تهاوشت مع زوجي

هذا الشي يصير بين كل الازواج

تكلمي معاه بهدوء وتناقشو في الموضوع وانتم رايقين

هلا حبيبتي

راضييه ويستاهل انك تراضييه ترا اكيد كان مضطر للشغل حاولي تراعيه شوي
حاولي تغيري جو البيت عشان يرضى وسوي عشا بسيط وكلميه ببساطة
وبدون اي انفعال

وموفقة عزيزتي

ماادري ايش اقوولك

حااولي اللحين ترسلين له مسج واعتذري منه وكلاماات حلووه ,,, افضل لك ,,,واذا رجع من العمل لا تتكلمين معاه

هو اكيد راح يعتذر لك ,,,

بتووفيق

يصير هل شي بين الزوجين
بس مو عيب ولا غلط تراضيه خلي يدلع
انتي بعد عاتبيه بدلع وبهدوء وبمزح
الرجال ماينمسك ولا يتعاند
هدا الله كاتبها علينا نتحملهم
روحي صالحي زوجك ولاتعاندين ولا تتعودين على الزعل
والله ادا راضيتيه انتي راح تكبرين بعيونه ويحبج بعد
الله يسخرلج زوجك الك

صدقيني بطووووووووول المسئله اذا ماصالحتيه خوذيها مني بس تبينه يستانس خليه ينبسط وراضيه هالمره اذا رجع من الدوام فاجئيه بابتسامتك ولا كأن شي صار واقعدي معاه ولا تقومين الا وهو راضي عنك وفكري فيها والله الدنيا ماتستاهل كل هالزعل يعني الواحد منا وش راح ياخذ من هالزعل غير ان الطرف الثاني يكره هذا زوجك فكري قبل بحبكم
خليه يروح
خليه يستانس
خليه يغير جو
ترا الرجل يحتاج انه يطلع يعني طووووول اليوم بالدوام وكرف وغثى يحتاج انه يرفه عن نفسه شوي يشم هووووووووى
يمكن انه امس شكيتي انتي انه ماعنده شغل حتى لو ماكان عنده شغل خايف انه يزعلك
بعدين انتي متى اخر مره طلعتي اراهنك على انه يوم الجمعه صح؟
المهم الواضح انك لك فتره مب طويله متزوجه واعندك احد يشغلك..
نصيحه خليه يطلع له مره ولاتقوليله ولا شي لابطلع معك ولا شيء صح انك بتتضايقين وكل شي بس لاتبينين وشوفي اذا جاء بيستانس منك
اسفه طولت عليك انا كنت زيك بالضبط الى الان بس اتعدلت شوي انا ماقول لاتطلعين معه ابد بس مو كل يوم

السلام عليكم ورحمه الله وبركاته ..

اختي .. اقولج شي ما تزعلين ... اختي كلام زوجك صح .. الحرمه مكانها البيت ... يمكن لان انا بيتوتيه ووماحب اطلع وايد واحب قعده البيت حتى لو ما اسوي شي .. افتح النت مع منتدى عروس .. واطالع الشو تايم ,,, او العب مع بنتي ,, او اقعد اقرى .. يعني .. بس ما احب اطلع مشاوير الا للضروره ..

اختي مو حبسه ترى هذي سنه الرسول عليه الصلاه والسلام ,, المره مكانها بيتها ,, واذا هو متى ما فضى بيطلعج ...

شغله ثانيه .. بحكم عمل زوجي والبعثه الدراسيه .. انا ما شوف زوجي الا ساعتين باليوم ...
وما احاول اخليهم ساعة نكد كفايه الشغل والتعب .. وللعلم احيانا زوجي يتطلب عمله اني ما شوفه بالاسابيع ... وبعد لمن يرجع احاول اخلي مشاكلي ورا ظهري

مو معناه اني عايشه في نعيم في مشاكل .. بس اتخير الوقت المناسب للنقاش .. طبعا ما انولدت من بطن امي اعرف كل شي ... تعلمت من اول سنه زواج ,, لان كانت مشاكل وايد بيني وبينه ..
اختي المره دايما هي القلب الحنون والمتسامح ... معلش خل يتعود انج تراضينه .. واكيد لمن يكون هو غلطان بيراضيج ..

بس الوقت الحالي اشوف انج تراضينه بطريقتج الخاصه .... سوي له شي يحبه .. اذا يبي يطلع مع ربعه قولي له اطلع وانا بنطرك لين ترجع ... وبتوحشني لين ترجع ...صدقيني هالكلمه لها مفعول معاي ... مايطول مع ربعه وايد كلها ساعتين وراد...

