اللي صاير لنا عين او ؟؟!!

السلام عليكم ورحمة الله وبركاته ..

من بعد سبحانه ماعندي غيركم بنات اشكي له .. وانا مااتكلم الا اذا ضااقت بي الدنياا وودي

افضفض و اعرف انكم ما بتقصرون معاي لو بكلمة طيبه ..


من حوالي شهرين خذينا قرض نرمم و نعدل ببيتنا .. وكانت الامور بالبدايه ماشيه .. بس بعدين كل شي اعتفس ..

امي شهر كاامل مريضه دايما مصخنه وصخونتها داخليه وقويه .. ودايما تحس بتعب .. وغير هذا ا

امي عندها القولون .. والدسك .. ومن سنتين تقريبا سوت عمليه .. (( كان عندها اكياس وكل

ماتسوي تنظيف يرجعون فالدكتور قالها مافي حل غير تشيل الرحم)) وسوت العمليه و الحين

رجعت تحس بالم مثل اول .. و الاسبوع الجاي بتساافر علاج .. بنات انا من النوع الحساااس جدا

اذا اشوف اي احد احبه و اعزه اتضااايق وشولون اذا كانت امي نفسيتي دااون ..

واخوي مع بداية تعديلنا للبيت قرر يخطب و بالفعل رحنا خطبنا له و الله يا بنات كان كل شي اوكي و

شرينا الفساتين و جهزنا كل شي بس قبل الملجه باسبوعين انفصل وتكنسل كل شي ومانعرف ا

ايش السبب وهالشي اثر فينا كلناا و بنفسيتنا و خصوصا امي خلاها تتعب اكثر .. وحتى اخوي

دايما تعبان ومزاجه متعكر يطلع الصبح ومايرجع الا بالليل !! (( وبنفس هذه الفتره اخوي غير وظيفته

لوظيفه ثاني احسن من القبليه بواايد ))

واعرف وحده تقولي ان امها كانت تسولف لها عن حرمه كانت تتكلم عن امي و اخوي و تقول ان

اخوي مرتاح في شغله و كل شي يبيه متوفر له والحين خاطب !!!

ما نرتاح من عيون الناس ؟؟!


ابوي من 3 اسابيع تقريبا صا له حادث (( صدموه)) والحمدلله سلم ..

وبعدها باسبوع يمكن اختي سوت حادث .. والحمدلله جات بسيطه ..

وبعدها باسبوعين اختي الثاانيه صدموها و الحادث كان قوي .. و تعورت شوي ..

واختي الكبيره ياكثر اللي تقدمو لها اكثر من 10 لكن ماصار نصيب ..!


وانا صارلي فتره دايما تعباانه و احس بارهاق و تعب وضغطي كله نازل مع اني احاول اكل زين بس

ماعرف وين المشكله ؟؟!! وحتى دراسه مستواي نازل ماقدر اركز .. وصارت ما تهمني .. مع اني

((موكسلانه و اهتم بدراستي)) بس مادري شفيني يعني حتى الرسوب صار عندي عادي ومو مهتمه ..؟؟!!

وامورنا كلهاا مو ضااابطه من نقرر نسوي شي ينقلب علينا .. قالوا لنا يمكن عين .. ؟؟!!!

مع اني دوم اقرا سورة البقره .. واحاول اكثر من الاستغفار ..

ودايما صدري ضاايق .. و لا عندي حتى صديقات قرااب مني افض فض لهم ..

ومع هذا اقول الحمدلله على كل حال .. هذا اللي الله كاتبه و لازم نرضى به ..

وسامحوني اذا طولت عليكم ..

بس اتمنى تدعون الله يشافي امي ..

وتعتدل اوضاعنا ..