مره متضايقه ..

السلام عليكم .. بصرااحه مرره ضايق خلقي ومو قادرة انام قلت بكتب لكم همي وارتااح .. انا طبعا صارلي سنه و9 شهوور متزوجه وماصارلي حمل الى الحين ولله الحمد مع انه انا وزوجي سليمين مافينا شي الحمد لله بس اكيد حكمه من رب العبااد .. طبعا اليووم جتني الدورة في العصر ومرره متضاايقه وفيني الصيحه لكن مو قادرة ابكي قداام زوجي انا مرره تعبت نفسيتي من هالمواال كل شهر اقول انشالله حاامل وقبل الدورة باياام اجلس احلم واتخيل وشلوون اقول لزوجي واتخيل فرحته يوم يعرف هذا الخبر لكن تتحطم نفسيتي واتعب لمن تشرف وتجي الدورة .. في الصيف اللي راح رحنا لديرة زوجي اول مرره طبعا اروحها بعد الزوااج وطولنا تقريبا جلسنا 3 اسابيع وبعدها رجعت البيت وتاخرت علي الدورة ومانزلت الا يومين وخفيفه مرره ورحت المستشفى احلل الدكتورة قالتلي يمكن حمل وطلعت النتيجه لا وقالتلي يمكن لخبطه في الهرمونات واعطتني حبوب منع حمل مع اني ماحملت لسى وغلط استخدمها اول شهر حسيت بثقل في رجلي اليساار وثاني شهر حسيت بكتله بصدري وخفت مرره ويوم رحتلها قالتلي هذا تكيس ليفي بالصدر لان عندك حساسيه من الحبووب ومارح تستخدمينها مرره ثاانيه (( كاني انا استخدمتها لحاالي )) وصارلنا على الكلاام هذا 6 شهوور تقريبا وللحين التكيس موجود بصدري ما يعورني فيه لكنه موجود وكل ما تهاوشت مع زوجي يقوللي خللي اللي بصدرك يرووح بعدين بتحملين والله العظيم اني تعباانه مرره من تاخر الحمل مع ان التكيس الليفي اللي بالصدر ماله علاقةبتاخر الحمل حتى الحوامل ممكن يطلعلهم كذا اثناء الحمل .. وانا الحين الحمدلله صارلي سنه انا اختم القران كل شهر و14 يوم يمكن من بديت اقرا البقرة والاستغفار والوتر وقياام الليل وانشالله ربي يرزقني بالحمل قرييب (( ربي لا تذرني فردا وانت خير الوارثين )) ادري طولت عليكم بس شي مضيق خلقي وحبيت اكتبه وافضفض ساامحوني :)