تريدوا تعرفوا سالفتي ليش ما انام تو الظهر ولا العصر ؟؟!!!
سمعوا القصه بس عن تصيحوا :
فـ سابع نـومـه وعلـى غفـاي وعلـى فاقـه والدوشـج (السرير ) والبرنـوص ( الغطـاء ) على درجـة حـراره الجسـم ( دافـئ ) والحلـم عـاد في مشــاهده الحســاســه ..... وما احــس غيـر بخيــزران تصـتك (تضرب ) فـ صيمــي ( عظـم الساق ) قاصــر عـن تكســره .. و أطش منتـزق كما بو شايـف عزرائيــل جاي يقبـضه من عنجــروتـه ( حلقــه ) ,,, ومـا أسمــع غيـر ذاك الصوت بو يذكــرني بعنتــره بن شـداد : (( قـوووووم يالعبيــطـ من رقادكـ .. حشــا كانكـ دب قطبــي وطايح في سباتـه ,, قوم نهضّك غـزو ينقفــك ( يشلـك ) ’’’ حشــا ولا أصحــاب الكهــف سويوهـــا .. ما تعرف انـه وراك مدرسـه وبعدك ما كاوي دشداشتك ))
وعلى حبــه ونــص ( من البطـء) اروح الحمــام والعرق فينــي كما شلالات دربات وباغي اشغـل المـاي وبالضرابــه أفرك ( اتسوك ) ضروســي ( مال مقاتلــه ) ....
و أروح أتريـقٌ و ألقــى الشغــاله مســويه قريصات ودبـس .. وعادن باردات.. شويه ويتجمدن ....
ويوم أقــولها سخنيهن شويــه ,,, أشوف الطــوبج علــى شداغــي ( خدي ) وتقــولــي : (( انته نفر ما يسـمع كلام بابا هوه نفر يقول اذا مافي نهض سريع مافي ريوق .. بس انا مافي عق ( أرمي ) ريوق درام ))
آآآآه يالقهــر ... شغالتنـــا وبايــه تشنقنــي !!!
ومال سرعــه سرعــه أشل ( أحمل ) كتابين ودفتــر وألبس الدشداشه متكرفســه وما مكوايه وأروح المدرسه مشــي والنعال ( كيتـو ) في عــز الصيــف .
أول ما رجعت وافصـخ نعالـي عند البـاب وأدخـل فرحـان باغـي أروح انطبـج ( انـام ) على الكرفــايه ( السريـر )......
ما احس إلا ورجلــي تنصــع ( تقطـر ) دم ... موووو هنـاااااك !!! ::
طلعت عصريتــي دايـس ومتوكــئ على جلاص ماي وشاطفنـه بالنـص .. ويالله أسوي حال رجلـي جــزع وأروح انـام ..
وأنــا فـ طريقــي رايـح الكرفــايه في الطابــق الثـاني إلا وأشوف ذاك الهمر ( H2 Hummer) واقف بيـن الطابقــين : (( أنتــه كافــر وا مووووه ؟؟! ,,, ما باغـي تروح تصلــي المسجــد ؟؟ ))
وعاد لقيتلــي عاذره (( يوبــاه باغـي أروح بس اخلي كتبـي ولاحقنـك ,, لكـن اقول باه ترانــي ما باغـي غـدا ))
ويرد علــي : ( زين يـوم وفـرت وما بغيــت ))... حشــا !! هذا أب يهتــم بصحــة ولاده !!!
وبعــد الصلاه قلــت أضرب تشكـر ( لفــه ) في الحـاره يمكن ألقــى حد من ربعــي اتسلــى معـاه .... ومحد في الحـاره والشمــس صالتنــي صلال خلتنــي اتذكــر صحــراء ( ايروزونـا ) ...
ما أشوف غيـر ولــدين صغــار يسـوقـوا سياكــل وحافيـيـن ,, يطيــح واحـد منهم و يتشــحى جلــده عـ الشارع وربيعـه يضحــك عليــه ( رب أخ لـم تلـده أمــك ) .
وبعد برهــه أشـوف تجمــع سكانــي وكثافـه . قلت يمكــن ربعــي هذيلاك .. ويوم اقتــربت لقيــت خمــس شغالات عند الدرام فاتحــات مجلــس الشــورى ’’’ وعــاد لو فهمـــت كلمــه كان زيـن ( ولا دراج ريس يجيبهن )
وياريتهن موحدات اللغــه كمــا وحدت أوروبــا العملــه .. لا .. كل وحــده ولغتهــا ,,, الهنديه بالهندي .. والسيريلانكيه بالسيريلانكي .. والفلبينيه بالفلبيني .. والاندنوسيه بالاندنوسي ... والنيباليه بالنيبالي .
