خطيبي يقرصني ويعورني

بنات سمعتوا المثل الي يقول باب النجار مخلع
اووووووف يا ربي انا دوم احب احل مشاكل بنات هالركن بالتحديد واستفيد من تجاربهم وردود
اخواتي البنات ومنها احل مشاكلي مع خطيبي وما ادراك ما خطيبي
انا عندي معه مشكله مرات احلها بنفسي ومرات ما اطيق اسمع صوته واسد السماعه بوجهه
وبس يطلع الصبح يتصل فيني ولا كانه مسوي ويكلمني عادي وانا اعتبر هالشي دليل على طيبة قلبه وطيبة قلبي انا بعد لاني ارد عليه ما اتحمل ما ارد
انا اموت في خطيبي وهو يموت فيني بس في مشكله عويصه مخربه علينا سعادتن
خطيبي خطبني تقريبا من 8 شهور بدون اى حفله او شي مجرد جواا اهله ولبسني دبله وطقم
من ورا خشم امه كانت مش موافقه والسبب ما يخصني يخصهم هم لان اهو اصغر من اخوه الي عجز وهو يخطب وما حصل بنت الحلال وبعد خطيبي عمره 24 سنه وما يشتغل ومع ههذا وافقت عليه .
المهم تمت الخطوبه بدون اى مواعيد او شروط او اى شي وهذا طيبه من اهلي ولا مبالاة من اهله الي هو جبرهم من غير علم اخوه الكبير انهم يخطبوني له وجا زوج اخته وابوه واخوه الصغير لابوي واخواني وتم كلشي ولله الحمد
بعد الخطوبه اكتشفت بلاوي خطيبي دلوع ما يحب الشغل ولا يصلي جلست احن واحن عليه لحد ما التزم بالصلاه وبح صوتي وانا اعلمه واكتبله الصلاه واهدده اني بتركه وبدأ يصلي والتزم والحمد الله وجلست بعدين الح عليه يدور شغل واشتغل والحمد الله وللحين ما استلم اول راتب له وجالسه انتظر انه يثبت بوظيفته وذبحني كله نايم ومستغرب انه يشتغل ودوامه بس من 8 الصباح لحد 1 الظهر بس ويقضي نص يومه نايم اوف يا ربي وتحملت وتحملت لاني احبه حيل واحسه محتاج لي
بقولون وين المشكله بقول انا متضايقه لان زواجنا ماله موعد امه تقوله مافي زواج الا اذا اخوك خطب يعني انا بنتظر اخوه يتزوج طيب لحد متى انا تعبت ومليت لان لا مواعيد ولا اى شي يدل على خطوبه لا حفله ولا شي وانا ساكته علشان عيون خطيبي بس هو بعد لحوح كل يوم يجي عند بيتنا وكله يبي يطلع معاي ومسويلي مشاكل مع اخوي وابوي وكل ما اروح مجمع يجي يلحقنا ويطلب من امي يوصلني وهنا مربط الفرس
خطيبي حنون وطيب بس بقول شي لا تضحكون علي
كل مره اطلع معه يقرصني بقوه ويعورني وانا اقوله يعوووووووووووووور يقولي انتي دلوعه
وما تتحملين وما اقدر اقول لامي اخاف تفسخ خطوبتنا هذا شي
وثاني شي مره دقيت عليه لقيته يبجي اقوله شفيك يقولي خسر النصر ويبكي من كل قلبه حسيت انه قزم ماادري ليه وقهرني مرات احس انه طفل وببتلش فيه مع انه وقف بوجه اهله وخطبني غصب عن الكل وبعد يتحكم فيني ما يخليني لا اطلع ولا اروح ولا اجي الا هو يوصلني مسويلي مشاكل مع اهلي كثير ولما ارفض يقولي المره لازم تطيع زوجها
طيب هو مش زوجي هالبزر كله يقرصني مسوي ايديني كلها نقط زرقه مره زعلت منه ونزعت الدبله في السياره وضربتها بعينه وهو يسوق وطاحت عدسته وعينه صارت حمره وما قال لاحد وانا بعد مابي اقول لاحد على القرص شسوي؟
دلوني
ساعودني بنات برائيكم