شو رايكم ؟ .. ابيكم تساعدون هالمسكينه ؟؟

&

♥بنوته زايد UAE♥

عروس ماسية

19-04-2008 | 02:22 PM

هلا والله ..

اشحالكم خواتي ..

خوااتي .. انا عندي موضوع وحابه اناقشه معاكم .. قلت خواتي في المنتدى بيساعدوني عاد لا تبخلون علي ..

موضوعي يتكلم عن اختي وزوجهاا وبنتهاا .. قبل كتبت عن اختي بخصوص غيرتهاا على زوجهاا .. ولقيت منكم ردود ولله الحمد حاولت اعرف شو السبب وتغيرت نوعاً ما عن قبل ..

بس الحين شوي موضوعي غير عن قبل ..

اختي تشتغل .. هي وزوجهاا في مكان واحد .. وك يوم الصبح اتودر بنتهاا عندي واتروح الدوام ..

المهم .. زوج اختي عنده اجازه مدتهاا 50 يو تقريباً .. مب متأكده بالضبط كم يوم ..

وطبعاً اختي وزوجهاا عايشين بروحهم في بيت .. يعني مب ويا اهل زوجهاا ..

فزوج اختي قال حق اختي انا من يوم ماتبدا اجازتي بخلي البنت عندي لين ماتخلص الاجازة ..
والبنت عمرهاا 6 شهور يعني محتاجه لشخص يصبر .. وانا الحمد لله يوم اتكون عندنا امي اتأكلهاا او انا اكلهاا .. بس يوم اتكون عند ابوهاا مايأكلهاا شئ ..دايم يقول لأ .. اهلي مايسون جي ومن هالكلام ..يعني البين عمرهاا 6 شهور مب لازم تاكل بس اتعيش على حليب ..

حرام والله البنت محتاجه اكل واهتمام وصبر ..مب عصبيه ..
ساعات ابوهاا يكون نايمه والبنت بعد تكون نايمه .. بس يوم البنت اتقوم ابوهاا يكون نايم ..
وتقعد اتصيح ,, وهو في سابع نومه .. ولا بعد اتنام في غرفه بروحهاا ..حاطين لهاا جهاز .. مال الاطفال يوم يسمع صوتهاا يروح ياخذهاا ..:confused:

وامي اتقول ان عيب ابوهاا يغير لهاا الحفاظه و عيب يسبحهاا ..

فأنا قلت حق امي مب حلوة اننا انقول حق اختي لازم اتيبين البنت عندنا .. لان يمكن يتقول شو انتوا تغلطون على ريلي .. مافي زوجه ترضى ان حد يغلط على زوجهاا .. واختي ما شاء الله عليهاا ربي يعطيهاا العقل .. ابد ماتحب حد يقول شئ لزوجهاا ولو هالشئ نحن نشوفه غلط بس هي اتقول لا الي هو يسويه صح وميت مره صح ..

بس امي مصره .. واتقول بقولهاا .. بس بعدين هي كيفهاا ..

انا بصراحه مع امي وفي نفس الوقت مب معاهاا ..

اقول حرام ان البنت تحتاج لام واب .. دام ابوهاا قاعد وفاضي فليش مايخليهاا عنده .. وفي نفس الوقت اقول صح كلام امي ..

امي عصبت يوم عرفت الموضوع ..

فأنا ابي اعرف .. شو المفروض يصير ..

يعني البنت وين المفروض اتكون عندنا والا عند ابوهاا ؟؟

ابي ردوكم خواتي .. بليييييييييييييييز
..

ج

جرح ماينتسى

عروس جديدة

19-04-2008 | 02:47 PM

هلا أختي....................................

أنا من وجهة نظري ما دام البنت صغيرة وعمرها بس 6شهور..يعني تحتاج إلى رعاية مستمرة ومادام الام مب موجوده ...يعني إن لازم يكون أحد بديل عنها..

