مافي أسهل ولا أروع منها (صينية بطاطس باللحم المفروم) بالصور

السلام عليكم ورحمة الله وبركاته

كيفكم بنات

امس كنت قاعدة افكر اسوي إيه لزوجي للعشا، لأن احنا وجبتنا الرئيسية في العشا.. اعمل ايه.. وكنت مطلعة من الفريزر كيس لحم مفروم معصج جاهز..

المهم .. اعمل مكرونة باللحم المفروم ؟ قلت لا.. مش بتشبع

طيب اعمل مكرونة بشاميل..؟ مواعينها كتير وهوسة

طيب اعمل حواوشي؟؟ لسة هعجن والعجينة هتخمر !!

وكنت عيزة حاجة سرييييعة وما تاخد وقت.. وفنفس الوقت حاجة جديدة بآلي كتير معملتهاش..

فتحت الثلاجة لئيت عندي بطاطس. مكدبتش خبر.. هي نص ساعة تجهيز.. وساعة إلا ربع عالنار.. وزوجي جه شم الريحة من علا بعد

تعالو شوفو شنو سويت



ممممممممممممممم الطعم رووعة والرائحة كانت واصلة للجيران








علافكرة.. النص ساعة تجهيز لأني سويت معاه رز أبيض وسلطة طماطم وفلفل أخضر..


نيجي للطريقة

المقادير:

4 بطاطس حجم وسط
4 ملاعق ك صلصة طماطم ك د د او اي نوع
عدد 2 بصلة متوسطة
ملح - فلفل أسود - بهارات لحم إن وجد
2 كوب لحم مفروم معصج جاهز (معصج بالبصل ومبهر.. يعني جاهز)
ملعقة ك سمن

الطريقة

تجيبي صينية وترصي فيها البطاطس بعد ما تقشريها وتقطعيها أقراص او دوائر، وما تكون تخينة اوي او رفيعة اوي.. يعني متوسطة

تقطعي عليها البصل جوانح وترشي الملح والفلفل الأسود وتدعكيها بالبطاطس.. يعني تخلي البطاطس تشرب من مية البصل

تحطي اللحم المفروم.. وتذوبي الصلصة في شوي ماي وتصبيه على البطاطس وبعدين ترشي بهار اللحم إن وُجد، وتحطي ملعقة السمن وتغلفي الصينية بالألومنيوم من فوق او إذا كان ليها غطا تحطيه عليه وتحكمي الغلق عشان البطاطس تستوي كويس

حطيها عالفرن من فوق بس هدي النار عالآخر.. وسيبيها تقريبا نصف ساعة.. تكوني عملتي الرز الأبيض والسلاطة خلال الوقت دة..

بعدين تغرفيها وتقدميها او تاكليها زي ما هي في الصينية بس حاسبي لا تاكلي صوابعك وراها :)



وبالهنا والشفا