للاسف مصورتش لان الكاميرا فيها مشاكل دلوقتى بس جبت صور توضح الفكرة
انا فكرت مبدئيا فى نوع الهدية وقولت اجيبلها العطر اللى هى بتحبة
جبتة وغلفتة عادى
الفكرة جاية اهى
طبعا علبة الريحة كلها على بعضها صغيرة اوى
انا بئى جبت صندوق كبير كان عندى من الكرتون واشتريت من المكتبة ورق مقوى ملون ولصقتة على العلبة يعنى غلفت الكرتون بية قصيت على اد الجوانب واد الجزء السفلى بتاعة وكدة يعنى عشان اغطى لون الكرتون وتختارى اللون المناسب ليكى وتلصقية كويس
صندوق زى دة
بعد كدة بطنتة من الداخل برضة بنفس الورق ورحت فرشت الارض بتاعة الصندوق بالفيبر عارفينة اللى بنحشي بية المخدات او ممكن قطن او اى حاجة تانية يكون شكلها جميل حسب ذوقك
وبعدين اشتريت البنبون اللى هى بتحبة على كم ملبسة وكام لبانة و حبوب M&M يعنى شوية حلويات
ورحت موزعاة على الفرشة اللى فى الارض وبعدين حطيت علية الريحة فى النص ورحت حطة فوقها بالونات اشتريت بالونات كتيرة لونها احمر اللى بتكون مليانة بغاز الهيليوم غاز خامل يعنى عشان اول ما تفتح العلبة تطير لفوق على طول تعبونى جدا على ما دخلتهم وقفلت عليعم طبعا الصندوق كان كبير اوى بس مليان بلالين خخخخخخخ
وبس كدة قفلت الصندوق وزينتة
وبس ادتها الهدية وانا واثقة انها كانت حتموت وتعرف فيها اية ولما فتحتها لقيتا بتتصل بيا وتشكرنى على الفكرة الحلوة بس عيال اختها خطفوا منها الملبس والحلويات ههههههههههه
طبعا انتى تختارى الالون اللى على ذوقك وتغيرى حسب ما انتى عايزة
وتزينيية من برة باى حاجة ورد او قلوب انا عملت فيونكة كبيرة حطتها من فوق فى ركن كدة ورسمت قلوب علىورق احمر لون البالونات ولزقتها على الصندوق من برة وكتبت من برة علية اسمى واسمها وكلمة كدة شقية بهزر معاها بيها
يعنى ممكن نقول الشكل النهائى شبة دة صندوق كبير ومتزين بس بلاش بالونات عشان ميكونش من برة بالونات ومن جوة بالونات وطبعا كل ما كان فية تناسق فى الالوان اللى انتى مختاراها حيكون احسن وكل ما كان الصنودق كبير والبالونات كتير حيكون احلى وعيون الناس جتطلع على الهدية دى بس تختارى الهدية اللى جوة حلوة وهى بتحبها بس تكون صغيرة يعنى متتوقعش انها حاجة حلوة او حتعجبها وبعدين تلاقيها مش حلوة اوى او مش مفجاءة ساعتها حلاوة الهدية تروح ممكن لو معاكى فلوس ممكن تشترى هدية ذهب او حاجة غالية وتعملى الفكرة دى حتكون حلوة