لانها تحتاج إلى من يأكلها ويغير لها دايما..وطبعا صعب من وجهة نظري أنها تكون عند الأب .....لأن ربما ما يعرف يتصرف أو م تكون عنده خبره كافيه للعنايه بطفله صغيره..............

تقبلوا ردي...وشكرا...

b

blue berry

عروس مشاركة

19-04-2008 | 02:54 PM

جرح ماينتسى;5765375:
هلا أختي....................................

أنا من وجهة نظري ما دام البنت صغيرة وعمرها بس 6شهور..يعني تحتاج إلى رعاية مستمرة ومادام الام مب موجوده ...يعني إن لازم يكون أحد بديل عنها..

لانها تحتاج إلى من يأكلها ويغير لها دايما..وطبعا صعب من وجهة نظري أنها تكون عند الأب .....لأن ربما ما يعرف يتصرف أو م تكون عنده خبره كافيه للعنايه بطفله صغيره..............

تقبلوا ردي...وشكرا...

أنا مع رد أختي

ا

احب-زوجي-ومدلعني

عروس متألقة

19-04-2008 | 02:55 PM

حبيبتي المفروض تكون عندكم،، وكلام امج مليون بالميه صح،، في حل وسط اختج تنزلها عندكم وهو يكون نايم انتوا تسبحونها وتاكلونها وكل شي اذا قام يجي ياخذها وخلي امج تكلمها مافيها شي بنتها وتنصحها تقولها انه زوجها ماخذ اجازه يرتاح ليش يتعب نفسه مع البيبي.

الله يوفقكم وطمنينا عليج

n

norahmed

عروس مشرقة

19-04-2008 | 08:00 PM

المفروض تكون عندكم،، وكلام امج مليون بالميه صح،،

ر

ريحانة القدس

مشرفة سابقة

19-04-2008 | 08:21 PM

انا رأيي انه طالما ابوها مستعد يتحمل يخليها عنده وياخد باله منها فهي بالنهايه بنته واكيد ما رح يقصر معها..
واذا شعر انه مو قادر يتحمل اكيد رح يلجألكم ...اتركوا براحته وخليه يجرب .. ربي يهونها يا رب ويكون بالعون ...

ع

عروس الموج

عروس برونزية

19-04-2008 | 09:08 PM

خلي كلشي في صوووووووووووووووووب والجهاز الي حاطنيه عسب يسمعون صوتها في صوووب

شوووو هاااااا اونهم بيقلدون الاجانب حشا والله ابا اعرف بس خبريني شو من القلب فيهم 6 شهور وترقد حجره روحها مايسوا حياة زوجيه هاي وبنتي بعيد عندي وتصيح وتهلك والابو في سابع نووووه لو سمح الله الجهاز اخترب البنت بتهلك من الصياح..

والله الناس اتصيح ادور عيال وناس عفاني الله

لا تزعلين من كلامي...بس دايما بدعي للبنت ان رب العالمين يحفظها يااااااااارب والله يهدي امها وابوها..ما بنيب عيال يوم احنا مب قدهم

س

سفيرة فوق العاده

مشرفة سابقة

19-04-2008 | 11:50 PM

السلام عليكم

صح اختي هالعمر بالذات يحتاج لعنايه لأن الطفل يبدأ ياكل ويميز

انا في وجهة نظري،، البنت مفروض إنها تكون عندكم في النهار لين ما يصحى أبوها ويجيكم وياخذها ويقضي باقي الساعات إلين ما ترجع أمها ،، وتكونون إنتو طبعاً مجهزينها من سبوح ومجهزين المرضاعه وتعطونها أبوها إلين ما تعود إختك من الدوام

او الحل الثاني

إنكم تجيبون ناااااني تقعد وياها ،، وتتحمل مسؤوليتها تحت نظر الأب

والله يوفقكم

ب

بنت الرافدين1

عروس برونزية

20-04-2008 | 06:30 AM

اعتقد كلام الام مليون بلميه صح
الاب مهما يكون مايتحمل
خلي امج تكلمها اختج بنهار خلي البنت يمكم
ومن يصحى الاب صعدوها