اختي دايما احنا الحريم نتميز بالذكاء والدهاء .... يعني ما نخلي امور تافهم مثل ما تفضلتي تأثر على حياتنا .... ونخلي الوقت البسيطع مع ازواجنا ... هو احلى وقت نقضيه مع بعض

اتمنى افدتج من حياتي الشخصيه

تحياتي
ام جنى

بدون زعل زوجج معاه حق، يمكن ما كان يقصد الكلمة اللي قالها ان المراة ما لها الا بيتها بس تصرفج خلاه يقول جذي، ويمكن يكون مو متحسف انه قالها بعد... فالاحسن راضيه، حتى لو زعل زيادة وتمرد هم راضيه، واللي يبرد قلب الريال ويخليه يستسلم لو شنو كنتي مسوية كلمة "اسفة"... فاتاسفي له اكثر من مرة هو زوجج مو غريب ومو عيب انج تعتذرين منه، حتى لو هو غلطان تحملي تخلينه ينام وهو زعلان عليج

ساعه غضب ودخلها الشيطان
راضيه مهما يكون والمفروض ماتشدين معه بالكلام ولاتعلين صوتك لمن يكون معصب وصدقيني راح يقدرك اكثر وهو اللي بيجي ويراضيك
لمن يجي من العمل سوي له ذاك الغداء اللي يفتح النفس وصدقيني كل اللي في قلبه بيزول
الله يسعدك
تحياتي

قاتل الله الفراغ ..

بناااااااااااات عرووس ........شسوي
امس تهاوشت مع زوجي والموضوع كلش تافهه تدرون شنو ؟
امس باليل كان بيطلع يقول الشغل متصلين فيه قلت له وانا بعد ابي اطلع متملله ، والله اني صدق متملله وضايق خلقي من البيت وخاطري اشوف الدنيا قال لي انتي كله تبين تدورين في الشوارع انتي مره ومكان المره البيت ومني كلمه ومنه كلمه ززززززززعل الرجال واتهمني اني انانيه وكله ابي احبسه في البيت وما اخليه يروح مع ربعه وهو مو رايح يلعب بيروح الشغل
والله انا ما امنعه عنهم بس اقول له لا تتأخر ؟ يعني وين صارت هذي هم يطلعوون ويستانسون واحنا ننرزح في البيت
بعدين ما طلع زعل وراح غرفه النوم وسوا روحه نايم والصبح اليوم قعدته وما كلمني ولا انا كلمته بعد
بنااات شسوي ؟؟؟؟؟؟؟؟ لا تقولون لي راضيه لأن زوجي اذا راضيته يتدلع ازيد ويتمرد وما ابي اتناقش معاه في الموضوع لأنه بطلع انا الغلطانه

انتي نفس تفكيري ..........

بس بالاخير انا اللي اراضيه وش اسوي كان مايرضى ابد

بصراااااحه كلام اختى((noor1979 ))معقول وفى غايه الوضوح والصرااااحه.......

من حقج انج تطلعين وتشوفين الدنيا

لان قعده البيت تجيب النكد وضيقه الخلق


ولكن عزيزتي لو ركزتي مع زوجج شووي جان بتتنازلين


لانه ما بيروح يتمشى ولا يتنزه الرجال بيروح شغله عزيزتي

والمفروض ما تمنعينه عن شغله ...



وبعدها بليلة تقولين له يطلعج

الغاليه زوجك معاه الحق راضيه هو عشانك قعد في البيت وماراح مكان يستاهل منك تراضيه

زوجج الحق معاة فعلاً الريال يبي يطلع يبي يتنفس مع ربعة وعلى فكرة كثرة الضغط انة يكون معاج يتملل ويزهق .... عاملية بالسياسة والريال مثل اليهال بالضبط تعاملية معاملة الياهل ..

اشتري لة شيء يستانس لاعبية يستانس اكلية يستانس ...
الحين صج صج المفروض تراضينة بس بطريقة حلوة تسوين لة ليلة رومانسية او ليلة حمرة يعني من هالسوالف وتلعبين وياة وشرط بيستانس .. وإذا تبينة دوم يمج قولي لة كلام الحب والرومانسية .. حتى لو ما كنتي تسوين هالشيء ابتدي فية وسوية لانة ضروري لا تقولين لا قولي لة حبيبي بين كلمة والثاني واذا بتنادينة مو بأسمة لا بكلمة حبيبي ..
واذا طلع من البيت قولي لة بتوحشني تراني انطرك على احر من الجمر واذا كان في الشغل طرشي لة مسجات الحب وحتى الصباح مسجات الصباح .. واذا اهو نايم حاولي تقعدينة بطريقة رومانسية ببوسة مثلاً ..

