الي تعرف عن اشعه الملونه تدخل

اختي الأشعه الملونه يطلبونها الدكاتره عشان يشوفون إذا في التصاقات في رحمك

انا سويتها قبل شهرين او ثلاث ماحسيت بوقتها بس تعبت بعدها ماودي اخوفك بس سمعت في ناس عادي

ماعورتهم انا من البنات اللي تعبتني بعد ماسويتها .. هي مهمه توكلي على الله وسويها

وقولي اللهم لاسهل إلا ماجعلته سهل .. وان شاء الله ماتشوفين شر :D

أهلين غلا

قصدج بالملونه مالت تصوير الأنابيب؟

انا سويتها من عشرة أيام تقريبا في توام الحمدلله كنت خايفه منها بس ظهرت أبدا ما تعور

أصلا قالي الدكتور ان اللي عندهم بتوام أطور وما يعور مثل الباقيين لان توام يصور بالالترا ساوند بس الباقين بالسينيه وهذا اللي أعرفه والله كريم حبيبتي توكلي على الله وسويها أصلا أعرف وحده تأخرت في حملها ولما سوتها حملت بعدها وقالي الدكتور ان تقريبا من بين عشر يسونها هنتين يحملن يارب نكون منهن ونحمل يارب العالمين آمين

انا سويت اشعة الصبغة .. وكنت نفس الشيء متخوفة مثلك
عادي ألمها بسيط جدا .. دقائق قليلة بس مثل ألم الدورة وبعدين خلاص ماتحسين بشيء
هي مهمة جدا ومالها مخاطر .. توكلي على الله وسويها
وحطي بس في بالك انها خطوة مهمة للعلاج .. ربي يساعدك ويحقق أمنياتك

انا سويتها اليوم المها نفس الم الدوره بس دقايق باذن الله وتخف الله يكون في عونك ويرزقنا جميعا اللهم امين.............

مشكورين ما قصرتو
ان شاءالله الله يرزقكم بالذريه الصالحه يااااااااارب
بصراحه اناعمري ماسمعت فيها الي يوم الدكتوره قالت لي وخايفه منها وااايد
سمعت يسون بنج كامل لها وانا خايفه قلت اكيد تعور الله يعيني ويعين جميع المسلمين

انا سويتها لتصوير الانابيب واهي صراحه الامها مثل الام الدوره بس سهله ربع ساعه وخلصت بس لما سويتها في المركز العربي قالوا لي الانابيب سليمه ولما رحت عند الدكتور عمر ابو زينب سالني اذا حسيتي بالالام قلت له ايه قال معناته انه انابيبك مغلقه ولازم نفتحها عن طريق انبوب ماي وصج سويتها عنده وحسيت بعد بالالام وقال انه فتحها عن طريق انبوب يدخل فيه ماي قليل بس يقول الحين الانابيب مفتوحه وانا الحين اكمل علاجي عنده وانشالله احمل

بنات كيف يسوون هااي الاشعه ,,, يا ليت اتخبروني لاني انا كانت عندي الام فضيعه في المبيض الايسر ورحت مستشفى تواام والدكتوره قالت يمكن يكون عندج التصاقات وسوولي اشعه ما عرف شسمها بس شربوني مااي ملون لونه ابيض علبتين عقب دخلوني الاشعه مادري اذا هيه اللي تقصدونها او لا ,,,,,, بليز حد يخبرني كيف يسوونهاا

الاشعه هذي انا سويتها الشهر اللي راح اول شي لازم تاخذين ابرة فولتارين في العضل وبعدها ييجهزونك هم على سرير من حديد ويكون الكشف من تحت ولازم تتوقعين شوية الم بس مايهم اذكري الله واقري المعوذات ولاتتوترين وبعدين تدخلك الدكتورة انبوبة الصبغه وتشوف على الشاشه اذا فيه انسداد بالانابيب او لا وماتاخذ 20 دقيقه وربي يسهل عليك ومافي ابد اي الم من بعدها (( اللهم لا سهل الا ما جعلته سهلا وانت اذا شئت تجعل الصعب سهلا ))