بلا حدود إلى الأبد!!!!!!!!!!!!!!!!!!!!

يابنات انا عوزاكم تشاركونى ضرورى فى فكرتى دى وتقولوا لى رأيكم وهنعمل إستفتاء عام ونشوف الردود لو كتير يبأه أنشاء الله فيه أمل وانا متفائله جدا بصو بأه مش ملاحظين إن كل اما واحده فينا تسأل عن كريم او اى حاجه تقوم اخت تانيه ترشح لها ماركه اجنبيه عيب ولا مش عيب الكلام ده اظن إن آن الأوان بأه نكون امه منتجه ودا بأه مربط الفرس إيه رأيكم لو كل واحده عندها موهبه فى حاجه معينه تعملها وتبدع فيها ونعمل معرض كل شهرين فى بلد من بلاد المسلمين وعلى فكره انا كلامى موجه لكل بنات امتى الحبيبه مش مغربيه او مصريه لأ لكل امتى ولو تلاحظو انا كاتبه العنوان بلا حدود وانا عارفه ومتأكده ان إحنا عندنا مواهب جامده جدا بدليل الأقسام المخصصه فى المنتديات للأعمال النسائيه طبعا هتقولولى شهرين قليل جدا هقول لكم مش قليل كفايه اللى ضاع واحنا نايمين فى الخط والآخر نكتشف بعد ما ادينا الأمان لبعض الشركات الأجنبيه نكتشف ان حاجتها مسرطنه والعياذ بالله المهم البدايه يابنات مش مهم تعملى اد إيه المهم يكون المنتج واخد شعار جوده بلا حدود يعنى مش عاوزين فيه أى ثغره وانا إنشاء الله متأكده من ده طالما العمليه هوايه يبأه كل واحده هتبدع فى الحاجه اللى بتعملها وكمان شعار امانه بلا حدود أقصد امانه فى اختيار الخامات وجودتها لإن انتو مش واخدين بالكم انا أقصد إيه انا أقصد إن إنشاء الله لو نفذنا الفكره دى هنأجر مكان فى ارض الإسلام اللى هنعمل فيها المعرض ولتكن السعوديه او الكويت او تونس ونعمل دعاوى لأى سفاره عشان يحضروا المعرض ويعرفوا ان امتنا بخير وياسلام بأه لو المعرض معمول فى تونس مثلا والعرب اللى فى تونس مشاركين كمان كل تحت رايه بلده هيقولوا شوفوا بدأوا يجمعوا نفسهم تانى ويعيدوا ترتيب اوراقهم من جديد حتى منتجاتهم بتتكلم عنهم امنيه حياتى ياجماعه اما أسال عن منتج معين فى المنتدى هنا اسمع الإجابه إ،ن اختنا زينب من تونس متخصصه فى الشئ ده او اختنا عنود من قطر متخصصه فى الشئ ده ومنقولش ابدا اسم اى منتج اوروبى ! هل ياترى هيجى اليوم ده ويكون شعارنا جوده بلا حدود وامانه بلا حدود ياريت تردوا عليا بس مش عاوزين تثبيط للعزيمه ياجماعه عاوزين نشجع بعض سلام يا أخواتى