د

دلوعةحناني

مشرفة سابقة

20-04-2008 | 06:57 AM

حبيبتي الغاليه
انا سعيده جدا بقلوبكم الرحيمه على هالبنت المسكينه بصراحه
المفروض امها تجلس للعنايه بها لحد عمر 3 سنوات على الاقل هذا حقها امام الله عز وجل
بس الظروف احكم
اول شي غلط ومية غلط تبقى البنت مع ابوها وهي بهالعمر كيف بيغير لها الحفاظ؟؟
وله هو وش معرفه لما هي تبكي وش تبي؟
حتى الله سبحانه وتعالى خلق الاب ليصرف على اولاده ويادبهم لما يكبروا والتربيه والحنان للام
انا نصيحتي خذي رقمه وكلميه بصفه شخصيه او امك تكلمه انكم مستعدين تمسكون البنت ولا يشيل هم
وانكم تحبون وجودها عندكم وتخبروه لا يعلم مرته بهالكلام ويقرر هو انها تبقى عندكم
واتمنى الله يعوض بالمستقبل الاطفال الي تصبين فيهم كل هالحنان الفياض يالغاليه
تحياتي

C

Candle

عروس متألقة

20-04-2008 | 07:10 AM

ريحانة القدس;5768642:
انا رأيي انه طالما ابوها مستعد يتحمل يخليها عنده وياخد باله منها فهي بالنهايه بنته واكيد ما رح يقصر معها..
واذا شعر انه مو قادر يتحمل اكيد رح يلجألكم ...اتركوا براحته وخليه يجرب .. ربي يهونها يا رب ويكون بالعون ...

انا مع كلام اختي ريحانه
شدعوه يعني ماتخلون البنت عند ابوها.. يعني هو بس بكون معها الوقت إلي امها في الشغل
ماراح يكون لحاله معها 24...

في ابهات اجانب كلشي يعملون لعيالهم الصغار لما امهم تتركم لاي سبب
ماشوفها حلوه ابد كيف كثير من الابهات يتركون عيالهم على أهلهم او خدم..

يعني فرضاً كانوا عايشين ره في امريكا للدراسه ولا حاجه وام البنت تحتاج تتطلع لموعد ولا اي سبب
الاب مايتحمل ابنته؟؟؟؟

ا

امونه 2008

عروس متألقة

20-04-2008 | 03:52 PM

اصلن غريبه هو يبيها عنده
هو ماخذ اجازه علشان يرتاح مو علشان ياخذ دور الام
وبعدين هو وش عرفه باحتياجات الطفله وهي عمرها 6 شهور بس
حرام عليه هو مو قد تربيتها وحتى امها اللي هي اختك سمحي لي اقول ماعندها اهتمام في بنتها ولا هي ادرى انه هو وين والاهتمام بالطفله وين وان اهتمامكم فيها غير اهتمامه فيها سوري اقصد نومه عنها
الله يفك حيرتك ويسهل عليك امرك يارب

G

GurL

عروس مشاركة

20-04-2008 | 03:59 PM

المفروض اتكون عندكم ،، مب حلوه انه ابوها ايبدل الها البامبرز
عندكم انتوا اكيد بتحصل اهتمام اكثر ،،

o

orange mango

عروس مبدعة

20-04-2008 | 06:19 PM

انا من رايي ان لو عندكم وايد أحسن مب عشان شي دايما الحريم يعرفون يتصرفون اما الرياييل ما يعرفون ....

بالعكس ما فيها شي انتو تساعدونها ... حتى لو تمت عند ابوها ... اصلن الابو ما يعرف يتصرف وايد لكن لو اتحمل هالمسؤوليه خلوه روحه بيجرب وبيعرف انه ما يقدر على هالشي ........

