برنامج سفري لماليزيا وتايلبد هالصيف شهر 6

بنات اخذوا بخاطري وردوا علي بلييييز

لا تطنشوني

حبيبتي انا ما رحت ماليزيا للاسف اتمنى اروحها .شفت تقرير عنها بالتلفزيون قبل كم يوم . اكلهم حر وايد فخلي بالك لما تاكلين .

يقولون خبراء السياحة و السفر انه احسن مكان لتتعرفي فيه على اي بلد هو من خلال السوق المركزي لانك تشوفين كل شي عنهم و عن تقاليده و الاجانب ما يستحون يسألون انتي اسألي هناك و شوفي و استكشفي المكان .

كان بودي اساعدك اكثر لكن ما اعرف

على العموم حبيبتي مبروك مقدما وانشاالله تكون ايامك كلها فرح و سعادة .

حبيبتي سوي سيرش بقوقل في منتديات خاصه للاستفسار عن هالدول

اولا حبيت اقول الف مبروك والله يوفقج وبداية مبارك انشالله..انا رحت لماليزا الصيف الي فات وكانت سفرة ولا اروع
وباختصار بقدم لج الاماكن الي انا زرتها واستمتع فيها :-
1- فندق القولد هورسس الاحصنه الذهبيه"اخذت الشاليه الي تبع الفندق طبعا تربطه مع الفندق بحبرة عملاقه ووسيلة النقل بين الفندق وشاليهاتهم سفن جميله" ايام السفرة كلها قضيتها بالشاليه نفسه عشان ما احب كل يومين اخذ جناطي و اصير ابن بطوطه ..نفس الفندق فيه منتجع اسمه الماينز يتكون من اربعه ادوار وبنص المجمع نهر وسينمات وشي روعه وحديقه الوندر لاند تابعه للمنتجع نفسه جميله وفيها عرض نافورة موسيقيه ومدينه ثلج وتذكرتها تقريبا 32 رينقت وعلى فكرة عمله ماليزا نفس قيمة الريال للسعوديه هالمعلومه...
سانواي لاجون مدينه ترفيهيه ومدينه العاب مائيه وفيها فندق وصالة سكيتي تزلج بالثلج واسواق حلوة بس كفايه عليها يوم واحد.
جنتنج مينه ضباب مو بعيدة عن لندن اهيا على قمة جبل يعني يبيلك فوق نص ساعه وانت تصعد بالسيار ولا زم سياراتهم قير عادي حق التبديل لووووووووول
بس حلوة فيها فنادق والعاب ترفيهه ونصيحه اذا بتنزلون وخلصتوا من الرجله اصعدوا الكابيكال حلووة
افاموزا...ملاعب جولف وفيها حديقه حيوانات ورحلة سفاري لا طوفكم تركبون سيارة وتدخلون اقفاص الحيوانات شي عجيب...ويمها لاند ووتر مدينه مائيه بعد حلوةة..
طبعا بالعاصمه اكوو شارع العرب مطاعم عربيه وكان اغلب مانتغدا بمطعم صحاري طبخ ميمه ميه ..وبالنسبه لالاسواق بكوالالمبور فيه السوق الصيني كل الماراكات تقليد وسوق الهندي وحوالين السوق الهندي في مجمعات يعني شدي الهمه وتمشي بس بما ان الوقت ماكفانا ما زرنا جزيرة لانكاوي كلها شواطئ وهاديه يعني تصلح للمعاريس واتمنى اني اكون وفيه لعاروستنا بالنسبه لماليزا وكفايه انها دوله اسلاميه ولاتنسون تصلون بمسجد ولايه هالمسجد يتمتع بزخارف عجيبه وحدائق وااااااااو بالعاصمه اهو
وشكرااااا

مشكورين بنات وايد على الرد بس يا ريت احد عنده فكره يرد علي

انا انصحك انك ماتروحين بيننق وتبدلينها بجزيرة لنكاوي بما انك فيشهر عسل لنكاوي هاديه وشواطئها جدا جميله راح تلقين نفسك فيها انك عروس اما بيننق زحمه وصخب وماتصلح للعرسان وجوها مو حلو زي لنكاوي بس احس المده قصيره لوتكون 20 يوم للدولتين يكون احسن او اكتفوا بماليزيا بس لان ماليزيا فيها اشياء كثيره تستحق الزياره
اتمنى اكون افدتك

انصحك لاتروحين جنتنج لانها ملاهي بس استبدليها بلانكاوي نصيحه وخليها 3 ليالي
وبوكيت طولي المده بعد خليها 4 ليالي

لاني انا سويت جذي رحت ماليزيا وتايلند روعه وبتستانسين
اسالي مجرب

انا بصراحة ما انصحك تاخذين 4 ليالي في بانكوك رحت لها قبل سنتبن زحمة وشوارع وسخة ومطار فية مناظر غير محتشمحة يعني بوكيت احسن وخاصة اذا رحتي للناطق اللي مافيه سياح عرب لان المناطق اللي فيه سياح عرب يكثر فيها المناظر المؤذية للعين واللي اقصدة اشياء غير لبس السباحة اللي رح تشوفيه في كل مكان .....

اما ماليزيا احسن بكثير وبتلاقي كل شي فيها وما احس فيه فرق كبير بينها وبين تايلند في المناظر الطبيعية

بس ماليزيا احسن في النظافة والشعب اكثر رقي .... ولنكاوي مثل ماقالولك الاخوات حلوة وهادية للعرسان

والله يوفقك ويسهل امورك

مشكورين حبيباتي على النصايح

عدلت البرنامج خليته 3 ايام في بوكيت و3 في بانكوك شرايكم

وبعد بسالكم عن مغسلة الثياب هل تكون مجانا من الفندق او بنحسب بعد علينا

الغالية غسيل الملابس فالفندف ينحسب عليكم اما الكوي اطلبوا كواية منهم بتكون مجانا وبعد في موضوع ثاني بالنسبه لفندق سن وي لاغون احس وايد عليه ثلاث ايام لان المنطقة عبارة عن حديقه مائية ويبعد عن شارع العرب تقريبا نص ساعة او اكثر بشوي فأشوف لو تختصرين المده فيها احسن والباقي تقضينها في فندق فشارع العرب مثل الماريوت اوالميلينيوم او غيره صدقيني بتستانسين وايد وجهة نظر ولج الاختيار

شكرا يا البرنسيسة على الرد وان شاء الله اعيد النظر في البرنامج