ضربتهــن طــاف وقلبــي يغــلي ..
ولمــا شفــت علـى يميــني انتقزت على ذاك الطابــور على التلفــون العمومــي كأنهــم طابــور مـال مقصــف مدرســه ابتدائيــه... وانـــا فــ عقلــي : (( من متى ذيــلا الهنـود بهذا العــدد يسفطــوا ؟!؟! مبونــي ما أشــوف في الحــاره ولا هنــدي لمــدة سنـه كاملــه .. اللهــم أشوف الجاليــه الهنديــه والباكستانــيه لمــدة عشــر دقايق ولمــدة ثلاثيــن يــوم بس في السنــه .....
وعــاد وحدكــم تعرفــوا مو اقصــد ( أقصــد صلاة المغـرب في رمضــان .. جايين حال الفطــور المجانــي .. ) ,,, يعنــي السفارتيــن موجودات في حــوش المســجد .
المهــم ... لما اقتربــت شفت شغاله جالســه تتكــلم في التلفـــون والشعــب الهنــدي ما مصـــدق ومسكينــه ذيك الشغالــه بو ولادهـــا عادوا مخلفيـــن وراهـم أحفــاد .. والهنـود منتزقين وواقفين وراها كانهم بايين يتصلوا . :
وقلــت من الطفــشه ( هذي أخــر لفــه في الحــاره وبعــدها بــروح البيـــت أنـــام إذا مالقيــت حــد من ربعــي .
ولمــا وصلـــت البيــت ورحــت الحجــره ... لقيــت أخــوي بو مســوي عمــره شاطــر ولابس نظــاره لو تشوفوهـــا تقولــوا تلسكـــوب ,,,,وتراني عارف عمــري إذا قلتلــه : روح طفر من هنا باغــي انـــام..... إلا وبســرعه الكونكورد ألقــاه منخــش تحت الوالــده يبغ ويتنغنــغ ... وعاد هيه لازم تكــون معــاه تراه آخــر العنقــود أويــن .. :
انزيــن قلت ماشــي حل غيــر الصــالــه إذا محــد هنــاك ... اول ما أنــزل الصالــه أشوف أمة لا إله إلا الله محمــدا رســول الله .. جالسيــن وفاتحــين مقــر الأمم المتحــده .. وعـــاد سمعــوا الســــوالف .. ( وابختــها فلانــه زوجــها رايــح بريطانيــا وقايلــها بيجيبلــها صوغــات من هناك ) .... واخـــرى : ( عجــب بكــم شريتيــها القطعــه المشجــره وبكـم قالولــش الــوار ... أشـوف كــأنـه مو مـن حلاتــه ) ... ثالثــه : ( والله البخـور ذي الايــام ما غــاوي وما ينشــري ما أعــرف حمــوه يمكــن ما تسويـه فلانــه زيـن ) ... ورابــعه : ( لو تسوييلــه بطــان بيكــون احســن تراه ما حلــو بدون بطــان ) وتمــر السـوالف كمـا تمــر الثــواني (( وأنــا أقــووووول من اللي اختــرع " روريتــز " ؟؟!!! )) : ::
ولمــا عديــت الصــاله علــى خيــر .. وشويـه أدش المجلــس وما أشوف غيــر شيــاب وشيــوخ جالسيـن يتقهويـوا ( اول شئ حسبت وزارة التراث نقلـوها بيتنــا ) ... ثوانـــي و أسمــع ذاك الزعيــق مال الـ H2 يقــول : (( علــووووه تعــال غنّـــم حال عمامــك )) وعــاد أنـــا مال ضرابـه أشل شلولــي وأغنــّم وياريت يكفيهـم الفنجان والفنجانيـن .. اليين ما تخلــص الدلــه وهم بعدهــم يغــرغروا القهــوه (( أظنــي قاصين حلف يخسرونــا ))
وياللــه علــى سوالفــهم بو يقــول : (( أنــا أمــس رغت سوق الموالــح وأشتريت أغــراض حال البيت وكان الفجــل غالــي والخــس والطماط مامنــه فايــد وضاربت الهنــدي و .. و ...
والاخــر يحكـي صولاته وجولاته وسوالفه مال زمان بو يسمعه ما يقول ذا عمانــي يقول ذيلا حكايا ألف ليله وليله ولا ألييس في بلاد العجايب .