انتو رمسو اختج على اساس انكم تبغون اتساعدونها .... وشوفو ردة فعلها ... بالأخير القرار عندهم هم ....

وانتو يزاكم الله ألف خير ...............

م

مجنونة زماني

عروس رائعة

20-04-2008 | 09:36 PM

انا عندي حل جربوه
لا تكلمون امها كلموا الاب ..
و امج هيه اللي ترمسه و تقوله انا تعودت على البنت هاتها عندي على الاقل اول الصبح يوم انت نايم و يوم تنش تعال عدنا ولا خذها ..

ولا تفتحون موضوع صح وغلط و يصير وما يصير و عيب ..
خلوها اذا تعزني هات البنت عندي و انا متعلقه فيها .. احسن لكم و لبنتكم و للصغيرونه ..
هذا راي

أ

أسماء زكي الدين

مشرفة سابقة

20-04-2008 | 11:02 PM

بصراحة لا أرى سببا لكل ما تفعلونه

حولتوها حرب أهليها

تخيلت وأنا أقرأ مقدمة الموضوع إنكم ترغبون في أن يتحمل الوالد المسئولية فترة إجازته

أختي زوج أختك والد الطفلة ولن يؤذيها

اتركوه - طالما عنده استعداد يتحمل المسئولية ليتحملها

وساعدوه على أن يكون أبا مثاليا

صدقيني إن ركن الأن فلن يتحرك فيما بعد وغدا تتزوجين .. فمن يقوم بهذا الدور مع تلك النت وغيرها ؟!

الأب لازم يساعد اختك واعطوه الضوء الأخضر إن احتاج لشيء فسيجدكم حاضرين ..

ف

فروحة87

عروس متألقة

20-04-2008 | 11:10 PM

يعني السالفة ما يبي لها نقاش اكيد مو عند الاب

لان يبي الى الطفلة ناس تعرف تتصرف

أ

أوراق الخريف

مشرفة سابقة

23-04-2008 | 03:43 PM

[BLINK]السلام عليكم ورحمة الله وبركاته[/BLINK]

قصت اختج اتذكرني بعمري ههههههههههههه.. بس صدقيني هذا اول مولود فيبغون يدلعونه بنفسهم وهذا من حقهم..
ولكن شويه يبالها تعب والريال صعب يتحمل هالمسؤوليه..
حبيبتي خلي امج اتكلم اول شي اختج وبعدين تفتح السالفه لريلها علشان لا تضايق اختج ان فتحته اول شي مع زوجها.. وباسلوب تفاهم.. ان شاء الله يقتنعون..

وشـــــــــــــــكرا

z

zumerdah

عروس برونزية

23-04-2008 | 04:56 PM

اختي ,,

البنت صغيرة 6 اشهر يعني تحتاج لرعاية ام واذا الام ما كانت موجودة لازم يكون فيه بديل مثل الجدة او اخت الام يعني مرأة تعرف شلون تاخذ بالها من البنت ..

الريال لو شنو يعرف وشنو يهتم بالبنت بعد مايقدر يرعاها مثل الام ومايقدر يهتم فيها كثر الام ..

وانا اشوف كلام امك صح والمفروض امك تفتح الموضوع مع اختك والموضوع ابد مايزعل ولا فيه غلط على ريلها ابدا ..

*

*الناعمة*

عروس مشرقة

23-04-2008 | 05:11 PM

اكييييييييييييييد خلوها عندكم

ابوها توه صاير اب ما يعرف شي

وخبرج في الريايل كل يسوون روحهم ما يعرفون

وبعدين اذا مرضت البيبي انتوا بتلومون نفسكم

حرام اخذوا ثواب واهي بنت اختج يعني بنتج

انا لو منج اخليها عندي واربيها لين امها اتخلص

لو كنت مكان اختج من بيشيلج في هالدنيا غير امج واختج

محد الى احد في هالدنيا الي ما فيها امان