مساء الخير على عرايسنا... عساكم بخير...
هذا الحلى يصلح مع القهوة لأنه لازم يقدم دافي... و هو طعمه جداً لذيذ...
نبدأ بسم الله...
نص كوب تمر منزوع النواة
كوب ماء
ملعقة صغيرة بيكربونات الصوديوم
في قدر صغير على النار، نحط التمر و الماء...
أول ما يبدأ يغلي نطفي عنه النار و نضيف له البيكربونات... طبعاً أول ما تحطونها بينفش و يفور...
بعدين نترك مقدار التمر على جنب لحد ما يبرد...
100غ = إصبع زبدة بحرارة الغرفة
3/2 كوب سكر
ملعقة صغيرة فانيلا
2/1 1 كوب طحين
ملعقة صغيرة بيكنج باودر
في وعاء للخلط، نخفق الزبدة و السكر و الفانيلا... أنا ذوبت الزبدة شوي بالمايكروييف...
و هنا بعد ما خلطناهم...
الحين ننخل الطحين و البيكنج باودر و نضيفهم لمقدار الزبدة بالتناوب مع مقدار التمر...
و هنا بعد ما خلطناهم كلهم...
نجيب قالب الخبز المستطيل، وندهنه بالزبدة و نصب فيه الخليط...
ندخلها الفرن بحرارة 350 في الرف الأوسط، و لمدة 50 دقيقة بالتمام...
و هذا شكلها أول ما طلعتها من الفرن...
الحين نسوي صوص التوفي...
2 ملعقة كبيرة زبدة
نص كوب سكر بني
نص كوب كريمة سايلة
ربع ملعقة صغيرة قرفة
في قدر صغير، نضيف هذي المقادير و نرفعها على النار...
نغلي المقادير لمدة دقيقتين مع التحريك باستمرار لحد ما تصير صوص ثقيل...
و عند التقديم طبعاً نصب الصوص فوق البودينغ و هو حار على طول...
و إن شاء الله يكون عجبكم و بالعافية عليكم (f)