وشرط شرط لو تسوين هالاشياء مستحيل يستغنى عنج واول ما يطلع مع ربعة يتذكرج ويرجع البيت بس علشان يشوف حبيبتة شنو مسوية لة اليوم او يشوف شنو بتقول لة اليوم .. وخبرج كل بين جم يوم من الليالي الملاح .. وبتشوفين النتيجة

الله يهديكم

حبيبتي عادي عندي وعندج خير

انا ريلي دوم يزعل ويبيني اراضيه حته لو هو غلطان في حقي يعني لاتحسين نفسج بروحج انا ريلي كان قبل العرس 24 ساعه برا البيت اول زواجنا كان دوم يطلعني يوميا لين صار بس مرة في الاسبوع والله تخيلي انا عروس ماصار لي شهرين اول ماطلع مع ربعه قعدت اصيح حسيت انه خلاص ماعاد يبني انا نفس حالتج امووووت في الدوارة وبس تمينا على هاي السالفه هواش بشكل اسبوعي لين خلاص وصلنا لحل انه يكون لي يوم في الاسبوع يطلع معاي ويومين او 3 حق ربعه صار لما يطلع اشغل نفسي في النت او اشوف تلفزيون وهله وياي في البيت بس جني ساكنه بروحي كل حد في غرفته صرت اقعد في غرفتي اشغل نفسي باي شي والله من عقبها ارتحنا من المشاكل فانتو جربوا توصلون لحل وسط وهاي المرة انتي كبري عقلج وراضيه لانه اغلبهم مايجون يراضونج لانه اصلن عقولهم صغيرة فانا دوم افكر جذيه انا عقلي اكبر من عقله اروح اراضيه وعقب اقعد اتدلع عليه وبس هيك تنتهي الهوشة بسلام ونرجع سمن على عسل فانتي حاولي تراضينه بكلمتين حته لو صدج حته لو قال كلام يجرحج عادي هو سالفه تكبر راس منه وعقب يهدا ويشوف نفسه انه ياهل وانتي العاقله

جربي حلي وصدقيني ماراح تخسرين ان شاء الله

Noor1979;5785141:
السلام عليكم ورحمه الله وبركاته ..

اختي .. اقولج شي ما تزعلين ... اختي كلام زوجك صح .. الحرمه مكانها البيت ... يمكن لان انا بيتوتيه ووماحب اطلع وايد واحب قعده البيت حتى لو ما اسوي شي .. افتح النت مع منتدى عروس .. واطالع الشو تايم ,,, او العب مع بنتي ,, او اقعد اقرى .. يعني .. بس ما احب اطلع مشاوير الا للضروره ..

اختي مو حبسه ترى هذي سنه الرسول عليه الصلاه والسلام ,, المره مكانها بيتها ,, واذا هو متى ما فضى بيطلعج ...

شغله ثانيه .. بحكم عمل زوجي والبعثه الدراسيه .. انا ما شوف زوجي الا ساعتين باليوم ...
وما احاول اخليهم ساعة نكد كفايه الشغل والتعب .. وللعلم احيانا زوجي يتطلب عمله اني ما شوفه بالاسابيع ... وبعد لمن يرجع احاول اخلي مشاكلي ورا ظهري

مو معناه اني عايشه في نعيم في مشاكل .. بس اتخير الوقت المناسب للنقاش .. طبعا ما انولدت من بطن امي اعرف كل شي ... تعلمت من اول سنه زواج ,, لان كانت مشاكل وايد بيني وبينه ..
اختي المره دايما هي القلب الحنون والمتسامح ... معلش خل يتعود انج تراضينه .. واكيد لمن يكون هو غلطان بيراضيج ..

بس الوقت الحالي اشوف انج تراضينه بطريقتج الخاصه .... سوي له شي يحبه .. اذا يبي يطلع مع ربعه قولي له اطلع وانا بنطرك لين ترجع ... وبتوحشني لين ترجع ...صدقيني هالكلمه لها مفعول معاي ... مايطول مع ربعه وايد كلها ساعتين وراد...

اختي دايما احنا الحريم نتميز بالذكاء والدهاء .... يعني ما نخلي امور تافهم مثل ما تفضلتي تأثر على حياتنا .... ونخلي الوقت البسيطع مع ازواجنا ... هو احلى وقت نقضيه مع بعض

اتمنى افدتج من حياتي الشخصيه

تحياتي
ام جنى

السلا عليكم

حلوكلام الاخت ثقيل ورزين وانا من رايها...

الله يوفقك..(f)

حبيبتى حاولى تراضية
انتى المفروض تخففى عنة