زوجي والمباراه

ههههههههه
الحمد الله جت على المباره مو شي ثاني
الصراحه مافي ببالي فكره ممكن تخلي زوجك يبطل المباره
ممكن تتعايشي مع هذا الوضع
يعني رتبي طلعاتك على اساس مباراته
ووقت اللي يكون يطالع المباره انت اشغلي نفسك بشي
اقرائي ، اطلعي زياره لاهلك ، اهتمي بنفسك ، ادرسي .. اي شي ممكن تستفيدي منه
الله يوفقك

السلام عليكم ورحمه الله وبركاته ..

لو عرفت اخلي زوجي يبطل الخيل وولعة فيه .. بقولج شلون تخلين زوجك يبطل الكوره ..

اختي عندي اهتمامه وحبه في رياضه .. احسن من ما يهتم بشي ثاني ..


تحياتي

ام جنى

حبيبتي عشان تكسبينه يا روحي ... لازم انتي بعد تبينين له انج مهتمه ..

اقولج انه عايشه في عايله كلها رياضييين يعني غصبن عليج تتشبعين .. و تصيرين تحبين الرياضه ..

و تدرين لو ريلج يعرف انج تحبين الرياضه بيموت عليج .. لما يكون عنده مباراة لا تخلينه يطلع من البيت ..هيئي له الجو ..

و طبخي له و سوي له العصاير الي يحبها ... و ايبي له حبة خضره ;) خبرج الصبيان لازم حب مع المباراة ..

و قعدي معاه .. خلي لج فرق تشجعينها و تنافسينه فيها .. خليه يعرفج على اللاعبين .. و سوي له برنامج .. بدل ما يقعد بروحه يجوف المباراة .. جذي يموووت عليج و الله
و همن تقضون وقت حلو مع بعض .. و سوي له popcorn بعد .. و الله كلها شوي و بتتعودين عالوضع

اقولج انه امي اهلها كلش مب رياضيين .. لكن من حبها لابوي صارت تحب الرياضه ..يعني ماقولج تقعد معاانه تجوف المباراة .. لكن تروح و ترد .. و تسوي نفسها مهتمه .. و كل شوي تسأل ابوي ها شنهي النتيجه .. و الله نستانس احنا انها جذي .. يعني ما تكون ثقيله على قلب ابوي .. مع انها ما تحب الرياضه .

بقولج مثلا .. احنا البنات نغصب الرياييل على اشيا ما يحبونها .. مثل السوق ..بس هو يستحمل عشانه يحبج ..
طيب انتي استحملي المباراة عشانج تحبينه و قعدي و تابعي معاه . و الله بتستمتعين

بصراحه اختي مثلج بس هي اذا شافته جذيه تطلع ويانا وتخليه وتقول خله المبارة تنفعه يمكن يعطونه الكاس واحنى ما ندري...والمشكله بعض الاحيان يطالع مباريات قديمه ...بس انتي طلعي ولا عليج منه ...بس اذا تبين وياه تطلعين رتبي على وقت المياريا مثل ما قالوا لج الاخوات افضل..

عادي اختي احمدي ربك على المباريات ولاشئ ثاني

:21_103:اختىيحضر مباراة بالبيت وعندك احسن ما يطلع يروح عند واحد من ربعو او على القهوة بس هيك افضل واحسن وحاولى تكونى جليستو على الرغم انك ما تحبين المباراة وحاولى اتشاركى واشربو مع بعض فنجان قهرة او شاى وهيك بتلفتى نظرو او بحس انك بتحبى الى هو بحبو وهيك بحس بوجودك وخلية يتابع البرنامج الى هو بحبو اللة يسعدكم ويهدى بالكم

الله يعينك اختي بس على المباريات ولا شي ثاني زوجي كل سبت يلعب حتى دائما طلعاتنا الاحد لان السبت مشغول ومستحيل يفوت اللعب انا الصراحه تعودت اكيف نفسي وقت المبارايات اشغل نفسي بكتاب بجريده اكلم تلفون اطلع مع صديقاتي وهوبكيفه مع مبارايته

اختي
انا زوجي يمووووت بالرياضة
بس انا ماتضايقت
قلت عشان مازعل قمت احب الرياضة مثله
يعني الفريق اللي يشجعه اخفظ اسماء لاعبينهم (عشانه بس)
و قمت عقب كل مباراة اساله هااا شصار و ليش و ما ليش و هو يتفاعل معاي حده (مع اني ماكون فاهمة شي في المباراة) اوقات
و بعد سويت له جدول مباريات و قمت انا اذكره اليوم مباراة
وايد استانس
اختي الفكرة اهني
انج لازم تشاركينه اللي يحبه و شوفي شلون بيساتنس
مع ان احنا الحريم ذابحين عمرنا شلون نرضيهم
وهم في الكووورة
بالتوفيق اختي

