خلها بالقلب

خلها بالقلب يازين تجرح
جرح الخوافي مابه الحي يدرون

لوان دمع العين بالخد يفضح
معتاده الدمعه على خد محزون

لا وصل منك ولاضرف يسمح
حياة عاشق عاشها كيف وش لون

اول غرامه كان بالوصل يفرح
قبل الحبايب في المحبين يخطون

ياما وياما لزلاتك ادمح
واليوم اسلم ويالله تردون

اسباب ضرف من الزمن يوم يسمح
يسمح لغيري في مكاني يحلون

انا فقير وكنت بالوصل تفرح
تدري بحالي قبل الكل يدرون

وراس مالي حب بالقلب يجمح
اوفي بحب له كثير يخونون

وجرحتني مرات ونسكت ونصفح
لجل العيون السود غيرك يهونون

واليوم حدك قف معاد باسمح
لنك تجاوزت اللي لجاويد يعطون

تخطي وسامح واداوي وتجرح
بالله عليك الي متى الحال بيكون

واخر مطاف الحب للغير تجنح
ماهو بحب ادري على شان مليون

خله يولي ياحمد وانت تربح
مثله على مثلك حرام يمونون