عاد سمعـوا مو يقـول : (( انا أيـام زمـان وأيـام الغـوص كنت محمـل خريبيش ( أسـم الحمـار مالـه ) سامـان ورايحبهــن سوق دبــي .. وعلى خطفتنا وحنوه رايحين وكنـا واصليـن شناص إلا وطـاح الحمـار وتكسر .. وما اعرف مو جاه ..... قلت ماشي فايد تخسير وقت ولازم اكمل السيره وما يهجيني اخلي الحمار هنا وحده ..... وشليـت الحمــار والاغــراض على كتــوفــي ورغت اللين دبــي وبعت السامان والصوغات بو معاي ورجعت بلادي )) ,,,
ما واحيت أسكـر الدلــه غيـر أسمـع ثنينـه يتناقـروا بالميادين وكل واحد يعق بو معاه من صوب ..!!!
ولقيتها فرصـه قلت حال أبوي (( يوباه انا بروح اودي الدلــه المطبــخ )),,,
اول ما طلــعت من المجلــس غبــااااااااااار على الطابــق الثانــي ..
احيد هنـاك مخلايه حجره فاضيـه حال الضيوف . قلت هذا بو زين .. اول ما افتـح الباب أشوف شغالتنـا مطلـعه كشتهــا وماسكـه ذاك القلـم مال أيـام سعيد بن تيمـور وجالسه تخط رسالتهـا حال البلـد ومشغلـه مسجل صغيـر " إنا تشورياااه .. تانو كندالاه .. لجا . . لجا .. ترنتراا " .... ثوانــي وأشوفــها فلــم رعــب واقـف قـدامي ( انتـا نفـر ما في زين طلـع برع ) ... :
قلت ماشي فايـده غير حجرة اخـوي تو بعده ماجاي من الدوام ...
وأنـا امشــي اسمع صوت كانه كلـب طابقلـه عظــم جيـذر ( شخيـر ) .. فتحت الباب لقيته منسدح عـ الكرفايـه وزراره يقطـر من الكرفايه ولا حــــــاس بالدنيــا ... بغيت انهضـه علشـان يروح يوكـل شي ( فرصـه علشـان انــام ) ,,, قالـي وعيونـه كلهـن حلام : ( اتطلع ولا تو ألقمـك نعالي ... طفــر من هنــا (.....) واحد ) ...
وعــاد انا مال عصبيــه سكــرت الباب بقــوووه .. وما أسمع غير صوته يقولـي : " غزوووو ينقفـك من حيت ما تكــون " ... وأرد عليـه انـا نوبــه بصرخــه : ( آآآآآآآمين ) .
ومن شدة التعب والهلكــان رحت ورا السياره بين السياره والجــدار وشرختهــا رقـده هناك ( كــأني واحد من عمــال الـ بي دي او ) 3 دقايق وما انهض الا على رشات السميت ... البيت اللي يبنيوه قبالت بيتنا ,,, حشا لله حتــى هنــا ما سلمــت من شــي !؟!!؟ :
ومن ذاك اليــوم حرمــت على عمــري إنــي انــام الظهــر او العصــر .
حقوق الطبع مهفوسـه ومكرفسـه داخل كرتون مال الحليب المركز بو يسويوه حال ( الماهــوه ) عن حد يملغني ويقولـي باغي ماهووه
لا يفوتكم هذي القصه
أ
19-04-2008 | 06:39 PM
أ
20-04-2008 | 07:41 PM
خيبتو ظني 8 مشاهدات ولا وحده ردة
n
20-04-2008 | 08:36 PM
hhhhhhhhhhhhhhhhhhhhhhhhhhhhhhhhhhhhh
bssra7a damhom 3asl
yslmoooooooooooooo
bssra7a damhom 3asl
yslmoooooooooooooo
ت
20-04-2008 | 09:13 PM
يا الله ههههههههههههههههههههههههههههههههههههههههههههههه
بصراحه اللغه مكرفسه مررررررررررررررررره خخخخخخخخخخ
<احس لساني تخدر خخخخخخخخخخخ
بس جد معذور <بطلت تنام الظهر ههههههههههه
تشكرااااااااااااتي يا عسل ^-^
بصراحه اللغه مكرفسه مررررررررررررررررره خخخخخخخخخخ
<احس لساني تخدر خخخخخخخخخخخ
بس جد معذور <بطلت تنام الظهر ههههههههههه
تشكرااااااااااااتي يا عسل ^-^
و
20-04-2008 | 09:21 PM
هههههههههههههههههههههههههه
با لموت افهم
حلوه
با لموت افهم
حلوه