنايل داخلية نيوبورن...و6من 0-3
6(ثياب العافية) ملابس فضفاضة للبيبي..
6 بدلات كاملة اللي تغطي حتى رجل الطفل.
قبعات على حسب اللي تبين.
قفازات بعد على حسب.
6مهادات.
4 أو 6 المهادات الثقيلة (الصوف).
3بطانيات.
النايلون اللي اتبدلين الطفل فوقه عدد2
اسفنجة البيبي اللي تحطينه فوقها وتسبحينه.
الاسفنجة اللي تفركين فيها جسم البيبي.
الصابون- البودرة- الشامبو- الكريم-لوشن
3فوط كبيرة
من6-10فوط صغيرة.
مرضاعتين للماي والحليب.
بروش الغسيل للمراضيع.
صابون الملابس للبيبي.
زيت لجسم الطفل.
الفراش اللي اتحطين البيبي داخله (واحد للتقديم والثاني للايام العادية)
شنطة لاغراض البيبي (وحدة صغيرة والثانية كبيرة)
مناديل رطبة للبيبي.
ويمكن نسيت شي بعد ان شالله البنات مابيقصرون معاج..
ما شاء الله الاخوات ما قصروا ..
الله يساعدك ويتمم عليكي على خير
(^_^)