واااي فديتج حالج من حالي بس ولع ريلي ازيد بعد ليته بس يشوفها انا يروح المباريات يحضرها بالملعب ويروح اهو يلعب كوره تخيلي يوم وترك وبعض الايام يوميا ..
ساعات يوعدني بطلعه واكون مجهزه عمري وجيه ويجيه اتصال يقول له ان فيه لعب كوره يخليني ويروووح عااااااااااااادي عنده ولما اقول له يقول لي يعني شاسوي الريال كلمني (( وانا ويييين واعدني بطلعه !! )) لا حياة لمن تنادي عادي :(
الله يعيني ويعينج حبوبه ..

انا الصراااحه مثلج ريلى يمووووت شى اسمع رياضه ..... ويحب التعليق والتحليل اول كنت اسيره بس الحين ماقدر اوجهه ... بس تعرفين شو اسوى .. اخليه يتابع وواطلع مع اختى اسولف عندها ..... واقول خلى الكوره تنفعه .....

اتعرفين انا شو اسوي يوم اقعد وياه انشوف المباريات ههههههههههههه

ايلس اعلق على اللعيبه ههههه هذا أصلع هذا كشه هذا طويل هذا قصصير ... اليوم لبسهم مب شي .... هههههههههههه هو ينقهر مني بس نا احب اقهره ........

لازم تحبين الكره لجل خاطره سوي عمرج تهتمين

ياربي بحرينية كأنج تتكلمين عن زووجي ههههههههههههههه

والله انا مثل حالتج واخس

تدرين انا انخطبت شهر 6 عام 2006 .. وكانت خطوبتي ايام نهائيات كاس العالم او كاس اوربا مدري



وخطيبي كان يبي يأجل خطوبتنا يقولي انا بظلمج ترى اذ1 ملكت عليج بهالتاريخ يعني ما بجي لج بقعد اشاهد المباراة


قهرني ونرفزني وقلت بعانده وبصر على هالتاريخ هههههههههه لكن جه الرجال



أوقات لما تكون مباراة كله يقولي اليوم يا فلانه ما بتشوفين ويهي .. الا بين الشوطين هههههههه يقهرنيي



او اوقات اروح بيت عمي (ابو خطيبي) اكون مستانسة مع حمواتي وقاعدين نتعشى


يجيني يقولي قومي غسلي يدج بسرعه بوديج بيتكم عشان ارجع قبل لا تبتدي المباراة وما يطوفني منها شئ
ههههههه









ترى اغلب الرياييل جدي حبيبتي لا تعورين راسج ولا ترفعين ضغطج ..


عندنا وعندج خير

الغاليه شو المشكله اذا يحب ريلك الرياضه حبيها معاه حتى لو تجبرين نفسك والله انا ريلي امووووووووووووووووووووووت بالرياضه حتى التعليق يحضره والله اني اطالعها معاه وفهمت اللعب وعلق معاه والله انه وايد اكون مستانس

لووووووووووول نفس مشكلتي بس احاول عصب عني اجوف معاه اقول يالله نص البلا ولا البلا كله ع الاقل يقعد عندي ولا يرووووووووووح عند ربعه وع فكره ريلي احب يلعب كورة بعد مش بس اطالع ويالله الله اعينا بس ماعلي دام هالشي زين مب مشكله ربي اصبرنا

اهتمامــــــــــــــــــه بالريـــــــــــــــــاضــــــــــــــــــــه افضل


من انه يهتم في امـــــــــــــور انتي في غنا عنهـــــا

عادي كل الرجال كدا

الله يعينك

الحمد لله انها جت على المباراة مو شيء ثاني .. في وحدة ويانا في الشغل بعد نفس الشيء ريلها كلة التلفزيون حتى مرة عطيتها لعبة الكرستال قلتلها لعبي معاة رجعتها بعد اسبوع اقول لها ها خير عجبتج ان شاء الله الا تقول للحين في الجيسة ما فتحتها قلت لها ليش قالت طول الاسبوع كان فية دوري وكل ليلة فاتح التلفزيون ويم المباراة وبعدها ياتها الدورة ومالها مزاج شيء .. واقول لها شلون صابرة معاة تقول عادي وقت المباراة اخلية لحالة ووقت اللي مافية شيء يجيني واطلع ونسانس مع بعض

الله يعينك

عيل انا ريلي عنده ولع غير طبيعي بالشيشه
بس يقولي وين اروح عيل اذا مارحت القهوه
انا وربعي نتيمع هناك نستانس